يوم عرسك لفراگ يمك وگلبي شتاگ جسام اه يالولد ♕♕♕♕♕♕♕♕♕♕ عادة كل ام اتمنى يعرس اوليدها وانه يا ليلة زفافك يبني ما ريدها ما يهون عليك تترك امك اوحيدها وحنت الزفة ييمه تيبس ابيدها عرسك بهاي الگاع تارس عيوني اوداع جسام اه يالولد ♕♕♕♕♕♕♕♕♕♕♕♕ اعرف بهاي المدينة ما يتم عرسك اسم الله يوليدي اعله طولك ربك يحرسك ما يدگ گلبه ييمه الما سمع حسك وروحي تطلع لو تغرب يالولد شمسك لا تجي الضن الروح بعرسك ترد مذبوح جسام اه يالولد ♕♕♕♕♕♕♕♕♕♕♕♕♕ يبني كل ضنون روحي تسولف بفࢪگه وانه شجرة روحي بيها رويحتك ورگه انته كل شي وغير روحك بيه ما تلگه بيه وعيوني تدور النضرتك ملگه هواي احب عيونك ما اعيش بدونك جسام اه يالولد ♕♕♕♕♕♕♕♕♕♕♕♕♕ ادري من تترك خيامك ما الك رجعة لا تخلي المغربية تصاحب الدمعة انه ما اشعل ييمه بعرسك الشمعه خاف انادي وصوت ردك يبني ما سمعه ما يجي منك صوت ياخذك مني الموت جسام اه يالولد ♕♕♕♕♕♕♕♕♕♕♕♕♕ أحمد الخفاجي