#اسماء_الله_الحسنى #السلام(3) 🌱عن جابر بن عبد الله بن حرام رضي الله عنهما قال: "لقيني رسول الله صلى الله عليه وسلم فقال لي: يا جابر؛ ما لي أراك منكسراً؟ قلت: يا رسول الله استشهد أبي، قتل يوم أحد وترك عيالاً وديناً. قال: أفلا أبشرك بما لقي الله به أباك؟ قال: قلت: بلى يا رسول الله قال: ما كلم الله أحدا قط إلا من وراء حجاب، وأحيا أباك فكلمه كفاحاً، فقال: يا عبدي تمن علي أعطك، قال: يا رب تحييني فأقتل فيك ثانية، قال الرب عز وجل: إنه قد سبق مني أنهم إليها لا يرجعون، قال: وأنزلت هذه الآية: وَلاَ تَحْسَبَنَّ الَّذِينَ قُتِلُواْ فِي سَبِيلِ اللّهِ أَمْوَاتًا بَلْ أَحْيَاء عِندَ رَبِّهِمْ يُرْزَقُونَ." يا الجمال وروعة المشهد! ربنا سبحانه وتعالى يكلم إنسان مباشرة قبل يوم القيامة وقبل يوم الحساب ويقوله تمن على أعطك 🍃يعنى اطلب اللي أنت عاوزه 🌾أنت كمان وأنا لما نعبد الله حق عبادته، لما نخدم ديننا، لما نكون من أولياء الله ممكن نوصل للدرجة اللي نتمنى فيها شيء ويتحقق لنا بفضله عز وجل. دلوقتي نتكلم في نقطة في غاية الأهمية: احنا قلنا من معاني اسم الله السلام الذي يسلم على اوليائه. 📌والسلام مش مجرد كلمة تقال ولكنه تأمين لك من أن يصيبك ما يؤلمك أو يحزنك طب ازاي أكون من اولياء الله؟ يقول الله عز وجل "ألا إِنَّ أَوْلِيَاءَ اللَّهِ لا خَوْفٌ عَلَيْهِمْ وَلا هُمْ يَحْزَنُونَ * الَّذِينَ آمَنُوا وَكَانُوا يَتَّقُونَ" 🍃شرط أساسي عشان تكون من أولياء الله إنك تكون من أهل التقوى. 🍃التقوى ببساطة شديدة جدا إننا ننفذ أوامر الله عز وجل ونجتنب نواهيه. 🌱يعنى ربنا سبحانه وتعالى يجدنا حيث أمرنا ولا يجدنا حيث نهانا. 🌾ربنا أمرك بالحجاب الصح يبقا تلبسي حجاب صح مش حجاب معاه بنطلون، ولا حجاب معاه مكياج، ولا حجاب معاه حاجات ملفتة. 🌹ربنا أمرك بإنك تغضي صوتك عشان اللي في قلبه مرض ميطمعش فيك يبقا وأنت في شغلك تتعاملي مع زميلك في الشغل على إنه زميل مش على أنه أخوك أوصديقك اللي قاعدة تحكيله مشاكلك مع زوجك وتتكلمي معاه برقه فتصعبي عليه ويبدأ يمارس معاك دور الناصح الأمين. 🍃ربنا نهاك عن سوء الظن يبقا تفتكر إن بعض الظن إثم متبقاش كل كلمة حد بيقولها تأولها وتفسرها على مزاجك وتحطلها 100 معنى ملهمش أساس من الصحة فتزرع بينك وبين أقرب الناس ليك عداوة أو بغض أو نفور بعد الحب الكبير. 🌱التقوى في موقف زي ده تفتكري إن سوء الظن من أكذب الحديث وإنه ورد النهي عنه في حديث شريف عن ابي هريرة عن النبي صلى الله عليه وسلم انه قال "إياكم والظن فإن الظن أكذب الحديث، ولا تحسسوا، ولا تجسسوا، ولا تنافسوا، ولا تباغضوا، ولا تدابروا، وكونوا عباد الله اخوانا" 📌تخيلوا إن سوء الظن ممكن يؤدي للتباغض والفرقة ولإن الله ورسوله نهونا عنه فمن المنطقي أن من التقوى أن ابتعد عن صفة ذميمة زي دي من النقاط الهامة التي تساعدنا للقرب من مرتبة أولياء الله المحافظة على الفرائض والتزود بالن افل 🌱استغربت جدا جدا في رمضان ده لقيت عدد كبير من المعارف عليهم ايام من صيام رمضان السنين اللي فاتت سواء بسبب حمل او رضاعة او حيض وللآن لم يؤدوا ما عليهم من فريضة! 🌴بشوف كمان ناس معاها فلوس الحج وزياده بس بيقول مش هحج عشان الحج غالي جدا! هو مش الحج برضه فرض على من استطاع إليه سبيلا؟ طيب نفرط في الفىائض ونرجع نقول عاوزين نكون من اولياء الله؟! طب إزاي؟! 🌾الإيمان علم وعمل الإسلام انقياد لله وطاعة له في كل أوامره 📌اللي حابب بالفعل يقترب من المكانة دي يبدأ بالحفاظ على الفرائض وييدأ يتقرب إلى الله بالنوافل ولو بالتدريج زي الصيام ولو ٣ ايام كل شهر إخراج صدقة من حين لآخر ورد يومي من القرآن ورد يومي من الاذكار 🌾لما نواظب على النوافل هتصبح مع الوقت جزء اساسي في حياتنا بنؤديه بحب واشتياق وقتها نوصل للمرحلة دي ان شاء الله 🎁 التطبيق العملي للمعنى الأول عشان نستحق إننا نكون من أولياء الله ونتمتع بسلام الله علينا يوم القيامة 👇 📌عاوزين نزود نافلة لمدة شهر كامل وبعدين نزود نافلة ثانية. 📌عاوزين نشوف ذنب بنعمله يتنافى مع صفات المتقين وندرب نفسنا تدريب عملي على التخلص منه، ونسأل الله السلام أن يسلمنا منه ونسأل الله الفتاح أن يفتح لنا بابا لعلاج أنفسنا من هذا الذنب. https://www.youtube.com/watch?v=wrKOjUWGRe8 ✍ كلنا راحلون ويبقى الأثر.. فلنترك أثرا قبل الرحيل. #أسماء_الله_الحسنى 🌸تابعوا جديدنا على 🌸 🌸قناة الكاتبة رضا الجنيدي على التلجرام👇 https://t.center/redaalgeneedy 🌸صفحة الكاتبة رضا الجنيدي على الفيس👇 https://m.facebook.com/Reda.Geneedy.