#اسماء_الله_الحسنى #السلام (5) ✍🏻نستكمل مع بعض معاني اسم الله السلام والنهارده موعدنا مع المعنى الثالث 🍃السلام هو الذي سلِم من كل عيب وافة ونقص يتصف بها المخلوق. الله عز وجل هو المُنزه عن كل نقص ، وكل عيب 🍁كل إنسان فينا عنده عيوب و نقص 🍁كل إنسان فينا عنده شيء يكدر صفو شخصيته 🍂مفيش حد كامل 🍃ولكن الله عز وجل هو الذي يتصف وحده بكامل صفات الجمال والجلال لا يشوبه نقص ولا عيب. يقول ابن كثير عن اسم الله السلام: "السلام؛ أي: الذي سلم من جميع العيوب والنقائص؛ لكماله في ذاته وصفاته وأفعاله". 🌙دي ببساطة معاني اسم الله السلام ولكن احنا مش بنتعلم اسماء الله الحسنى عشان نعرف معانيها فقط، ولكن المفترض إننا بنتعلمها عشان نقرب من ربنا أكثر، ونتغير للأفضل دينيا ودنيويا 🌱المفترض بنتعلمها ونتعرف عليها عشان تكون حياتنا من الداخل ومن الخارج أجمل وأروع. 💫عشان كده هنبدأ مع بعض التطبيق العملي لاسم الله السلام في حياتنا 🌺 التطبيق الأول 🌾 كل إنسان فينا عمره ما هيعيش سعيد غير لما يحس بالسلام الداخلي، وعشان تحس بالسلام الداخلي يبقا لازم توصل لمرحلة اليقين والثقة في الله وحسن الظن بالله ودي اتكلمنا عنها في البوستات السابقة. ✍🏻طيب عشان كمان أستشعر السلام الداخلي يبقى لازم أطبق تعاليم الله في حياتي عشان مبقاش عايش حالة الشتات النفسي ومش عارف استجمع قوايا النفسية. طب ده أوصل ليه ازاي؟ 🍃عشان تتضح الصورة هنحط ادام عينيا مشهدين 1⃣ المشهد الأول ربنا سبحانه وتعالي بيقوله لينا في سورة طه " فَمَنِ اتَّبَعَ هُدَايَ فَلَا يَضِلُّ وَلَا يَشْقَى " 🌱يعنى سعادتك الحقيقية اللي توصلك للسلام النفسي بإنك تتبع تعاليم الله عز وجل .. بس تتبعها صح من غير عناد ولا مكابرة ومن غير اختيارات. ⚡️يعنى مش هختار من الدين اللي على مزاجي اعمله واللي مش على مزاجي اركنه على جنب ⚡️مش هقول أنا هصلي بس لبسي ده حريتي الشخصية وملكي انا ⚡️مش هقول انا محجبة بس من حقي اعيش الحياة فلما اروح المصيف مفيهاش حاجة لما انزل بالاسترتش البحر ⚡️مش هقول انا محجبة بس من حقي استمتع بالحياة فلما يجي فرح اختي ولا بنت عمي هقلع الحجاب يوم الفرح بس وارجع البسه تاني ⚡️مش هقول أنا بأدي فرائض ربنا هصلي واصوم واطلع الزكاه بس غير كده بقا باقي حياتي تخصنى انا 🍂كل ده عكس اتباع الهدى تمام كل ده ينقلنا على الصورة التانية صورة عدم اتباع الهدى والاعراض عن ذكر ربنا 🌾واللي ربنا سبحانه وتعالى وضحهالنا في نفس السورة " وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى" 🌙اتباعك للهدى هيوصلك للسعادة في الدنيا والاخرة 💥واعراضك عن تعاليم ربنا سبحانه وتعالى هيوصلك لمرحلة الضنك 🌱والعلماء فسروا الضنك بإنه القلق النفسي والضيق النفسي والمشاعر النفسية السلبية والشعور بالتعاسة اللي بيصاحب الإنسان المعرض عن تعاليم الله عز وجل فمهما بلغ من مكانة علمية أو اجتماعية أو دنيوية، ومهما كان مرموق في أعين الناس يفضل من جواه في شتات نفسي فظيع يخلي حياته كلها ضنك وتعب نفسي 🌿كمان اتعلمي تسامحي نفسك على اخطاء الماضي، وعلى تقصيرك في حق نفسك، على عيوبك اللي مصلحتهاش من زمان سامحي نفسك على حياتك اللي ممكن تكوني عيشتيها غلط لإن مكانش جنبك حد يعلمك ويفهمك ربنا سبحانه وتعالى بيدي للانسان فرص كتير في الحياة عشان يتغير ☁️شهر رمضان فرصة ☁️كل يوم جديد فرصة 🍂انسي الماضي 🍂إذا كان خير الخطائين التوابون 🍂اذا كانت التوبة بتمحي ما قبلها 🍂اذا كانت الحسنة بتدفع السيئة 🍃يبقا دي رسالة من ربنا السلام سبحانه وتعالى ليك إنك لازم تعيشي في سلام نفسي بإنك تمحي اخطاء الماضي بافعال جميلة ✍🏻وقفوا جلد الذات 🎁اذا كنت غلطت في حق نفسك في حياتك الزوجية صلح الخطأ. 🎁اذا كنتِ غلطت في حق نفسك بانك اهملتيها ابدئي نمي نفسك ومهاراتك ومارسي هوايات تسعدك بس في حدود شرع الله وبدون تقصير في حق بيتك وزوجك وولادك. #أسماء_الله_الحسنى ✍🏻 رضا الجنيدي ✍ كلنا راحلون ويبقى الأثر.. فلنترك أثرا قبل الرحيل. 🌸تابعوا جديدنا على 🌸 🌸قناة الكاتبة رضا الجنيدي على التلجرام👇 https://t.center/redaalgeneedy 🌸صفحة الكاتبة رضا الجنيدي على الفيس👇 https://m.facebook.com/Reda.Geneedy.