يا الله يا الله
اليوم
انا عم اتطلع بالدنيا وامشي كأنو طفل صغير طالع للشارع اول مرة
او حدا صرلو بالسجن سنين وطلع للشارع
الاشجار مو طبيعي جمالن اليوم مع السماء وراهم وهي مختلطة بالألوان الابيض والرمادي والريشي الخفيف جدا والأرض الرطبة حسيت بدي اقعد هيك واصفن بس بالدنيا ساعات
وبالرجعة كمان صدفت كتير أشجار حلوة بس للأسف الكبير كنت راجعة بسرعة عالبيت وانا كان بودي امشي ساعة زيادة بس لصور بالاشجار اليوم

دوما يلي بيلفتني بالطبيعة

انو كلشي لابق على كلشي
كل الالوان قادرة تلبق على بعضها

قطة شقراء وسماء زرقاء وشجرة خضراء والتراب البني كلهالاشياء مع بعضن
لك حتى لو تغير اي لون من هالاشياء للون آخر رح تلاقي المشهد لا يزال شيء مريح للعين والقلب ومتناسب مع بعضه ورائع بطريقة عجيبة

عموما عموما شحنات سعادتي اليوم واضحة في أحلى من هيك:
•الطبيعة
•عين قلبي
•وقتي الخاص وحُبي
•الله ومخلوقاته.
🌱🍀🪴🌳🌧️