#أسماء_الله_الحسنى اسم الله القريب1⃣ النهارده إن شاء الله موعد حياة القلب❤️ هنحي قلوبنا وأحنا بنتعرف على الله عز وجل، هنحي قلوبنا لما نقرر إننا نعيش بمقتضيات اسماء الله الحسنى، ونقرر إن أثرها يظهر على قلوبنا وعلى سلوكنا.😊 هنحي قلوبنا بالقرب أكتر وأكتر من خالقها🌼 لما نوصل لمرحلة الأنس بالله عز وجل ولكن قبل ما نبدأ خلونا ناخد جولة سريعة مع مشاعر كتير مننا بيشعر بيها في بعض الأوقات أو في كل الأوقات 🕓 🥀بعضنا بيشعر بالغربة و الوحدة بشكل مستمر رغم إن في ناس حواليه كتير،☹️ ولكنه بيشعر إن فيه بينه وبينهم حواجز وسدود.❌ 🥀وبعضنا بيشعر بالغربة والوحدة فعلا لإن مفيش حد قريب ليه.😔 مفيش حد يسمعه ويفهمه ويشعر بيه.💔 يمكن اللي بيقرأ كلماتي حاليا يكون بيمر بالإحساس ده.😰 🥀نفسه في حد يعرف اللي في قلبه من غير ما يتكلم، من نظرات عيونه👀 وملامح وجهه😔 ونبرة صوته، من ردود أفعاله، وحتى من صمته 🤐لما يفضَّل الصمت وسط صخب متاعب الحياة💔 🥀أوقات ممكن نشعر إننا نفسنا نبكي ونبكي ونبكي 😭😭مع حد يحتوينا مش يلومنا أويسخر من مشاعرنا، أو يسخر من دموعنا وضعفنا.👎 أوقات بتكون في حاجات مينفعش نحكيها لأي حد،😥😥 مشاعر مينفعش نبوح بيها لأي مخلوق على وجه الأرض.🌍 وقتها بنضطر نصمت🤐، ونخزن كل اللي جوانا في مستودع الصمت والأحزان. 🥀يمكن تكون الابتسامة مرسومة على وجوهنا😄 والكل شايف إننا عايشين أجمل حياة وهو ميعرفش إننا بنموت في اليوم عشرات المرات.🙂🙃 🥀يمكن تكون القوة ظاهرة على ملامحنا،💪 وأفعالنا وردود أفعالنا ومحدش عارف إننا في منتهى الضعف وإننا نتمنى لو حد يفهم ويعرف إننا ضعفاء جدًا😕 ومحتاجين اللي يحتوينا.💜 مشاعر كتير مُرهقة، تقلبات، أمنيات، حاجات لا حصر لها محتاجة حد قريب جدًا جدًا. مشكلة نفسك تحكيها لحد بس مش قادر لإنك عاوز صفات معينة في الحد ده. 🔹عاوزه يكون داعم مش ناقد👍 🔹عاوزه يكون حكيم يقدم لك الحل اللي فيه حكمة مش الحل اللي يرضيك أو يرضيه حتى لو كانت نتائجه مدمرة.💪 🔹حد يكون أمين ويمتاز بالستر 🤐 🔹حد يكون ويكون ويكون .... 🔹ومع كل ده يكون قريب من قلبك جدا. يا ترى كل ده ممكن نلاقيه مع البشر؟🤔 ممكن نلاقي بالفعل بعض الصفات اللي عاوزينها عند بعض البشر لكن مستحيل نجد كل الصفات الجميلة والكاملة غير في رب البشر.🌸❤️ ممكن نلاقي اللي يرضينا حاليا لكن اللي يرضينا في المستقبل لا يمكن نلاقيه غير عند علام الغيوب اللي عالم ما يصلح لينا❤️💙 عشان كده النهارده عاوزين نتعلم نقرب من القريب هنرمي همومنا 😃 هنفضفض❤️ هنتكلم🗣 هنعبر عن كل اللي جوانا واحنا مش خايفين 👍 ولا قلقانين👍 لإننا بنتكلم وبنخرج مكنون صدورنا للقريب.❤️ النهارده هتكون إطلالتنا مع اسم الله القريب.🌸✨ https://www.youtube.com/watch?v=k4qBGzDiUi4 رضا الجنيدي #أسماء_الله_الحسنى #فإني_قريب #إطلالة_على_اسم_الله_القريب ✍ كلنا راحلون ويبقى الأثر.. فلنترك أثرا قبل الرحيل. قناة الكاتبة رضا الجنيدي على التلجرام https://t.center/redaalgeneedy صفحة الفيس بوك https://m.facebook.com/Reda.Geneedy