⚡️Гьунттий Лакрал театрданул сахIналий хьунтIиссар совет заманнул хъунасса чичу Чингиз Айтматовлул «Ниттил хъу» тIисса кьиссалиясса спектакльданул премьера.
Хъунмасса тIайлабацIу буну хьунни оьрус мазрайсса премьера.
Режиссер-постановщик Ухссавнил АсатIиннал ва Кабардин-Балкьарнал лайкь хьусса артист Гиви Валиев.
Спектакль бивхьуссар Аьрасатнал Федерациялул Президентнал грантрацIух.
Спектакльдануву ккаккан бувну бур къиргъизнал хъузалал захIматсса кьадар.Толгонай (Дагъусттаннал халкьуннал артистка Луиза Шагьдилова) дакIнил кьувват ххисса хъамитайпа, Хъунмасса Буттал КIанттул цIанийсса дяъвилия лас ва шама арс зана къавхьуну, духIан захIматсса къюву бугъ дуллай бур хьхьу-кьини дакъа къурув захIмат буллай. Аьрщарал (Дагъусттаннал халкьуннал артистка Саният Рамазанова) буллай бур ванихьхьун кьувватгу, гьавасгу.
ХIакьину Украиннал аьрщарай нанисса хасъсса аьрали операциялий паччахIлугърал мурадру буручччаврил ххуллий жанну кьурван дурсса вирттаврал ниттихъал хьхьичI утта уклай ур Къиргъизнал хъунасса чичу Чингиз Айтматов, цала мукъуву аьч дуллай вайннал духкъалагайсса къюву.
📞Билетру ласун бюхъайссар ва номерданий оьвкуну 8-928-875-60-10
🔗Ягу ва ссылкалийхчил
https://lakral-teatr.ru/#event/2344094🗓Байбихьлахьиссар 18:30 ссятраву.
