لكل شاب وبنت، خصوصًا لو في مرحلة المراهقة، وبيعانوا من نار الشهوة، ولكل واحد مش متاح له الحلال وبيعاني من الشهوة، سواء كنت أرمل أو مطلق أو اتأخرت في الجواز أو... رغم صعوبة الابتلاء ده، النبي ﷺ قال لنا: "ومَن يَسْتَعْفِفْ يُعِفَّهُ اللَّهُ." ده وعد حبيبك النبي ﷺ، وهو الصادق المصدوق، قال إن اللي بيحاول يعف نفسه ويستعين بالله، ربنا هيعينه ويعفه. أيوة، المشكلة ممكن ماتروحش، لكن تقبّلها وطريقة تعاملك معها هتبقى أسهل، بعكس اللي قرر يستسلم للشهوة وعايش في علاقات حرام أو إباحية أو عادات سرية ويقول: "أعمل إيه؟!!" فلو أنت من النوع ده، بقولك: انوي بس التعفف وابتعد عن الحرام، وربنا هيعينك. استعن بالله بالدعاء والصيام والصلاة. اشغل نفسك في كل وقت، وماتسيبش لنفسك وقت فاضي خالص. صدقني ربنا هيعينك على نفسك، وهتقدر تتحكم فيها أكتر .