من أجل العثور على الطريق الصحيح ينبغي أن تضيع .
مين أنا ؟
💗 ليلى
📍سورية / حماه
📚 طالبة في كلية الحقوق السنة الثالثة / جامعة حلب
💭 لـ التواصل @Leila104_bot
رأي شخصي بحت ... كل شي وأنا ما عم أعمل شي حرام أو عيب وبيتعلق بحياتي الشخصية ومستقبلي فـ هاد بكون قراري الشخصي انا فقط وخاصة إذا ما كان عندهم تفسير منطقي لرفضهم
كل شي بحياتي اله حدود حتى علاقتي بأهلي ... انا بحترمهم وبحترم إنه أحيانا بيتدخلو فيّ لأنه بنتهم بخافو عليّ وهذا حقهم بس في حدود لهالشيء
كل ما حسيت إنه اعصابي متوترة ونفسيتي تعبانة وطاقتي منخفضة ... برسم ماندلا
اكتشفت هالشيء بالصدفة بيوم كتير صعب .. ومن يومها ماشية على هالنمط كل ما صار معي شيء مش منيح برسم ماندلا تحديداً ... وجداً بفيدني ورسمت رسمات خارقة كل اللي شافها عجبته
المهم قررت بكرا او اليوم آخر الليل ارسم رسمة ولأنه مالي زمان بهالقصة باخد أفكار رسمات من غيري
_ بابا كان أكثر حدا رافض لفكرة إنه سجل حقوق وما زال ودائماً بحب يأظهرلي هالشيء إنه غير راضي عن اختياري وبحسسني عملت شي كتير خطير ومتهور كونه البابا بحب كل شي يمشي بخط مستقيم ... من فترة حكتني رفيقة قديمة قلتلا من وين جبتي رقمي قالتلي من ابوكي شفته وقلتله عطيني رقم ليلى وعطاني ياه وقلي عم تدرس حقوق وكتير حسيته فرحان فيكِ ... حرفياً صار بقلبي فراشات لأنه أول مرة بحس برضى بابا ... قديش كانت كتير أمور أسهل لو عبرلي عن هالشيء قدامي مو قدام الناس
