KOMMUNAL

#JARAYON

⚠️ Boshqaruv organlari faoliyati o’rganilmoqda

Vazir o’rinbosari Ozoda Jo’rayeva hududlarda bo’lib, ko’p qavatli uylarga xizmat ko’rsatuvchi boshqaruv organlari ish samaradorligini o’rganmoqda.

Dastlabki manzil Yashnobod tumani “Jo’rabek” mahallasi bo’ldi. Mahallada joylashgan 5 ta ko’p qavatli uyga xizmat ko’rsatuvchi “Sohil house” BSK tashkil etilganiga ikki yil bo’lgan. Kompaniyada dispetcherlik xizmati, qo’shimcha servis ishlar tashkil etilgan.

Ozoda Jo’rayeva ishda tartibni kuchaytirish lozimligiga urg’u berdi. Xususan, ko’p qavatli uylar atrofi doimo toza saqlanishi, yerto’la qismlariga yonuvchi vositalarni joylamaslik kerakligi qayd etildi. Shuningdek, uylarning xavfsizligi va tashqi qiyofasiga salbiy ta’sir ko’rsatayotgan noqonuniy qurilmalarni oldini olish yuzasidan mas’ullarga aniq topshiriqlar berildi.

- Tartib, intizom ostonadan boshlanadi. Ayniqsa, aholiga kommunal ximat ko’rsatish sohasida bu jihatlarga alohida e’tibor berishimiz shart, - dedi Ozoda Jo’rayeva.

O’rganish ishlari davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

❗️Ko‘p qavatli uylarning energosamaradorligi ta’minlanadi

Kommunal soha yillar davomida murakkab munosabatlar tizimi sifatida shakllangan, ammo aholining eng zarur sharoitlarini ta’minlashga qaratilgan sohadir. Shu bois davlatimiz rahbari mazkur tarmoqni rivojlantirishga alohida e’tibor qaratib kelmoqdalar. So‘nggi yillarda sohada olib borilayotgan tub o‘zgarishlar bugun aholi hayotida ijobiy aks etib, ularni qiynab kelayotgan muammolarini ijobiy hal etilishiga zamin yaratmoqda.

Tizimda amalga oshirish lozim bo‘lgan galdagi muhim vazifa – kommunal xizmat ko‘rsatish tarmoqlarida energosamaradorlikni ta’minlashdan iborat. Zero, energiya resurslari yildan-yilga cheklanib borayotgan bir sharoitda mamlakatimiz iqtisodiyotning eng muhim yo‘nalishi hisoblangan kommunal sohada ham yangi yondashuvlar talab etilmoqda.

🏘 Qurilish va uy-joy kommunal xo‘jaligi vazirligi tomonidan bu borada kompleks tadbir, rejalar ishlab chiqilgan bo‘lib, hozirda amaliy ishlar boshlab yuborilgan. Vazir o‘rinbosari Ozoda Jo‘rayeva bugun poytaxtimizning Shayxontohur tumani “Katta Oqtepa” mahallasida bo‘ldi. Mazkur hududda “Demetra kapital development” BSK tomonidan Gulxaniy ko‘chasida joylashgan 11, 12, 37 va 37 uylarni energosamaradorligini oshirish borasida qator ishlarga qo‘l urilmoqda.

Xususan, mazkur uylarning tom qismi kapital ta’mirlanib, profnastil qoplamasi bilan qoplangan, shuningdek, uyning muhandislik tarmoqlari tegishli talablar asosida to‘liq izolyatsiya qilingan. Hozirda uyning fasad qismini bazalt qoplamasi bilan qoplash, deraza-romlar, framuga oynalarini plastik romlariga almashtirish hamda kirish yo‘laklarida ta’mirlash-tiklash ishlari ketmoqda.

-Hurmatli yurtboshimiz 2025-yilga “Atrof-muhitni asrash va yashil iqtisodiyot yili”, deb nom berishni tavsiya qildilar. Mazkur ezgu tashabbus bizning oldimizga ham qator vazifalarni qo‘yadi. Shu asnoda kirib kelayotgan yilning eng muhim maqsadlarini belgilab olmoqdamiz. Ulardan biri sohada energiya iqtisodiga erishish, ortiqcha resurs yo‘qotishlarni oldini olishdir. Biz ushbu jarayonga kompleks yondoshishimiz, ya’ni ko‘p qavatli uyning tomidan tortib yerto‘lasigacha bo'lgan har bir jihatni inobatga olishimiz darkor. Chunki bu bir-biriga bog‘liq, murakkab jarayon hisoblanadi, - dedi Ozoda Jo‘rayeva.

Ta’kidlanganidek, mazkur ishlar natijasida bir uyning energosamaradorlik ko‘rsatkichi 50 foizga ortadi. Natijada aholi qulayligi ta’minlanishi bilan bir qatorda, ularning ortiqcha sarf-xarajatlari oldi olinadi.

Ozoda Jo‘rayeva kompaniya tomonidan olib borilgan ishlarni kuzatar ekan, ta’mirlash ishlarini amalga oshirishda birlamchi e’tibor sifatga qaratilishi, bunda pudrat tashkilotlari mas’uliyatni oshirish lozimligini ta’kidladi. Shuningdek, aholi orasida tejamkorlikni oshirish yuzasidan targ‘ibot ishlarini kuchaytirish yuzasidan zarur tavsiyalar berildi.

Rasmiy sahifalarimizga a'zo bo'ling👇

|🌍Web| 📸Instagram|💬Facebook|😎Telegram| 📹Youtube|