القريب7⃣ من معاني اسم الله القريب اللي يهتز لها القلب💞 وتخشع لها الجوارح معنى القرب العام، وهو غير قرب الله عز وجل الخاص بعباده المؤمنين، ولكن المقصود هنا القرب الذي يشمل جميع عباده 🌟مؤمن👍 وكافر👎 🌟أنس وجن 🌟كل من خلقهم الله عز وجل 🌸القرب هنا هو قُرْب العلْم بأفعالهم وسكناتهم وحركاتهم بل بما يدور في تفكيرهم، قرب المشاهَدة لكل تصرفاتهم. 🌸القرب اللي بيردنا عن طريق الخطأ والمعصية، اللي بيحيي الخشية في قلوبنا💞 🌸لما نتذكر إن الله عز وجل يرانا ويسمعنا وقتها يتحرك الإيمان في قلوبنا فنستحي أن يرانا الله على معصية، أو يسمع القريب صوت ذنوبنا وعشان نتعمق في الموضوع بشكل عملي خلونا ناخد أمثلة👇👇👇 المثال الأول في الحياة الزوجية الذنب اللي البعض مصر عليه في الخلوات🙈🙈 والكلام الغير المباح ما بين النساء 👩والرجال👨 محادثاتك غير الشرعية لنساء لا يحل لك أن تحدثهم✖️ محادثاتك غير الشرعية لرجال لا يحل لك أن تحدثيهم✖️ الله قريب يراك ويراكِ مستشعرين معنى القرب ده ومراقبة الله لك ولكِ؟ رؤيته ليكم وأنتم على معصية سمعه لكم وأنتم بتتكلموا مكالمة تغضبه عز وجل؟ قدرته عليكم؟ 🌸مهما كانت الأسباب مفيش سبب يخليك تخون الأمانة.. تخون زوجتك وانت بتتكلم من وراها مع واحدة تانية تحت اي مسمى حتى لو كانت زميلة عمل طالما المكالمة في الخفاء، وبتحرص إنك تداريها عن زوجتك😔😔. 🌸مهما كانت الأسباب مفيش مبررات تخليكِ قاعدة مع زميلك في الشغل تتبسطي معاه في الكلام وتحكيله تفاصيل حياتك تحت دعوى إنك بتاخدي رأيه وتخوني الأمانة وتخوني ثقة زوجك فيك وأنت في الشغل بعيد عنه😔😔 لو زوجك بعيد لو زوجتك بعيدة فالله ليس ببعيد، الله قريب. يا ترى هتقولوا أيه لله عز وجل لما يسأل كل حد فيكم: عبدي لم جعلتني أهون الناظرين إليك؟ 📌عارفين ليه حياة بعض الأزواج كلها هموم وغموم ومشاكل بسبب أمور تافهة وبسيطة؟ أوقات كتير بيكون السبب ذنب متعلق بالعلاقة اخفيتوه عن اللي حواليكم واستحييتم من البشر ولم تستحيوا من القريب عز وجل 📌الحورات عن الزوج والزوجة المملوءة بالغيبة والبهتان، تلاقي الزوجة بتتعامل مع زوجها بكل احترام ومن وراه بتتكلم عنه ابشع كلام. خافت تقول الكلام ده ادام زوجها عشان معاملته ليها متتغيرش ومخافتش من عقاب القريب عز وجل والنتيجة المعاملة بتتغير بالفعل. 📌الزوج اللي بينقل كل أسرار بيته وزوجته وأدق تفاصيل علاقتهم لأمه ولأسرته، اللي بيكشف عيوبها ادامهم، وربما يبالغ في اظهار عيوب مش موجودة فيها، وربما يعمل كل ده في السر من غير ما هي تعرف انه بيتكلم عنها وبيحكي اللي يضايقها أو يخون العهد اللي اتفق معاه عليها انه ميطلعش أسرار البيت بره. يمكن الزوجة متعرفش اللي بيحصل من وراها لكن القريب يعلم ويبصر ويسمع. بتسوء العلاقة بين الزوجين أوقات كتير بسبب ذنوبنا وكما قال أحد الصالحين: إني لأرى أثر معصيتي في خلق زوجتي ودابتي. 📌عشان جزء كبير من علاقتكم الزوجية يتصلح اتقوا الله وتذكروا أن الله قريب يطلع على أعمالكم فلا تجعلوه أهون الناظرين. رضا الجنيدي #أسماء_الله_الحسنى #فإني_قريب #إطلالة_على_اسم_الله_القريب ✍ كلنا راحلون ويبقى الأثر.. فلنترك أثرا قبل الرحيل. قناة الكاتبة رضا الجنيدي على التلجرام @Redaalgeneedy صفحة الكاتبة على الفيس بوك https://m.facebook.com/Reda.Geneedy