#السلام(٩) السلام النفسي في حياتنا الزوجية 🌺ربنا سبحانه وتعالى جعل الحياة الزوجية اساسها السكينة والمودة والرحمة. لما نتأمل الآيات الخاصة بالعلاقة بين الزوجين هنجد إنها مش بتتكلم عن الحب💞 ولكن بتتكلم عن احتياجات اهم من الحب، احتياجات لما بتتحقق هي اللي بيتولد عنها الحب.💞 🌺حياة زوجية يعنى رحمة والرحمة بيتولد عنها السلام النفسي . يعنى لما أنا أكلف زوجتي🙎‍♀ فوق طاقتها بدنيا أو نفسيا ده بيتنافى مع الرحمة وبالتالي الزوجة هتشعر من داخلها بالإحباط والضيق والتوتر النفسي اللي هيسبب عدم سلام نفسي بينها وبين نفسها، وربما يؤدي لشجارات بينها وبين زوجها وبالتالي يضيع السلام.😔 📌مثال زوج عاوز من زوجته كل حاجة عشرة على عشرة يعنى لو قصرت في حاجة صغيرة لأي ظرف تقوم معركة في البيت فبالتالي البيت يوميا فيه نزاعات وشجارات.😱 📌زوج تاني بيغصب زوجته إنها تكون مسؤولة عن بيت والدته مسؤولية كاملة تنظيف وترتيب وإعداد طعام ومش من حقها في المقابل إنها تزور أهلها غير كل فترة طويلة. المشكلة إنها بتقوم بالدور ده وإخواته البنات قاعدين يتفرجوا على التلفزيون وعايشين حياتهم ومش بيقوموا بأي دور ورغم حمل الزوجة وتعبها إلا إن الزوج شايف إنه اجباري إنها تقوم بالدور ده مش ذوقيا منها ولا تفضلا ولا إكراما للزوج ولأمه ولكن رغما عنها وكإنه حق أصيل للزوج وللأم ولو الزوجة قصرت فيه يتهمها بالنشوز وإنها وعاقة لزوجها وتستحق العقاب. هل ده من العدل أو الشرع أو الرحمة؟!😱 هل كده ممكن يتحقق السلام النفسي بين الزوجين؟😱 🍃جميل إن الزوجة تعامل أم زوجها وكأنها أمها الثانية وتتقي الله فيها وتعاملها بالفضل ولكن جميل كمان إن الزوج يتقي الله في زوجته ولا يكلفها فوق طاقتها ويشكر لها حسن علاقتها بأمه وحسن خدمتها لها مش يخاصمها ويتشاجر معاها بسبب القليل اللي قصرت فيه وينسى الكثير اللي تفضلت بيه. ⚠️تعالوا نشوف أمثلة تانية للأمور اللي بتعكر صفو السكينة والسلام النفسي واللي بتصدر من الزوجة👇 ◀️ أولا الغيرة.. السم القاتل الغيرة لما بتزيد عن الحد مع المرأة بتكون داخل المرأة حروب نفسية كتيرة 👈🏻بتخلق جواها خوف وقلق، وتوتر فتصبح دايما متعصبة وفي حالة شك مستمر وده بيخلي البيت في حالة طوارئ سواء مع الولاد أو الزوج. ⚡️الأمر بينعكس على الزوج اللي بيشعر إنه في ساحة حرب وبيجد إن أسلم حاجة ليه أنه يسيب الحرب دي ويهرب.🏃‍♂ 💥الغيرة بالشكل ده للأسف مش بتدمر السلام النفسي بس ولكنها بتدمر العلاقة الزوجية كلها. 💥فرق كبير جدا بين الغيرة الخفيفة اللطيفة اللي الطرف التاني بيحبها وبين الغيرة اللي هي عبارة عن حب تملك بيقتل كل معاني السكينة والسلام المتبادل بين الزوجين😰 طيب لو أنا زوجة غيورة ازاي أعالج الموضوع ده؟🤔 🍃ببساطة أولا عليك بالدعاء ثم الدعاء ثم الدعاء . 🍃ثانيا لازم تفهمي تبعات الموضوع وإن الغيرة الشديدة بتؤدي لحصار خانق وبتخلي الطرف التاني يتعب بالفعل ويبدأ ينسحب بذكاء ومن غير ما تشعري يعنى يروح يتزوج زوجة تانية في السر أو يدخل في علاقة حب محرمة في السر وهو مخليكِ عايشة في الوهم وموصلك إحساس إن مفيش غيرك في القلب لإنه خايف على البيت والولاد. 💥أو يكون رد فعل الزوج إنه يتصادم معاك ويحطك أدام الأمر الواقع 💫أو ميكونش علاقة تانية ولكن علطول تلاقي نفسك أنت وهو في خناق مستمر طب ليه كل ده أصلا؟!😬 هي القلوب💞💞 في أيد مين ؟ 🍃في يد ربنا سبحانه وتعالى يقلبها كيف يشاء، يعنى أنت بالدعاء تقدري تخلي قلب زوجك يحبك أنت وبس، ومينتبهش لأي واحدة تانية. 🎁محتاجة تحسي بالسلام النفسي كناحية دينية وناحية ذاتية عشان يتحقق عنصر السيطرة على الغيرة إن شاء الله. 🍃كمان اشغلي نفسك بحاجة تانية متخليش كل انشغالك بزوجك بس. الدنيا مش زوج بس، الدنيا علاقات واهتمامات كتير، أهل وأبناء وأصحاب، وزوج، وهوايات، ودين، ورسالة، وأمور كتير، فليه بتحصريها في نقطة واحدة وموجهه ليها كل تركيزك؟ 🌴خلي نار الغيرة تهدى شوية علشان تقدري تعيشي مع زوجك في سلام يتولد عنه المودة والحب والسكينة. رضا الجنيدي #اسماء_الله_الحسنى ✍ كلنا راحلون ويبقى الأثر.. فلنترك أثرا قبل الرحيل. #أسماء_الله_الحسنى 🌸تابعوا جديدنا على 🌸 🌸قناة الكاتبة رضا الجنيدي على التلجرام👇 https://t.center/redaalgeneedy 🌸صفحة الكاتبة رضا الجنيدي على الفيس👇 https://m.facebook.com/Reda.Geneedy.