#اسماء_الله_الحسنى #السلام (7) العفو من الأمور الهامة اللي بتحقق السلام الذاتي. 🍃ربنا سبحانه وتعالى عفو بيحب العفو يحبك تغفر لغيرك زلاته، وتعفي عمن اساء اليك، بس العفو ده يكون مصحوب برضا داخلي يعنى عفو مقتدر مش عفو مغلوب على امره وملهوش خيار تاني. لما بتعفو بتشعر بسكينة رائعة وسلام نفسي جميل👍 🌱ابن القيم بيقول جملة رائعة بيقول: "يا ابن آدم، إن بينك وبين الله خطايا وذنوب لا يعلمها إلا هو، وإنك تحب أن يغفرها لك الله، فإذا أحببت أن يغفرها لك فاغفر أنت لعباده، وأن أحببت أن يعفوها عنك فاعف أنت عن عباده، فإنما الجزاء من جنس العمل"، تعفو هنا يعفو هناك، تنتقم هنا ينتقم هناك، تطالب بالحق هنا يطالب بالحق هناك". 🌴احنا في الدنيا دي ماشيين بستر الله وحلمه وعفوه والله لو كان فعلا لذنوبنا رائحة مكناش هنتحمل نقعد جنب بعض، كانت نظرات كتير مننا للي بيقدرهم ويحترمهم هتختلف، ولكنها طبيعة البشر اننا بنخطئ.. احنا مش كاملين فليه منمشيش بمبدأ العفو. 🌾لما بتسامح لله مش لدنيا ولا لحد ولكن بتسامح عشان ربنا سبحانه وتعالى فقط بتغشاك السكينة الداخلية. مش بتلاقي نفسك بتعتصر الما من الداخل. مش بتلاقي نفسك بتموت من الغيظ من جواك. مش بتلاقي نفسك من جوا تايه في دوامات الرغبة في الانتقام 🌱بيأسرني فعلا ابيات الامام الشافعي اللي بيقول فيها من نال مني أو علقت بذمتـــــه، أبرأتــــه لله شاكـــرا منتـــــه، أأُرَى معَوِقَ مؤمن يوم الجزاء، أو أن أسوء محمدا في أمته 🌱 تخيلوا النفوس الجميلة دي اللي بتسامح عشان متقدرش تشوف حد يوم الايام بيتعذب بسببها، وبتسامح عشان متقدرش تسوء سيدنا محمد لما في امته لما يشوف حد منها وهو بيتعذب! سبحان الله نفوس في القمة فعلا.👍👍👍 👈🏻 ياريت دايما نفتكر اننا لو رضينا عن الله وعن قضائه، ولو اتبعنا هدى الله عز وجل، لو وقفنا مقارنات، لو توازننا في حياتنا، لو تعاملنا بمبدأ العفو هنوصل للسلام الداخلي الرائع 🌱اسأل الله عز وجل لي ولكم جميعا السلام النفسي، وأن يرزقنا السكينة والسلام والاطمئنان. https://www.youtube.com/watch?v=2s3srn1yOMA #أسماء_الله_الحسنى رضا الجنيدي ✍ كلنا راحلون ويبقى الأثر.. فلنترك أثرا قبل الرحيل. 🌸تابعوا جديدنا على 🌸 🌸قناة الكاتبة رضا الجنيدي على التلجرام👇 https://t.center/redaalgeneedy 🌸صفحة الكاتبة رضا الجنيدي على الفيس👇 https://m.facebook.com/Reda.Geneedy.