🌸الودود🌸 3⃣ إزاي نوصل للمرحلة اللي ربنا فيها يحبنا ويأمر جبريل إنه يحبنا ويحبنا أهل السما ويضع لنا القبول في الأرض؟ في صفات في المسلم لما بتكون فيه ربنا سبحانه وتعالى بيحبه بل وبيأكد إنه بيحبه كمان 🌸من الصفات دي التوبة ربنا سبحانه وتعالى بيقول: "إن الله يحب التوابين ويحب المتطهرين" 🌸عشان نوصل لحب الله عز وجل لينا لازم نوصل لمرحلة تطهير النفس من الذنوب عشان نكون أهل لحب وود الله عز وجل لنا 🌸ازاي ربنا هيحبنى وأنا مصرة على معصية معينة🤔، عارفة إنها تغضب الله عز وجل، ولكن مع ذلك كلي إصرار عليها. 🌸في يا جماعة فرق كبير بين الحب والود ❤️حبك يعنى مشاعر جوا قلبك ودك ده سلوك بيظهر وبيعبر عن الحب يعنى لو أنا قلت أنا بحب مثلا صديقتي الفلانية وبقولها بحبك بلساني وبحس تجاها فعلا بالحب ..المشاعر دي اسمها حب 🌟❤️لكن لما اقف جنبها وقت الشدة لما اساعدها لما تكون محتاجاني لما اشوف اللي بيغضبها ومعملوهوش ده اسمه ود (ولله المثل الأعلى) 🌸فأنت اعملي لنفسك النهارده اختبار بسيط كده وشوفي علاقتك بالله عز وجل عباره عن مشاعر فياضة ولا سلوك طب اول سلوك يعبر عن حبك لله عز وجل التوبة فلناخد مثال الكذب أنا مثلا متعودة دايما على الكذب لظروف عودتنى على ده من صغري لو أنا بحب الله عز وجل فعلا وحبه استقر في قلبي هتوقف عن الكذب مهما حصل أكيد هلاقي في الأول ادامي عقبات هلاقي نفسي بتراودني إني أكذب هتحط في مواقف تستدعي الكذب ما هي اختبارات من الله عز وجل عشان يرى هل توبتك صادقة ولا توبة كاذبة. 🌸طيب ممكن كل واحدة تقعد مع نفسها وتقول أنا خلاص هعلن توبتي من الذنب الفلاني عشان اطلع اول سلمة في استحقاقي لحب الله عز وجل 🌸ده مش كفاية يا اختي الجميلة أنت وهي تعالي نشوف نطبق ده تطبيق عملي ازاي كل واحدة النهارده كده تقعد مع نفسها تشوف ايه اكتر ذنب بتعمله ومصرة عليه مثلا بتتكلم على حد مثلا بتكذب بتخرج الشارع ببنطلون بتحط مكياج وهي خارجة او بتحط برفان وهي خارجة بتعمل شات مع رجالة على الفيس وتفضفض معاهم وتحكي واقصد هنا الشات البرئ مش اقصد خيانة ولكنه يعتبر خلوة طبعا. مثلا مع زمايلها في الشغل بتهزر ونقعد بقا نفطر مع بعض ونحكي واقصد هنا الزمايل الرجالة طبعا. 🌸بعد ما تكتبي الذنب ده تاخدي قرار انك هتتوقفي عنه وطبعا للتوبة شروط من غيرها مش هتبقا توبة ولا هتتقبل 🌸ايه هي الشروط دي؟ الندم بالقلب يعنى تحسي فعلا ببشاعة الحاجة اللي كنت بتعمليها مش تحسي انها حاجة صغيرة عن عبد الله بن مسعود رضي الله عنه عن النبي صلى الله عليه وآله وسلم قال: ـ” إن المُؤمنَ يَرى ذَنبَهُ كأنَّهُ في أصل جَبَل يَخافُ أن يَقَعَ عَليه وإنّ الفاجرَ يَرى ذُنوبَهُ كَذُباب وَقَعَ عَلى أنفه فقال لَهُ هكذا ” رواه الترمذي وأحمد 🌸يعنى المؤمن بجد بيشوف الذنب اللي بيعمله كإنه جبل هيقع عليه وغير المؤمن بيستهين بالذنب كإنها ذبابه بيقولها هش . 🌸فلو عندك استهانة برشة البرفان اللي بتحطيها وانت خارجة خلي بالك اوي اوي لإن استهانتك بالذنب أعظم عند الله من الذنب نفسه. 🌸فعاوزين نبدأ مع نفسنا مرحلة الندم من القلب الندم ده هيخليكي تبكي فعلا بين ايدين الله وانت ساجدة وتطلبي من الله عز و جل العفو على الذنب ده 🌸ودي أول مرحلة من مراحل التوبة الندم ده اللي هيكون من القلب ومعاه دموع بتجري من خشية الله عز وجل هيخلفي في قلبك حلاوة رائعة هي اللي هتوصلك لبداية التوبة وبالتالي بداية استحقاف الحب❤️ فدي أول خطوة من خطوات التوبة ياريت بقا نعملها مع بعض بشكل عملي يا قمرات😘😘😘😘 ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy