🚩 پێویستیی سەپاندنی حەقدەستی زیاتری کرێکارانی شارەوانییەکان بەسەر ڕێژیمدا بەپێی هەواڵی میدیاکان، لە سەرەتای ساڵی ١٤٠٠ تا ١٠ی خەزەڵوەری ١٤٠٣، کرێکارانی شارەوانییەکان شەست چالاکیی ناڕەزایەتییان بەڕێوە بردووە، کە بەشێک لە داواکارییەکانیان بریتیی بوون لە زیادکردنی حەقدەست و وەرگرتنی حەقدەستە وەدواکەوتووەکان، یان ئەو داواکارییانەی کە دەبنە هۆکاری باشتربوونی بژێوی ژیانیان. ئەڵبەت ئەم کرێکارانە لە نیوەی دووەمی دەیەی ١٣٩٠ و بەتایبەتی لە مانگەکانی کۆتایی ساڵی ١٣٩٩شدا چەندین ناڕەزایەتییان بەرامبەر بە دواکەوتنی حەقدەستەکانیان بۆ ماوەی چەند مانگ و هەروەها نەدانی بیمەی دەستەبەری کۆمەڵایەتی، بەڕێوە بردووە، بەڵام لە سەرەتای ساڵی ١٤٠٠ و لە ماوەی سێ ساڵی ڕابردوودا، هەم ناڕەزایەتییەکان و هەم ژمارەی ئەو شارانەی کە کرێکارانی ناڕازییان هەیە، زیادی کردووە. درێژەی بابەت: https://shorturl.at/U4ob7