#اسماء_الله_الحسنى #السلام (٦) يا ترى سمعتوا عن الاحتراق النفسي؟ 🌱كتير مننا بيعمل في مجال العمل الخيري، أو الدعوة أو التعليم بيكون إنسان رائع بمعنى الكلمة كله خير، وعطاء، وبذل وتضحية. 👈🏻بيساعد الفقراء والمساكين 👈🏻بيقضي كتير من وقته في عمل الخير 👈🏻بيمد يد العون للناس 🌾كل دي صفات ايجابية هتشعر صاحبها بالسلام النفسي، وهيستشعر اسم الله السلام في حياته بسببها، ولكن امتى تنقلب المشاعر دي للضد ويزول الشعور بالسلام النفسي؟ عارفين امتى؟ لما الشخص المعطاء يوصل لمرحلة الاحتراق النفسي 💥الاحتراق النفسي مصطلح بيعبر عن الناس اللي بتعمل في مجال العمل الخيري وخدمة الاخرين، لكنهم وجهوا كل طاقتهم وجهدهم للآخرين ونسيوا نفسهم، وتحملوا فوق طاقتهم وفي الاخر بيوصل للمرحلة دي اللي فيها بدل ما يشعروا بالسلام النفسي والهدوء والسكينة يشعروا انهم دايما بيدوروا في داومة مش عارفين يخرجوا منها، ويحسوا إنه مش لاقين نفسهم، ومش لاقين وقت لنفسهم. 🍁يبقا الإنسان ده بيحترق من الداخل لكنه مش قادر يوقف عمل خير والا هيحس انه بيخذل المحتاجين، لإنه مش قادر يظبط امور حياته فدايما عايش في نوع من التوتر النفسي وعدم سلام مع الذات عشان متوصلش للاحتراق النفسي وافتقاد السلام الداخلي 🍃ببساطة اتبع تعاليم دينك.. افتكر إن ديننا دين وسطية لا افراط ولا تفريط. يعني مارس العطاء والبذل ولكن بأسلوب لا يجهد ذهنك وفكرك وصحتك. 🌾مارس العطاء والبذل بس من غير ما تقصر في حق أقرب الناس ليك .. اسرتك ونفسك اللي هي الاساس مارس دور العطاء والبذل بس خليك منظم في خطواتك وبلاش تدخل نفسك في أمور كتير في نفس الوقت خليك متوازن 🌼 مش بقولك وقف عطاء بالعكس أنا دايما بقول النفع المتعدي افضل من النفع الذاتي ولكن بقول افتكر دايما" لا يكلف الله نفسا إلا وسعها" يبقا متحملش انت نفسك فوق طاقتك عشان متحسش بعدم السلام النفسي 🌿 التوازن ينقلنا لنقطة جديدة بتصيب السلام النفسي في مقتل. نقطة عدم النظر إلى الذات نظرة متوازنة، والنظر إلى الذات من خلال نظارة المقارنات. المقارنات بتدمرك نفسيا. بتدمر سكينتك وهدوءك النفسي. بتدمر إحساسك براحة البال. بتفقدك الإحساس بالسلام الذاتي فحاول تكون نفسك افتكر إن كل انسان نسيج مختلف عن غيره، متقارنش نفسك بحد، متحاولش تكون حد تاني غيرك. جميل إني احاول اخد ليا قدوة وامشي على خطاها بس لازم نعرف إن كل انسان مختلف عن التاني وكل انسان ليه ما يميزه 🌴فبلاش مقارنات لانها بتحبط وبتخلي الانسان يقع منه السلام النفسي تماما 🌴اوقات بيكون عندنا حاجات افضل كتير من اللي حوالينا بس للاسف المقارنات بتخلينا بنبص للحلو اللي عند الناس بس مش بناخد بالنا من الحلو اللي عندنا ربنا سبحانه وتعالى عادل 🌾بيدي كل انسان مواهب تميزه بس في انسان استغل المواهب دي وانسان دفنها 🍁صدقوني الناس اللي بتقارنوا نفسكم بيهم هما كمان عندهم نقص في جوانب مفيش انسان كامل ولا حياته كاملة، فياريت نركز على النعم اللي عندنا، ومواهبنا المدفونة ونحاول نخرجها للنور بدل مانقارن نفسنا وندور في دائرة مقارنات تحطم السلام النفسي لينا. https://www.youtube.com/watch?v=SAfVcBlTf4A ✍ كلنا راحلون ويبقى الأثر.. فلنترك أثرا قبل الرحيل. #أسماء_الله_الحسنى 🌸تابعوا جديدنا على 🌸 🌸قناة الكاتبة رضا الجنيدي على التلجرام👇 https://t.center/redaalgeneedy 🌸صفحة الكاتبة رضا الجنيدي على الفيس👇 https://m.facebook.com/Reda.Geneedy.