DAVLAT DASTURI MUHOKAMASI
Xabaringiz bor, 2025-yilga mo‘ljallangan Davlat dasturi to‘g‘risidagi Prezident Farmoni loyihasi “Taraqqiyot strategiyasi” markazi tomonidan ishlab chiqilgan va maxsus saytda jamoatchilik muhokamasi uchun joylashtirilgan. Dastur loyihasi “Atrof-muhitni muhofaza qilish va “yashil” iqtisodiyot yili” deb nomlangan bo‘lib, u o‘z ichiga 2025-yilga mo‘ljallangan “O‘zbekiston – 2030” strategiyasini amalga oshirish bo‘yicha chora-tadbirlarni oladi.
Shu maqsadda Oila va gender ilmiy-tadqiqot institutida Davlat dasturi loyihasi muhokamasiga bag‘ishlangan yig‘ilish bo‘lib o‘tdi. Unda Dasturning 25-maqsadi, ya’ni xotin-qizlarni qo‘llab-quvvatlash tizimini kuchaytirish, ularning huquq va manfaatlarini ta’minlash, ijtimoiy, iqtisodiy va siyosiy faolligini oshirish hamda gender tenglikni ta’minlash yo‘nalishidagi bandlar bo‘yicha institut olimlarining takliflarini kiritish masalasiga alohida e’tibor qaratildi. Institut xodimlari tomonidan yo‘nalishlar bo‘yicha qator takliflar bildirildi.
