#الليلة_الثامنة #للقاسمجسام....يعريس الطفوف ومهجة سنيني
جسام. انه امك يجاسم فدوه حاجيني
جسام. يسباح الگلب يانور لبعيني
عرسه انحرم منه يضي عيني/3
ليش الدهر.. ناوي يسبيني/3
*ييمه اه يييمه اه يييمه اه*
╌────═❁═────╌
عريس. وشموعك يجاسم ليش طفوها
عريس. من دمك ييمه چفوفي حنوها
عريس. خواطرنا ييمه اليوم كسروها
ابن الحسن بنحره شميته /3
عاف العرس بدمعي زفيته /3
*ييمه اه ييمه اه يييمه اه*
╌────═❁═────╌
يبني. وصية والدك هليوم سويها
يبني. ياشبل الهواشم عينك اعليها
يبني. بنورك كربله هاليوم ضويها
قلبي انفطر. يمه بوليدي/3
شفته انطبر. والله هد حيلي/3
*ييمه اه ييمه اه ييمه اه *
╌────═❁═────╌
يمه. انه ابنج يييمه وانته تدريني
يمه . يروحن فدوة لج كل عمري وسنيني
يمه. لطشرهم وذر هليوم شوفيني
بسيف الحسن. يمه لبسيني /3
ليوم المحن. احمي عن ديني /3
*ييمه اه ييمه اه ييمه اه
╌────═❁═────╌
بويه. دين برقبتي لحسين وفيته
بويه. نصر حسين واجب وانه اديته
بويه. يمن خالي مچانك وانه سديته
شفت الظلم. حارب حسيني /3
طاح العلم. بويه عزييني /3
*ييمه اه ييمه اه ييمه اه*
╌────═❁═────╌
بدماي. زفوني ييمه وللحسن مدمي
بدماي. شهكت روحي واشتكي لجدي
بدماي. سبعين الف جندي وانه لوحدي
لمن طحت. سيفي دگ ثايه /3
چبدي انمرد طاحت الرايه/3
*ييمه اه ييمه اه ييمه اه*
╌────═❁═────╌
✍باقر جبار الشويلي
للتواصل والاستفسارللقصائد
@MolatyzeenabBBB1_bothttps://t.center/lAfiteamoun