#الوارث (٧) 🌸بتحلمي بإيه لأبنك👦؟ عاوزاه دكتور👨‍⚕ ولا مهندس 👷ولا قائد👨‍🎓 ولا وزير ولا أيه بالظبط؟ 🌸طب لسه متجوزتيش ونفسك تتجوزي👰 وتخلفي 🤰عاوزة تخلفي ليه بالظبط🤔؟ 🌸طب اتجوزتي👰 وربنا لم يمن عليك بالذرية لحكمة يعلمها وأنت بتدعي الله إنه يرزقك الذرية الصالحة👶 ليه؟ 🎀عشان إحساس الأمومة👩‍👦؟ بس كده🤦‍♀ ؟ 🌸هي دي كل أحلامنا؟ 🍃أحس بالأمومة! 🍃ابنى يبقا دكتور ولا مهندس! 🍃مبقاش لوحدي لما أكبر! هي دي👆 أحلامنا الدنيوية المحدودة لكن لو فكرنا بعقلية الإنسان اللي كل هدفه🎯 في الحياة نشر دين الله عز وجل، هتكون رغباتنا من إنجاب ولادنا مختلفة تماما. 🌸سيدنا زكريا كبر في السن 🍃العظم أصبح واهن ..عارفة يعنى ايه العظم يوصل لمرحلة الوهن؟ العظم ده أقوى حاجة في جسم الإنسان وأصلبه يعنى سيدنا زكريا خلاص في مرحلة ضعف شديد. 🍃الشعر مش بس ابيَّض ولكن اشتعل الرأس شيبا يعنى وصل لمرحلة البياض التام يعنى معنى كده في شيخوخة واضحة جدا. 🍃الزوجة عاقر. 🔴يعنى كل مقومات عدم الانجاب متوفر. 🔴ومع ذلك يدعو سيدنا زكريا الله عز وجل أن يهبه الولد. 🌸ليه🤔؟ 1⃣عشان الولد ده ينشر دين ربنا. 2⃣عشان يحافظ على دين الله اللي بدأ اليهود يحرفوه. 3⃣عشان سيدنا زكريا لا يأمن على دين الله من بني اسرائيل لإنه شايف إن معظمهم انحرف عن المنهج . 🌸يقول الله عز وجل: (وَزَكَرِيَّا إِذْ نَادَىٰ رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ) 🌸زكريا أثنى على الله عز وجل بصفة البقاء وباسمه الوراث لإنه يعلم إن كل شيء بيد الله. 🎀ربنا لو اراد أن ينتشر دينه فلا غالب على أمره ولكن سيدنا زكريا حابب إن اللي ينشر دين الله يكون من نسله هو. غاية عظيمة رغبة في ترك اثر كبير. بيفكر في دين الله حتى بعد رحيله. ما أعظم الأنبياء فعلا! 🌸في لمحة رائعة هنا لمن تأخر إنجابه عدِّل غايتك في الإنجاب غير بوصلة تفكيرك وأهدافك من الانجاب. اتعلم من سيدنا زكريا ادع الله عز و جل بالدعاء ده "رب لا تذرني فردا وأنت خير الوارثين" الدعاء ده فيه مدح لله وثناء عليه باسمه الوارث اي المالك لكل شيء ملكا حقيقيا وأبديا. سارع في الخيرات زي سيدنا زكريا وزوجته. ادع ربك دعاء خفيا زي سيدنا زكريا. ثق في الله، اربط قلبك به، احسن الظن به، ادع باسم الله الوارث، وبإذن الله ينعم الله عليك بالذرية الصالحة. 🌸التطبيق العملي🌸 ١-تذكر خوف سيدنا زكريا على دين الله من بنى اسرائيل وإزاي كان كل رغبته في الولد عشان دين الله ففكر إنك تربي ولادك لله عز و جل. ٢-تعدل بوصلة أهدافك معاهم. ٣- ابدأ حط خطوات لتحبيب ابناءك في الله، وتدريبهم على طاعة الله بحب، وليس خوفا منك و من عقابك لهم كأب أو أم. ٤- لو أنت مش بتنجب اتبع خطوات سيدنا زكريا في دعائه بالثناء على الله باسمه الوارث، والمسارعة في الخيرات، وحسن الظن في الله، والدعاء الخفي. 📣📣📣تنبيه 📣📣📣 من البدع المنتشرة إننا لو كررنا دعاء سيدنا زكريا عدد معين من المرات في السجود يستجيب الله لنا ويرزقنا بالذرية. 🔴وهذا غير مشروع يا أخواتي المشروع إننا ندعي بالدعاء ده ولكن دون تحديد لعدد المرات. رضا الجنيدي #أسماء_الله_الحسنى #الوارث جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy