قبيل ومن موقف حصل لي.. وقتها استوعبت اني فعليًا ما بعرف أكره .. مهما الزول أذاني و المفروض أكرهو و فعلا أفتكر اني كرهتو بسبب أذيته و مواقفه السلبية .. اول ما يجي يعتذر واحس انو ندمان كأنو جاب مَسّاحة و مسح بيها الموقف .. لأني بلقى نفسي طوالي سامحتو من كل قلبي و برجع اتعامل معاه عادي بطريقة تحير بالرغم انو قبلها بكون قررت انو لو بقى قبلة ما أصلي عليه 🤣👏 و في كتير من الأحيان بخاف حتى أحكي للناس القريبين لي اني سامحته عشان مرارتهم ما تتفقع مني 😂.. لحدي ما لاقاني الاستوري دا هسا وفرحني.. أتمنى اني أكون في التصرفات دي بقتدي بالرسول صل الله عليه وسلم وربنا يكتبها لي ولكل البعملها أو بحاول يعملها أجر و يعظمه ان شااء الله ❤️.. لو وصلت لهنا صلِ على حبيبك وسامح من ظلمك لوجه الله تعالى وانتظر الخير الراجيك من الله ❤️ #زُبيديات