✾✾✾✾✾✾✾✾✾✾✾✾✾✾✾✾✾
💢#وطــنم_ڪلیک💢هِنیشِم دِریوی لُو مِن بِوارِم تِوِسسِه دِریوُدِریوُ مِن بِوارِم
ته چش خسسه وونه دریو ره هارشی
شه یاره یاده همرا ، او ره هارشی
ته كه دريوجه ترسي من كِلاك جا
تِره بِشناسيمه من ته پِلاك جا
الهی بووشم،دریوی کلّاک
سَره سنگ بزنم،دلّه هادم چاک
چشه اسریِ جا دِریو بَیه پِر
بی ته دنیا میسه بَیه دلِ گِر
دریو امروز مه واری بغض واره
سیو مه در بیمو خاینه بواره
تِ دِتا چِشِه مِن دریا بَوینِم.
شِه بَسوت؛ دِله ته دلخوا بَوینِم.
خله ساله دل له دریوهدامه
تره شه اسری جا او هدامه.
انتظاری مه دل ره ساک هاکرده
مه دل دریای جور کلاک هاکرده
ته مه دریو بووشی من نخامه
مِ مرگِ تو بووشی من نخامه
وونه دریو مِسسه٬ پیغوم بیاره؟
ته عکسه٬ مِه دلِ خاهون بیاره؟
دِله دریو بزومه ، غم ندیمه
شِ میسِه دله اتتا نَم ندیمه
دریو مه دل ته دیم واری کهوئه
مه چش دنیای اندا مست خوئه
چش اسری ره دریو کمبه تسه
بسون ماهی حسنو کمبه تسه
تره دریوی جاگدایی کمبه
دله کوترواری هوایی کمبه
دِ کِل جفت اغوز بیمی دتایی
کلاک امه میون بِشته جدایی
🔹بداهه 95/11/15
شاعران گروه تبری سرایان
🆔@kolyek_nur✾✾✾✾✾✾✾✾✾✾✾✾✾✾✾✾✾