قصيدة الاربعين ( الامام الحسين ؏) اجت زينب تون ونو يمشايه تنوح على الغريب وحامل الرايه 🍁🍁🍁🍁🍁🍁🍁🍁🍁🍁🍁🍁 تلگوها العقيله بنوح وبلوعه تون على الذبيح الداسو ضلوعه الله يعينها على اخوتها مفجوعه ومن حر الشمس ركدانه العبايه اجت زينب تون ونو يمشايه 🍁🍁🍁🍁🍁🍁🍁🍁🍁🍁🍁🍁 اجت زينب تون وروح مابيها ودروب اليسر تعبت رجليها نوحو لنوحها وبجو لبواجيها نصبت فاتحه وتريد ملايه اجت زينب تون ونو يمشايه 🍁🍁🍁🍁🍁🍁🍁🍁🍁🍁🍁🍁 نصبت فاتحه وكعدت المهضومه على گبور الحنان بروح مالومه مشتاگه على اهلها وجايه بهومه وكل حيد على گبره سوت قرايه اجت زينب تون ونو يمشايه 🍁🍁🍁🍁🍁🍁🍁🍁🍁🍁🍁🍁 تصيح اكعد يخويه تيهيت الراي ماردت رقيه بلضعن وياي وين الگال كومي وانه الج حماي نايم علنهر بس ماشرب مايه 🍁🍁🍁🍁🍁🍁🍁🍁🍁🍁🍁 شاعرة آل البيت ام كرار الشباني https://t.center/krsnta21