القريب 3⃣ 🍀يتقرب القريب إلينا 🍀ينادينا 🍀يدعونا للرجوع إليه 🍀يرشدنا لما فيه صلاح حياتنا.. فهل انتبهنا واستجبنا لنداء القريب عز وجل أم حال بيننا وبين الاستجابة حوائل وموانع؟ 🍀 لو أردنا صلاح حياتا بالفعل، وأننا نحول حياتنا لجنة علينا بسرعة التقرب إليه عز وجل. 🍀علينا إننا نعرف خطوات القرب منه عز وجل ونسارع ونخطوها لنقترب إليه أكثر وأكثر وننال هذا الفضل العظيم. يا ترى أول خطوة تقربنا من القريب عز وجل أيه هي؟🤔🤔🤔 🌸القرب من الله جنة .. ومن أكتر الأمور اللي تقربنا لله عز وجل، ومن هذه الجنة إننا نحافظ على الفرائض، ونأديها باهتمام وحب💞💞 يقول الله عز وجل في الحديث القدسي:"وما تقرب إلي عبدي بشيء أحب إلي مما افترضت عليه" وخلونا ناخد الصلاة كمثال👇 🌸صلاتك المفترض تعتني بها عناية خاصة لإنها فريضة لها خصوصية ولها أهمية عظيمة، الصلاة هي الفريضة اللي ربنا سبحانه وتعالى فرضها على النبي في يوم ليس له مثيل في حياة النبي .. في ليلة الإسراء والمعراج. 🌸الصلاة اللي ربنا عز وجل فرضها في الأول خمسين صلاة، ثم جعلها خمس صلوات ولكنها عند الله خمسين في الفعل ثم يتضاعف بعد ذلك الأجر. 🌸صلاتك اللي ربنا سبحانه وتعالها جعلها لقاء بينه عز وجل وبينك. 🌸الصلاة اللي مش بتسقط أبدا من على المسلم حتى لو في أشد حالات المرض بيصلي ولو بقلبه بس، لو في مكان وتعذر عليه معرفة القبلة بكل الطرق الممكنة بيصلى ولو على غير اتجاه القبلة، لو مفيش ماء بيتيمم، لو على أسوأ الظروف مفيش ما يستر به العورة برضه بيصلي. أنتم متخيلين أهمية شأن الصلاة؟! 🌸عاوزين نحاول ندخل الصلاة بقلب جديد وإحساس جديد . عاوزين نستشعر إننا في الصلاة واقفين بالفعل بين يدي الله، بنناجيه، بنتكلم مع الله عز وجل . عاوزين نبدأ ندرب نفسنا على تحسين صلاتنا عشان نوصل لمرحلة القرب من الله عز وجل. ندخل صلاتك بحب💞 بشوق💞 بسعادة😀 🌸عشان نحصل على السكينة اللي توصلنا للقرب من الله وعشان نوصلي لده لازم نحاول نتخلص من الحالة اللي بندخل فيها الصلاة وفي مخنا مليون حاجة: ابنك اللي في المدرسة وبتفكري فيه.🙍‍♂ الطبيخ اللي على البوتجاز وخايفة لحسن يتحرق.🥣 زوجك اللي مزعلك وحماتك اللي تعبتك.😫😫 زوجتك اللي منكدة عليك وشغلك اللي متراكم عليك.😰😰 🌸وأنت بتقول الله أكبر ارمي كل ده وتذكر إن الله عز وجل أكبر وأجل وأعظم من أي شيء بتفكر فيه. 🌸وأنت بتسجد انسي كل حاجة.. افتكر بس انك بتكلم ربنا سبحانه وتعالى ..لو تقدر تبكي ابكي😭 🌸كلم ربنا سبحانه وتعالى ..قوله : "يا حي يا قيوم برحمتك استغيث أصلح لي شأني كله ولا تكلنى إلى نفسي طرفة عين" 🌸ادعي ربنا يدلك على طريقك الصح في الحياة وياخد بايديك ويرزقك الخشوع في الصلاة ويرزقك حلاوة القرب منه ادعيه ينورلك بصيرتك ادعي القريب عز وجل إنه يرزقك القرب منه واستشعار حلاوة هذا القرب ادعيه انه يجعل حبك في قلبه أكبر من أي حب وحرصك على القرب منه ومما يرضيه أكبر من حرصك على أي قرب آخر. 🌸ركز في سجودك جدا وأكثر من الدعاء في السجود بتضرع لإن السجود من أكتر اللحظات اللي بنكون فيها أقرب ما نكون للقريب عز وجل. 🌸فضل الدعاء في السجود لمشاري الخراز https://www.youtube.com/watch?v=GXD-XG6H8Ck 🌸كمان عشان نوصل لمرحلة السكينة في الصلاة، وأحنا بنصلي لازم نركز كويس جدا أوي في تحقيق ركن الطمأنينة في الصلاة. 📌خلي بالكم بتكلم عن الطمأنينة مش الخشوع لإن ناس كتير بيخلطوا بينهم. 📌الاطمئنان في الصلاة ركن من أركان الصلاة يعني عدم توفره بيجعلك كأنك لم تصلي صلاتك.😱 📌 الاطمئنان ده يعنى لما تركع متقوميش من الركوع بسرعة تجري على السجود و لما تسجد تدي للسجود حقه وهكذا . 📌الناس اللي بتصلي بسرعة عشان تلحق تتابع مهام حياتها بتخرج من الصلاة بدون أي شعور بالقرب من الله عز وجل وبتفقد حلاوة الإحساس بلذة وجمال الصلاة، ويمكن بتحس إن الصلاة تقيلة جدا عليهم وعاوزين يخلصوا من أداء الفرض وخلاص، وكمان دول اللي بينطبق عليهم قول النبي صلى الله عليه وسلم: ارجع فصل فإنك لم تصلِ تخيلوا إنحاجة بنعملها زي دي ممكن تكون سبب في عدم تقبل صلاتنا للاسف.😱 كمان انت لما بتحقق ركن الاطمئنان بتخرج من الصلاة وكلك إحساس بالسكينة والطمأنينة والهدوء النفسي. 💞حاول تدرب نفسك على الطمأنينة في الصلاة 💞إطالة السجود 💞الدعاء في السجود 💞عدم التفكير في أي شيء أثناء الصلاة جاهد نفسك وإن شاء الله الخطوات دي هتقربك من القريب عز وجل👍 فيديو لركن الطمأنينة👇 https://youtu.be/vCZBJlbMaDM https://youtu.be/OE7OBxvLp14 رضا الجنيدي #أسماء_الله_الحسنى #فإني_قريب #إطلالة_على_اسم_الله_القريب ✍ كلنا راحلون ويبقى الأثر.. فلنترك أثرا قبل الرحيل. قناة الكاتبة رضا الجنيدي على التلجرام https://t.center/redaalgeneedy صفحة الفيس بوك https://m.facebook.com/Reda.Geneedy