القريب 8⃣ هنكمل مع الأمثلة الحياتية اللي كتير مش بننتبه لاسم الله القريب واحنا بنتعامل بيها 🌟حالك مع اسم الله القريب في العمل👇👇 يا ترى بتتعامل ازاي في العمل وصاحب العمل مش موجود وبعيد عنك؟ 📌للأسف انتشر كتير جدا إن الموظف يروح يمضي ويثبت حضوره في العمل وبعدين يمشي بسرعة عشان يروح عمل تاني أو يرجع بيته😱 والمصيبة الأكبر إن باقي الموظفين يتستروا عليه تحت دعوى التعاون والمساعدة😱😱 📌لو عرفنا إن المدير العام جاي وفي مراقبة كله بينضبط وبيجي في موعده😳 راعنا نظر المدير لينا ولم نراع مراقبة الله عز وجل لينا وقربه لنا وعلمه بأحوالنا كبيرها وصغيرها. 📌رضينا ندخَّل جوفنا مال حرام ونطعم ولادنا مال حرام ونرجع نقول ليه ولادنا مش مطيعين لينا؟😰😰 ليه ولادنا بيتعبونا😰😰 راجع حساباتك مع نفسك في عملك وافتكر إنك محاسب على راتبك ومالك من أين وكيف اكتسبته . https://youtu.be/emEDw2xv4K8 📌مشهد تاني لو أنت موظف في مكان وماسك تليفون العمل وبتستغله في المكالمات الشخصية افتكر إن الله قريب يراك ويسمعك وأنت بتخون الأمانة، وإن مش من حقك بأي حال من الأحوال تستخدم تليفون العمل لأغراض شخصية. 📌لو أنت مؤتمن على مال غيرك واستغليته بشكل يناسب تحقيق مكاسب ليك وتتبعت الرخص عشان توصل لكده ومرضتش تستمع لأي صوت بيحاول يردك للطريق الصح افتكر إن الله قريب يراك ويرى كل تفصيلة من تفصيلات أعمالك، افتكر إن فتاوى بعض رجال الدين مش حجة ليك لما تكون الأمور واضحة وضوح الشمس أمام عينك، ولما كل الدلائل بتقولك حرام ده مال مش من حقك المال ده أنت مؤتمن عليه مينفعش تستغله لأغراض شخصية وتحقيق مكاسب خاصة. 📌لما تلاقي كل الدلائل بتقولك كده وتصر إنك متسمعش غير لهوى النفس ولفتوى من رجل دين أنت لا تعلم مدى صلاحه ومدى علمه وقتها افتكر إنك معشتش صح بتحقيق أثر اسم الله القريب في حياتك. 📌افتكر إن طالما متقدرش تعلن عن اللي بتعمله في العلن يبقى أنت على شفا حفرة من نار🔥🔥 ✖️يبقى أنت في موضع خطر يبقا أثر اسم الله القريب متوغلش داخل قلبك.💞 حاول ترجع وتلتزم بسؤال أهل العلم الثقات والعلماء الكبار، وتتقي الشبهات عشان تكون من المقربين بإذن الله وعشان ربنا يبارك لك في ذريتك. 📌عاوزين كمان نفتكر إن العمل مش بس وظائف حكومية ولا مال عام، أحيانا بتكون داخل في شراكة مع حد يحصل بينكم اختلافات في وجهات النظر في إدارة الأمور 📌شوف نفسك في الوقت ده بتتقي الله القريب وبتتذكر قرب الله لك وعلمه بخبايا نفسك ولا ما بتصدق يحصل خلاف وتستولى على كل شيء وتشوه صورة شريكك أمام الآخرين؟ 📌هل بترد ليه حقوقه المادية والمعنوية وبتراعي العشرة ولا بتنسى كل ده وبتعيش حياتك ولا كإن أي شيء حصل وبتتمادى في إيذائه معنويا؟ لو بتعمل ده متفرحش بالفتوحات اللي ممكن تكون بتنهمر عليك لإنها مش دايما دليل توفيق. افتكر إن الله قريب افتكر " وكل صغير وكبير مستطر" 📌القريب عز وجل عالم بأحوالنا، قادر علينا فلتتق الله في الأموال اللي بنتقاضها نظير العمل فلنتق الله في شراكاتنا ولنتذكر أن الله أقرب إلينا مما نتخيل قريب بعلمه وبقدرته رضا الجنيدي #أسماء_الله_الحسنى #فإني_قريب #إطلالة_على_اسم_الله_القريب ✍ كلنا راحلون ويبقى الأثر.. فلنترك أثرا قبل الرحيل. قناة الكاتبة رضا الجنيدي على التلجرام @Redaalgeneedy صفحة الكاتبة على الفيس بوك https://m.facebook.com/Reda.Geneedy