АТЫРАУДА “OIL CAPITAL CUP” КУБОГІ ХАЛЫҚАРАЛЫҚ ТУРНИРІНІҢ АШЫЛУЫ ӨТТІ Атырау облысында “Біріккен күрес Әлемі” аясында 17-20 қыркүйек күндері өтіп жатқан “Oil capital cup” Кубогі халықаралық турнирінің ашылу салтанаты өтті. Спорттық іс-шарада Атырау облысының прокуроры, Атырау облыстық күрес түрлері федерациясының құрметті президенті Бауыржан Жұмаханов, Республикалық федерацияның Бас хатшысы Димаш Сұлтанов құттықтау сөз сөйлеп жарыс қатысушыларына сәттілік тіледі. Аталған халықаралық турнирге Қазақстан құрамасымен қоса 11 елдің командалары, 300 спортшы қатысуда. Айта кетсек, халықаралық турнирдің құрметті қонақтары Париж Олимпиадасының грек-рим күресінен күміс және қола жүлдегерлері Демеу Жадыраев пен Ақжол Махмудов.