Kumush Abdusalomova

Kirib kelayotgan yilning yangiligini his qilish barchamizga nasib qilsin)))

#2024_dan

Otam tomorqani sug‘oraman deb
Ko‘llatib yuborganday ko‘llab yozdim.
Onam sutni pishiraman deb
Toshirib yuborganday toshib yozdim.

Menga so‘z tejashni o‘rgat, Xudoyim!

@kumush_abdusalomova

#qitmir_xayollar

O‘ylab qarasam, ismim uch tilda ham bir harf bilan boshlanarkan: "Silver", "серебро", "siym".

Va Uning ismi ham shu harf bilan boshlanadi)))

Eng mayda narsalarda ham unga bog‘liqligimni topa olaman.

Eh, men-ey🙈🙈🙈

@kumush_abdusalomova

359 obunachi va joylangan 100 ta post bilan yakunlayapman yilni. Bilaman juda nofaolman. Shunda ham meni kuzatib borayotganingiz uchun rahmat! Yangi yil barchangizga omad va farovonlik olib kelsin!

"Kumush Abdusalomova" kanali uchun @TGStat'dan yil natijalari

Sirkdagi bo‘ri

Olov chambarakdan sakrab o‘tdi sher,
Ayiq velosiped minib qildi sayr.
Fil o‘mbaloq oshib gursilladi yer,
Faqat sen qolganding yovvoyi, g‘ayir,
Men uvlab yubordim qismating ko‘rib,
Qamchidan qo‘rqdingmi, sirkdagi bo‘ri?

Xotirdan faromush bo‘ldimi nasling?
Vahshiy erkparastlik bo‘ldimi unut?
Dunyo - sirk, sahnada bo‘rilar raqsi,
Nahot yashayapsan itlikka ko‘nib,
Sensiz quriydi-ku o‘rmonning sho‘ri,
Qullikka ko‘ndingmi, sirkdagi bo‘ri?

Qasos istab kezgan tunlaring qani?
E’tiqoding mayib qildimi tuzoq?
Dunyoni titratgan unlaring qani?
Sirkni gir aylanib g‘ingshiysan uzoq.
Jonzodlar qaysari, yirtqichlar o‘ri,
Tishlaring sindimi, sirkdagi bo‘ri?

Shoqollar gerdaydi makoning kezib,
Masxaraboz senga uzatadi qand.
Uning kekirdagin olmaysan uzib,
Zanjiringga sira bermaysanmi pand.
Tur-e, chorlayotir ajdoding qo‘ri,
Kurashlar tindimi, sirkdagi bo‘ri?

... millating turkiymi, sirkdagi bo‘ri?

©Suhrob Ziyo

Bugun sirkda bo‘ri tomosha ko‘rsatdi. Tabiiyki, Suhrobning she'rini eslatdi.

@kumush_abdusalomova

Mening adabiyot muallimam Munojat opa Malikovaga ovoz bering! Mening adabiyotga mehr qo‘yishimda beqiyos hissalari bor!