الشاعرة مولاتي زينب

★مجلس الحسين{}ع{}★

#نعي_يقرأ_تغريد_الحزين_لفي_عاشوري_وبعدة_اطوار

اجيت انشد عله ابن امي.•.•.واشوفنه  دمه بنحرك
يخويه انه انكسر صدري.•.•.من اشوفن حافر بصدرك
نزرف صدرك يوالينه.•.•.وعله الغبره سفط ظهرك
*تمنيتك تشوف شلون*
*يشتموني ويطگ امتون*
*وسفه علثره العيووون*
*اشوف مشمره الذرعان.•.•.ياوسفه تظل عريان

▣========▣◈▣========▣
نصير بولية ابن زياد..واهلنه موسده التربان
مايحمل هظم عباااس..وسياط الهظم عدوان
*يريتك حاضره ليله*
*سده اعليها هظم ليله*
*اروحن ياهو لشكيله*
*يحسين لعده هالجار.•.•. بنسوان وحرم غدار
#مولاتي_زينب(ام باقر الشويلي)
#لا_اجيز_حذف_اسم_الشاعره

»»★الابوذيه ««★

ابيتي نزلت الحكمه.•.•.ولايه
تعتب على الاخو زينب.•.•.ولايه
الشمر ياخوي چم بلده.•.•.ولايه
يفر بيه ويگول الخارجيه

▣========▣◈▣========▣

علينه نزل دين الله.•.•وبينه
واحنه الي رفضنه الذل.•.•وبينه
الابو اولاده يدفنونه.•.•وبينه
ثلث تيام ضل على الوطيه

▣========▣◈▣========▣
ريتج حاضره بهل ساعه.•.•يماي
اخوتي اليوم ماهم وأمس.•.•يماي
الحسين انذبح والعباس.•.•يماي
طاح وماشرب قطره ميه
#نور_الولايه_الفاطميه
#لانجيز_شرعا_حذف_اسم_الشاعره

✿────↻✿...✿↺────✿

★ القصيده★

حسين ملعب صار للخياله
ادوس بيه العده وين ارجاله
✿────↻✿...✿↺────✿
✿────↻✿...✿↺────✿
وينه خل يفزع كفيل العيله
حسين باقي  ومحد يفييله
بالشمس عالكاع ياهو يشيله
والبجي والنوح ضل يحلاله
✿────↻✿...✿↺────✿
حسين آه يحسين مرمي بالطفوف
اخته فرت بالخله ماخذها خوف
نّار شبت بالخيم محد يشوف
وين اخوتي مخدرات بجاله
✿────↻✿...✿↺────✿
وين راعي الموزمة وحيدر علي
حسين حزوا منحره وراحو هلي
و العقيله ميسره وماكو ولي
الراس هل فوگ الرمح دم ساله
✿────↻✿...✿↺────✿
صرخت النسوان صاحت يالكفيل
خويه يا عباس والمدمع يسيل
تعتب ب اهات واحزان وعَويل
گوم ياعباس  شوف اعياله 
✿────↻✿...✿↺────✿
كوم يا عباس رحت ميسره
بالهظم والنوح يابت حيدره
انه بت حامي الحميه امحيره
بين ايتام وحرم هل حاله 
✿────↻✿...✿↺────✿
لاتگلي شلون عفتيلج اخو
بالهظم والسوط مشاني العدو
انه ام الدين ويگلي لفو
عالهزل مشوني هالعّياله

✿────↻✿...✿↺────✿
✿────↻✿...✿↺────✿
#مولاتي_زينب {ام باقر الشويلي}
#خادمة_المنبر_الحسيني_{ام فاطمه الشويلي}
#لايسمح_تغير_اسم_الشاعره
#اجيز_للاخوه_خدام_الحسين_بقراءة_القصيده_دون_ذكر_اسمي_وذكر_الاسم(باقر جبار الشويلي)

https://t.center/lAfiteamoun

★•• وفاة السيدة خديجة ••★
// شوط كربلائي //

ياجرح النبي شعظمه خديجة الليلة ينعاها
تصَدَّع گلبه من غمضت لأن ميحمله فرگاها
------------------------------------

عليه اظلمت الدنيا عگب عينچ يگلها شلون
حزين بداره بس ينحب عليها ودم يهل لعيون
يعاين فاطمة الزهره وضمها بحجرة ظل يون

راحت دنيته وروحه
فَگدها هَدَّم صروحه
عليه الكثرن جروحه
يعينه الله على مصابة راحت مالگى دواها

✍🏻#ولائـية_وافتـخر (دعاء العامري)
✹✹✹<><><>✹✹✹<><><>✹✹✹

يون الليله ابو القاسم وينادي برفيع الصوت
يگول افراگها هدني مااحمل فراگ الموت
يشيعها بگلب حزنان وبيده يحمل التابوت

ينحب والدموع اتسيل
مايعرف نهار وليل
رايح منه كل الحيل
على فراگ الحبيبه ينوح ويون النبي طه

✍️الخادمه ام زيد الشمري
✹✹✹<><><>✹✹✹<><><>✹✹✹

يافگدج هدم حيله خديجه لجنتي تحوينه
صرتيله اهل والناس انتي لبسمه لبعينه
عام للي توفت بي ابد ماابطل اونينه

انكسر ظهره على فراگچ
خديجة يوجع غيابچ
طه ينعي لمصابچ
ياكسرة گلب فاطم وامها اللحد غطاها

✍ام محمد الشويلي
✹✹✹<><><>✹✹✹<><><>✹✹✹

نَزلها وسط القبور ودمعه عالتُرب ساله
صدق راحت ضوى بيته يلوج ومهتضم حاله
مو ساعة حزن حزنه عام من الحزن ناله

فقدها لَوّع الهادي
همّه عالوجه بادي
وبنته فاطمة تنادي
يبونه شلون عافتنه يتيمة تنوح سلواها

✍#خادمة أبي الفضل
✹✹✹<><><>✹✹✹<><><>✹✹✹

كسرتي گلبه يحنينه ياسلوه وضوه الهل دار
الحزن مافارگه ساعه يون اعليها ليل انهار
الگضه وياها أحلى سنين جره ليها الدمع مدرار

يگول ام دارنه شالت
وخيمة بيتنه مالت
لجلهه ارواحنه ذابت
مغربة ام الهله الليله وصار الترب مثواها

✍🏻خـادمـة الزهـراءام احمد العبوديه زبير
✹✹✹<><><>✹✹✹<><><>✹✹✹
#تمت_✍🏻_
_بأقـــلام#شــاعـرات_
#خــادمــات-الــزهـراء_ع_
#من_رابطة_جمـعـتنه_حســينـيه_
https://t.center/DoaaAIamry11

إختطاف عجيب غريب وكأنه شيء لم يكن *
" اذن هاي النظريات الي اجت تريد تحرف اولادنه ،تريد تحرف المراة ،النظريات الغربية نظريات مو صحيحه ×

🔸" نرجع للايه الكريمة،الآيه تقول ولا يبدين زينتهن الا ما ضهر منها = يعني الشريعة لما نصت على قضية الحجاب حفاظاً على المراة وحفاظاً على كرامته وحفاظاً على عفته " لذلك اكو بعض النساء مو فاهمه شنو الحجاب وشنو قيمته وشنو هدفه للاسف بعض النساء اذا حصلت شهادة و صار اله منصب مرموق بالمجتمع كون ما تهتز هل المرأة هاي " يعني افرضي هل الحجاب هذا ممكن نشوف تكوم هل المرأة هاي تتضايق من لبس الحجاب تحس مثلاً بالحرج ! لا ابداً ،إحنه عدنه أمثله هواي ما نروح كلش بعيد هاي السيدة زير غاندي تشوف هل المرأة هاي متمسكه بثيابه إلي هي كانت قبل الف سنة هذا الساري الهندي هذا قديم يلبسوه فهل المرأة تشوفه ملتزمة بهذا اللباس لان هو هذا طابعه الاجتماعي، ثقافته هايه،فنشوف هل المرأة هاي تدخل في أهم المؤسسات الأمم المتحدة يكومون هل الموجودين الحاضرين بكل احترام بكل هيبة وما شفناها هل المرأة هاي اتحسست أو إنحرجت أو شعرت بإهانة
فلا إتروح المرأة المسلمة هواي بعيد ،و اني اكدلج هل المرأة إطلعت وشافت ثقافة الغرب وعرفت شنو تعني ملكة الجمال عدهم ومجلات الموضه وثقافة الغرب الي يردون يفرضوه على العالم فكون المرأة المسلمة تفهم شنو هدف الشريعة من لبس الحجاب، وتبقه ملتزمة بحجابه الي افضل من ساري زير غاندي وغيره وتثبت للعالم كله ان المراة المسلمة إمرأة عفيفة إمرأة شريفة ، مو مبتذلة امراة تشير ب لباسه بحشمته الى أطهر نساء العالمين فاطمة الزهراء ع
فكل حيل الغرب ومخططاتهم تفشل وتروح مع إدراج الرياح من يشوفون المسلمة ملتزمة بأحكام الشريعة الإسلامية .

*"خل ارويلج هل الرواية


🔰ينقل انهُ أحد الأشخاص رائ رؤيه راح وين هذا الى السيد احمد القُمي يعبرله الرؤيا
كاله السيد احمد تفضل شنو الرؤيا مالتك
كاله : أني شفت بالرؤيا في بيتي كأنه ثلاثة مصاحف
واحد كبير والثاني متوسط والثالث صغير
وشفت النار كامت تلتهم إبهل المصاحف هاي فأ أني على ما رحت أجيب الماي حته اطفي النار
اجيت لكيت المصحف الكبير والمتوسط ذني إثنينهن احتراكن ! واخذت النار تشتعل بأطراف المصحف الصغير
فاجيت أطفي ، هنا السيد تأمل شويه بالرؤيه هاي
كاله انت عندك اتلث بنات دخلن للمدارس فالكبيرة وهاي الوسط ذني خلعن حجابهن، والصغيرة تريد تخلع حجابه ، كاله : صح
كاله انت لا كدرت عل الكبيرة ولا كدرت عل الوسط ذني راحن منك ، لكن تحاول تنقذ هاي الصغيرة
وفعلاً يكول انقذته بعد ما اخذت النار منه شيئا قليل
*اذن مراقبة الاهل للابناء اله دور مثل ما كلنه بصلاح البنت و هكذا
يبقى الدور الارشادي للآباء والأمهات دور عظيم مو فقط لابنائهم يقدمون النصيحه لا ( كلكم راع وكلكم مسؤول عن رعيته ) يجب علينا أن ننبه الاخوات الي اخذوا طريق ابتعدوا عن طريق الحجاب الصحيح الي وضعت الشريعة المقدسة ..والذي تجسد في مولاتنا الزهراء وفي مولاتنا زينب الحوراء عليهما السلام .

#تمت_بفضل_الله_بقلم_
#خادمة_العترة_ام_فاطمة_الشويلي.

الحمد لله ربِ العالمين والصلاة والسلام على محمد وآل محمد

#لا_اجيز_حذف_الاسم.
#لانجيزحذف_المعرف_عندنقل_المنشور_لانهاحقوق_القناة



_________🕋🕋🕋🕋🕋🕋
المستعان بك يبن الحسن
المستغاث بك يبن الحسن

# جريمة الهجوم على دار الزهراء عليها السلام


يدفع برجله الباب وبايـدي اردهه
وضلوعي بالبسمار طگها ومردهه
෴෴෴෴෴෴෴෴
يافضه گومي بساع لي سنّديني
دفعو عليه الباب سگطو جنيني
من سطرت الملعون مجروحه عيني
كون الفحل موجود من ايده مدهه


✍ #أم محمد الحجاج
෴෴෴෴෴෴෴෴
محسن وگع بالباب يافضه شيليه
من الجمر والنار ياخوفي ياذيه
ميت عدل من طاح ماادري شوفيه
هجمت علينه الگوم صبّت حقدهه

✍ #عـلــویــه_ام_فــاضل
෴෴෴෴෴෴෴෴
كون الفحل موجود لاجن حسافه
مقيد علي ياحيف وعني مسافه
لابيه ارفع صوت ولا هوه شافه
يسمعني هالملعون جاياهو عدهه

✍ #ام باقر الشويلي
෴෴෴෴෴෴෴෴
حيدره چان وياي لمن ضربني
روعني هالفرار بيده وسطرني
يدفع عليه الباب حيل وعصرني
بصدري كسر ضلعين وشلون اشدهه

✍ #رؤى السلامي
෴෴෴෴෴෴෴෴
اه شعمل وياي ضيم الدنيّه
شفت الظلم ياناس من الدعيّه
توني النبي المختار راح منديه
ولفگده روحي تنوح واتون بعدهه

✍ #خادمة وافتخر ملانسرين الفاطميه
෴෴෴෴෴෴෴෴
بعدك يابويه حيف خانواالبيعه
أهل السقيفه انذال سوو فجيعه
بنار وحطب شبوه باب الوديعه
بتك يبو ابراهيم لطمه عله خدهه

✍ #ام حسين الأسدي
෴෴෴෴෴෴෴෴

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#بين_الباب_والحايط
#يازهراء💔😔
◾️أهداء مشاركة هذهِ المقطوعات الشعرية إلى روح خادم أهل البيت (الشاعر جبار عبدالزهرة الشويلي)◾️


بين الباب والحايط ألف حسره
صدى وآثار تشرح جمرة الزهره
العده ونيران والمسمار والسطره
عظم لمصاب خله بكل گلب عبره

✍🏻#ولائـية_وافتـخر (دعاء العامري)
✾ـــــــــــــــــــــــــ✾ــــــــــــــــــــــــــ✾

بين الباب والحايط صدرها انعاب
وينك يالولي نادت يداحي الباب
ظلعي انصاب ونت والدمع سچاب
مصابچ يالزچيه بالگلب لهاب

✍🏻#أم_عباس_الحسيني
✾ـــــــــــــــــــــــــ✾ــــــــــــــــــــــــــ✾

بين الباب والحايط جرح ينزف
دمعنه امن الضلع ليهسّه ظل يذرف
جرح باب الزچية مابرى ويجف
لمن بيرغ لبو صالح نشوفه يرف

✍🏻#أم_محمد_الحجاج /العبادي
✾ـــــــــــــــــــــــــ✾ــــــــــــــــــــــــــ✾

بين الباب والحايط ضلع مكسور
إجاها الما يخاف الله وعليها يجور
دموم اهواي شافتها وبعد عاشور
ومثلها زينب اتظلها ودمع مجمور

✍🏻#خادمة_أبي_الفضل
✾ـــــــــــــــــــــــــ✾ــــــــــــــــــــــــــ✾

بين الباب والحايط صدر بي دم
الملك جبريل يويلي من سمع يلطم
رسم حزن الأصابع عالصدر يرسم
يكسر چم ضلع من صدره مايهتم

✍🏻#علوية_أم_فاضل
✾ـــــــــــــــــــــــــ✾ــــــــــــــــــــــــــ✾

بين الباب والحايط ضلع مكسور
على الزهره ومصيبتها الگلب مجمور
نرثيلچ يفاطم وبدمع منثور
يسورة كوثر انتي ويا دعاء النور

✍🏻#رؤى_السلامي
✾ـــــــــــــــــــــــــ✾ــــــــــــــــــــــــــ✾

بين الباب والحايط مصيبتها
ضلع مصيوب والمحسن سگط منها
لا نام ابحضنها ولا سمع ونها
يالزغيرون أمك لا تمش عنها

✍🏻#أم_عباس_العبادي
✾ـــــــــــــــــــــــــ✾ــــــــــــــــــــــــــ✾

بين الباب والحايط تسيل دموم
هاي اعظم جريمه نفذوها الگوم
من يوم السقيفه ذاكَ المشؤوم
مطرت بالحقد عالعتره حد اليوم

✍🏻#أم_حسين_الأسدي
✾ـــــــــــــــــــــــــ✾ــــــــــــــــــــــــــ✾

#وفاة مولاتي سكينة بنت الإمام الحسين عليهم السلام .....


عاشت والگلب مذبوح من العاشر وضيمه
ينزف چم جرح بالروح ليل هدعش والهيمه
......................................

سكنه الدللاها حسين اسولف عن مآسيهه
ابدي بيا جرح يا آه بيوم العاشر ابديهه
من وادعها ابوها حسين دموع الفرگه تجريهه

رايح يانظر عيني
تيتمني و تخليني
اعداكم وليه توليني
من هسه الزلم والخيل تفتر داير الخيمة

✍🏻 #أم محمد الحجاج العبادي
●=●=●=●=●●=●=●=●=●

ياهي الشاهدت مثلي مصايب ذبح اهاليها
بعيني شاهدت رضعان حيل العطش ماذيها
وشفت اخيمنه حرگوها والنسوان سابيها

ناديت البطل عباس
يعمي فرهدتنه الناس
بهل الحال ونظرت الراس
حزن خَيّم على گلبي وظلام أشبه مثل غيمه

✍🏻 #علوية أم فاضل
●=●=●=●=●●=●=●=●=●

بتوديع الاهل وحسين ذابت منها حتى الروح
شلون تكله يابويه من هسه الكلب مجروح
تعمه العين من عندي ولاشوف النحر مذبوح

مانه عزيزتك تدري
بعدك ينهتك خدري
بويه اللوعه لبصدري
خل اشبع حضن منك باجر بتك يتيمه

✍🏻 #أم حسين الاسدي
●=●=●=●=●●=●=●=●=●

جرّعها الزّمان اهوال وظلّت ناحبة كل يوم
جِفنّها ملازم الدّمعة و تذكر ذبحت المظلوم
ما تغمض عيون الشوق قلبها منفطر مهموم

يا طير اللي یروح اهناك
ريت اگدر اروح اوياك
وگله جيت. يبويه انعاك
تعال الساع يبو الأكبر عاشت ماتت اسقيمه

✍🏻 #خادمة أبي الفضل
●=●=●=●=●●=●=●=●=●

عاشرها الحزن والنوح لمن فگدت الوالي
تنادي يالخذت روحي عگبك منشده بالي
أگعد عاين العدوان شوف اشعملو بحالي

ياليل اهدعش يحسين
نتلفت يسار ايمين
لا خيمة ودمع بالعين
حاطونة العده بكل صوب وماعدهم ولا شيمه

✍🏻 #ولائـية_وافتـخر (دعاء العامري)
●=●=●=●=●●=●=●=●=●

بويه واكسر الخاطر ردت بموتتي تحضر
تقرالي العديله هناك وجفك يرفع المضطر
ريت بكربله گبري وبتراب اللحد تحفر

يبو اليمه غريبه هنا
وحدي والگلب ينعاه
لا والي اليشيل وياه
نعشي وبالغرب يبقى وحدي ولا أله قيمه

✍🏻 #ام باقر الشويلي
●=●=●=●=●●=●=●=●=●
للاستفسار والتواصل
@MolatyzeenabbbB_bot
https://t.center/lAfiteamoun

شيائهم السلبية مواقفهم السلبية ..بعض الحكام والظلمة مو بسهولة ينوخذ منهم الحق هذا فد يوم
●•هارون الرشيد يلتفت لابنه يكله لو نازعتني على ملكي لاخذت الذي بين عينيك " يعني اتصور الكرسي هكذا هو عزيز عند الإنسان الظالم عند الإنسان المستبد ..

#لذلك يذكر ان فاطمة الزهراء سلام الله عليها
بعد ما اغتصبت الحكومة حقه ..خرجت بكامل حشمته حجابه
ووكفت بالمسجد وخطبت خطبته المشهورة ...بعد ما حمدت الله واثنت عليه

💧✨قالت ( يعلم الجميع بأن ابي وهبني فدك فبأي دليل يصادره الخليفة مني ؟) جاوبه بعضهم جاوبه : كله نحتاج الى أدلة وشهود عله كلامك هذا ...يعني عجيبة فاطمة التي يرضى الله لرضاها ..فاطمة التي شهد الباري بطهارته ؛عالمة غير معلمة... فاهمه غير مفهمة ..يقول عنها الرسول صلى الله عليه واله وسلم عنها ؛ فاطمة روحي التي بين جنبي ...من اسخطها فقد اسخط الله ..
* امير المؤمنين ما سكت گال :ان طلب الشاهد على فاطمة خلاف للقران ، لكن رغم هذا الزهراء احضرت خمس شهود " اول شاهد الامام علي والحسن والحسين عليهما السلام وام ايمن واسماء كل هؤلاء شهدوا بان فدك هي هبة من النبي للزهراء سلام الله عليهم ... مع هذا كله رفضوا وطعنوا بهذه الشهادة ..الحقيقة لو نتأمل اشوية هل الموقف نلگاه صعب على قلب فاطمة ؛ يعني اتصور الناس كله ترتقب تنتظر شنو راح يصير ؟؟.. امر مروع للغاية ☄
*"فاطمة تحاول تسترجع حقه المغصوب .. مرت احداث كثيرة اثارت عاطفة الموجودين في المسجد فضجوا بالبكاء .. كأنه تذكروا رسول الله صلى الله عليه واله وسلم
اقول يارسول الله انظر إلى ما يجري عله فاطمة واهل بيته بعدك ..
نعم هكذا كان حال فاطمة بعد فقد ابيها ... وامصيبتاه وافاطماه

.....انتهى نسالكم الدعاء .....


#تمت_بفضل_الله_بقلم_✍
#خادمة_العترة_ام_فاطمة_الشويلي.
#لااجيز_حذف_الاسم_او_تغيير_او_
#نسب_الكلام_لأي_أحد.
الحمد لله ربِ العالمين والصلاة والسلام على محمد وآل محمد

"محاضرات اجتماعية فقهيه عقائدية وفق مصادر موثوقة مسندة للمجالس النسوية
https://t.center/fatama66

★مجلس الحسين{}ع{}★

#نعي_يقرأ_تغريد_الحزين_لفي_عاشوري_وبعدة_اطوار

اجيت انشد عله ابن امي.•.•.واشوفنه دمه بنحرك
يخويه انه انكسر صدري.•.•.من اشوفن حافر بصدرك
نزرف صدرك يوالينه.•.•.وعله الغبره سفط ظهرك
*تمنيتك تشوف شلون*
*يشتموني ويطگ امتون*
*وسفه علثره العيووون*
*اشوف مشمره الذرعان.•.•.ياوسفه تظل عريان

▣========▣◈▣========▣
نصير بولية ابن زياد..واهلنه موسده التربان
مايحمل هظم عباااس..وسياط الهظم عدوان
*يريتك حاضره ليله*
*سده اعليها هظم ليله*
*اروحن ياهو لشكيله*
*يحسين لعده هالجار.•.•. بنسوان وحرم غدار
#مولاتي_زينب(ام باقر الشويلي)
#لا_اجيز_حذف_اسم_الشاعره

»»★الابوذيه ««★

ابيتي نزلت الحكمه.•.•.ولايه
تعتب على الاخو زينب.•.•.ولايه
الشمر ياخوي چم بلده.•.•.ولايه
يفر بيه ويگول الخارجيه

▣========▣◈▣========▣

علينه نزل دين الله.•.•وبينه
واحنه الي رفضنه الذل.•.•وبينه
الابو اولاده يدفنونه.•.•وبينه
ثلث تيام ضل على الوطيه

▣========▣◈▣========▣
ريتج حاضره بهل ساعه.•.•يماي
اخوتي اليوم ماهم وأمس.•.•يماي
الحسين انذبح والعباس.•.•يماي
طاح وماشرب قطره ميه
#نور_الولايه_الفاطميه
#لانجيز_شرعا_حذف_اسم_الشاعره

✿────↻✿...✿↺────✿

★ القصيده★

حسين ملعب صار للخياله
ادوس بيه العده وين ارجاله
✿────↻✿...✿↺────✿
✿────↻✿...✿↺────✿
وينه خل يفزع كفيل العيله
حسين باقي ومحد يفييله
بالشمس عالكاع ياهو يشيله
والبجي والنوح ضل يحلاله
✿────↻✿...✿↺────✿
حسين آه يحسين مرمي بالطفوف
اخته فرت بالخله ماخذها خوف
نّار شبت بالخيم محد يشوف
وين اخوتي مخدرات بجاله
✿────↻✿...✿↺────✿
وين راعي الموزمة وحيدر علي
حسين حزوا منحره وراحو هلي
و العقيله ميسره وماكو ولي
الراس هل فوگ الرمح دم ساله
✿────↻✿...✿↺────✿
صرخت النسوان صاحت يالكفيل
خويه يا عباس والمدمع يسيل
تعتب ب اهات واحزان وعَويل
گوم ياعباس شوف اعياله
✿────↻✿...✿↺────✿
كوم يا عباس رحت ميسره
بالهظم والنوح يابت حيدره
انه بت حامي الحميه امحيره
بين ايتام وحرم هل حاله
✿────↻✿...✿↺────✿
لاتگلي شلون عفتيلج اخو
بالهظم والسوط مشاني العدو
انه ام الدين ويگلي لفو
عالهزل مشوني هالعّياله

✿────↻✿...✿↺────✿
✿────↻✿...✿↺────✿
#مولاتي_زينب {ام باقر الشويلي}
#خادمة_المنبر_الحسيني_{ام فاطمه الشويلي}
#لايسمح_تغير_اسم_الشاعره
#اجيز_للاخوه_خدام_الحسين_بقراءة_القصيده_دون_ذكر_اسمي_وذكر_الاسم(باقر جبار الشويلي)

https://t.center/lAfiteamoun

اكصد جم مدينه جم ٠٠٠٠ولايه
واحضر يم علي بعيد ال٠٠٠ولايه
كلبي بحضرته تعلك ٠٠٠ولايه
يريد يبايعه بهاي المسيه
«««««»»»»»
خسر كلمن بحيدر ٠٠٠٠ماتمسك
انه من ندب علينه ٠٠٠٠ماتمسك
سعير النار باجر ٠٠٠ماتمسك
الجواز موقعه حامي الحميه
««««««««»»»»
بحب حيدر الباري ٠٠٠من علينه
طريق الحق عرفته ٠٠٠٠من علينه
باسمك ياعلي احنه ٠٠٠من علينه
ويضل اسمك الي تاج وهويه
#خادمة_خدام_مولاتي_زينب{ع}
❌لٱ اجيز شرعا حذف اسمي❌


https://t.center/lAfiteamoun

شما اكتب من اشعار واكتب قوافي

قطره بوريد حسين هيهات اوافي💔

#خادمة_خدام_مولاتي_زينب(ع)


{اسعد •اللّـہ̣̥ صباحكم خدام الحسين ع}

#ابوذيات_لزواج_النوريين
🌸_______🌸

خبر عاجل من الباري ٠٠٠٠وردنه
يطير الصاف اخذ بينه ٠٠٠٠وردنه
نمر نبعث تهانينه ٠٠٠٠٠٠٠٠وردنه

لبو الحسنين والزهره الزجيه
🌸______🌸

اريد اكصد لارض طيبه ٠٠٠٠٠وجيهه
الشمس اخذت ضوها من ٠٠٠وجيهه
لان الزهره عد ربها ٠٠٠٠٠٠٠وجيهه

قسمها الباري الك حيدر هديه

#خادمة_خدام_مولاتي_زينب
#اهدي عملي هذا الى مقام مولاي الحجه عج
والى روح والدي 🙏

https://t.center/lAfiteamoun

اليوم شايل ياعلي كرارها
حزنت املاك السمه وفقارها
@@@@@@@@@
اليوم حزنانه عليك ارض وسمه
وحزن طه اعليك بويه وفاطمه
كلوب هل ايتام كله امالمه
تنوح كلها صغارها وكبارها
@@@@@@@@@
هليتام تنوح ياهو الها بعد
وانت ياسور وحماها والسند
والك بل وگفات ياحيدر شهد
باب خيبر ياعلي واقلاعها
@@@@@@@@@
باب خيبر ياالوصي انت قلعت
لو السلمان النخاك ومارحت
بس لبو السجاد وسفه ماحضرت
ومادريت بكربله واخبارها
@@@@@@@@@
لون حاضر يا علي بيوم الطفوف
وتصد للعباس مكطوع الجفوف
والحسين بمصرعه ريتك تشوف
شلون كطعو منحره اشرارها
@@@@@@@@@


اااه من سلبوها ذيج العيله
وزينبك ماضل ولي تشكيله
وابن الحسين المرض هد حيله
مايطفي الخيم من شب نارها
@@@@@@@@@


#خادمة_خدام_مولاتي_زينب
اهدي عملي لمولاي صاحب الطلعه عج
والئ روح و الدي 🙏
❌لااجيز حذف ➖ الأسم او تغييره ❌


https://t.center/lAfiteamoun

تون ياداحي خيبرها ٠٠٠٠وانه وين
واذا راح الابو ارحل ٠٠٠وانه وين
جنكم للنعش شلتو ٠٠٠٠وانه وين
تدفونه وانه منهو اليه
★★★

علي مطبور ياوسفه٠٠٠على الهام
اشوف البين هل يفتر ٠٠٠علي هام
يزينب گلبج اتعود ٠٠٠٠عله الهم
تكاثر همها من جتفوا رقيه
★★★

ليالي الحزن والهم ٠٠٠٠حالفني
اجر ونه على ونه ٠٠٠٠حالفني
وأذا ترحل يبويه٠٠٠حالف اني

يضل ثوب الحزن دومه عليه

#خادمة_خدام_مولاتي_زينب
اهدي عملي لمولاي صاحب الطلعه عج
والئ روح و الدي 🙏
❌لااجيز حذف ➖ الأسم او تغييره ❌


https://t.center/lAfiteamoun

يبو الحمله يوالينه
ترى فراكك ياذينه
يبويه رد عليه ٠٠٠انه الحره الابيه
٠٠٠٠٠٠٠٠٠٠٠٠٠٠٠٠٠٠٠٠
مجروحه بويه ماطبت من ضلع امي فاطمه
لمن شفت محسن سكط بلباب ومفيض دمه
واليوم يابويه ارحلت وحزنانه املاك السمه
ماتدري انت بروحتك كَلب العقيله اتالمه
صحت وينه علي حيدر…
على فراكه انه مكدر…
يريته يعود اليه..
انه الحره الابيه
★★★

انه ادري بويه من ترد مايمس زينب كل هضم
ولا تشوف جبد المجتبى ذاك التكطع وانجسم
ومن شيعوها جنازته صابتها جم سهم بسهم
اختاظ عباس وزعل ليش النعش هم ماسلم
يكله لا تجر سيفك ..
ياخو زينب انه اريدك..
سند ياخويه اليه ..
انه الحره الابيه...
★★★★
للغاضريه من رحت بجال اخوتي أمدلله
كل ساع عباس ونزل للهزل هو ايعدله
الدرب كله يباري الي لمن وصلنه الكربله
ونصبها ليهه خيمتي راعي الفخر والمرجله

انه بسدك علم ويرف...
اخاف تموت يطيح لجف
يخويه رد عليه …
انه الحره الابيه…
★★★
يوم عاشر من صبح خلصو و راحو كل هلي
بس الاجساد موذره لااخو ضل ولا ولي
وحسين حز نحره الشمر ياريت حاضرله علي
ويشوف حركو خيمتي وباجر يبويه انولي
تعال احضر يبو الحسنين…
انه زينب الدمع صوبين
وتبجيني رقيه…
انه الحره الابيه…
★★★★

من ركبوني اعله الهزل عيوني صدت للنجف
ريتك يبو زينب عدل وتشوفني شلون انجتف
وتشوف عباس الكفل ضلت زنوده بلايه جف
والشام اشد ياابا الحسن الحال ابد ماينوصف
على الناگه گرب موتي…
الشمر وسفه سمع صوتي…
تمنيت المنيه….
٠انه الحره الابيه ...



#خادمة_خدام_مولاتي_زينب
اهدي عملي لصاحب الطلعه البهيه عج ولوالديه
❌لااجيز حذف ➖ الأسم ❌

https://t.center/lAfiteamoun

🏴🏴سريعة نهاية مجلس لمولانا أمير المؤمنين عليه السلام
🏴🏴

الليله تشييع الولي 😭 نوحوا يشيعة حيدره

امشونه نشيع الغالي 😭 نوحوا يشيعة حيدره
مطبور راسه الوالي 😭 نوحوا يشيعة حيدره
والدمه ينزل هالي 😭نوحوا يشيعة حيدره
مهضوم انه وكل هلي😭 نوحوا يشيعة حيدره

--🏴🏴--
الشيعه كله مكدره 😭 نوحوا يشيعة حيدره
ايتامه كله محيره 😭نوحوا يشيعة حيدره
من رحل ياخير الوره 😭نوحوا يشيعة حيدره
وخلافك احنه ننولي😭 نوحوا يشيعة حيدره

--🏴🏴🏴--

اشلون طبروا هامتك😭نوحوا يشيعة حيدره
الليلة حيدر دفنتك😭نوحوا يشيعة حيدره
رحنه نشيع جنازتك 😭نوحوا يشيعة حيدره
زينب تصرخ ياعلي😭نوحوا يشيعة حيدره
--🏴🏴--
طبروك بويه الغالي😭نوحوا يشيعة حيدره
بعدك تذل احوالي😭نوحوا يشيعة حيدره
حزنك صبح موالي😭 نوحوا يشيعة حيدره
اليوم توديع الولي😭 نوحوا يشيعة حيدره
--🏴🏴--
ارجوا الشفاعة ياعلي😭نوحوا يشيعة حيدره
لمي وبوي وكل هلي😭نوحوا يشيعة حيدره
ولضدك اكبر جاهلي😭نوحوا يشيعة حيدره
ننخاك همنه ينجلي😭 نوحوا يشيعة حيدره
--🏴🏴--
انت الأمل والمفخره😭نوحوا يشيعة حيدره
بحماك انه حيدره 😭نوحوا يشيعة حيدره
وبگلبي نار موجره 😭نوحوا يشيعة حيدره
هلصوت يبقه يعتلي😭نوحوا يشيعه حيدره
🏴🏴🏴🏴🏴🏴🏴🏴🏴

#تمت_بقلم_الشاعرات✍

#مولاتﮰ_زينب (ام باقر الشويلي)

#خادمة_العترة_ام_فاطمة_الشويلي.

❌لانجيز حذف ➖ اسماء الشاعرات او تغييرها ❌

"محاضرات اجتماعية فقهيه عقائدية وفق مصادر موثوقة مسندة للمجالس النسوية
https://t.center/fatama66

ابوذيات_للإستشهاد_امير_المؤمنين(ع)


يون ومصوب الليله ٠٠٠علينه
وبعد ياهو اليمر بويه ٠٠٠٠علينه
واحنه بجال حيدرنه٠٠٠علينه
راح وطاح عزي على الوطيه
*

يزينب للدموع اليوم ٠٠٠٠كفي
عله ايتامج يزينب ها ٠٠٠٠كفي
هامه وعين يازينب و٠٠٠٠كفي
الج كلهن فده بلغاضريه
*

يريت الراحو اخذوني ٠٠٠وياهم
بعد هيهات اشوفنه ٠٠٠٠وياهم
انه احمل ياقهر ياضيم ٠٠وياهم
هم الشام لولوعه رقيه
*

بقيت اصفك يبويه عليك ٠٠٠٠٠راحت
روحي وي النعش من راح ٠٠٠راحت
واذا غاب الابو ماشفوف ٠٠٠راحت
ياراحه البعد حامي الحميه
****

الشيعه تنوح ومصوب ٠٠٠٠عليهم
يونوله ويون حيدر ٠٠٠٠٠عليهم
يعين الله كلب زينب ٠٠٠٠علي هم
اعد اهموم يوم الغاضريه

#خادمة_خدام_مولاتي_زينب
اهدي عملي لصاحب الطلعه البهيه عج ولوالديه
❌لااجيز حذف ➖ الأسم ❌

https://t.center/lAfiteamoun

الليله الكرار يودعونه ٠٠٠٠الليله الكرار يودعونه
حزنانه يابويه ديارك
ناح القران وفقارك
اسمعها شتگول انصارك
شلون المهيوب يدفنونه… الليله الكرار يودعونه
★★★
ايتامك يابويه الليله
مهضومه وياهو التشكيله
عكبك منهو الهاي العيله
زينب وحسين يريدونه … الليله الكرار يودعونه
★★★
يندب كلمن طاح بشده
يابو حسين وتحضر عنده
ويونس من الحوت ترده
وانته البشده يندبونه… .الليله الكرار يودعونه
★★★
زينب من صاحت ياحيدر
محتاره بواليهه امطبر
هل راسه بالدم امعفر
ضلام خلافه يروعونه ..الليله الكرار يودعونه
★★★
ريتك حاضر يوم العاشر
وتشوف انت البينه شصاير
صدر حسينك جوه الحافر
وبخيول اعداه يدوسونه…الليله الكرار يودعونه

بويه ومن طبينه الكوفه
حال العيله ريت تشوفه
بحبال ابناتك مجتوفه… ومن طاغي لطاغي يودونه
الليله الكرار يودعونه
★★★★
#خادمة_خدام_مولاتي_زينب_(ع)
❌لااجيز حذف ➖ الأسم من القصيدة❌
اهدي ثواب عملي للامام الحجه عج ولوالديه


https://t.center/lAfiteamoun

ذبلن اعيوني من سهر وحزن الليالي

اجر ونة باثر ونة وكمت ااااعاني

تعال وشوف يااالغالي … حالي


هاو هاو هاو

محزونه خلافك دلالي

#خادمة الحجه