Chet eldan taklif etilgan "til egalari" maktablarda ish boshlashdi, deya xabar bermoqda kun.uz nashri. Taʼlim tashkilotlariga har yili 500 nafar "til egalari"ni taklif etish "Oʻzbekiston 2030" strategiyasiga kiritilgan. Bu gʻoya haqida, uning "samarasi" haqida ilgari oʻz fikrimni bildirganman. Hozir esa loyiha bilan bogʻliq boshqa narsa eʼtiborimni tortdi. Xabarda fransiyalik, misrlik va myanmalik mutaxassislar "til egalari" sifatida tanishtirilgan. "Til egasi" ("native speaker") kim? someone who has spoken a particular language since they were a baby, rather than having learned it as a child or adult (Cambridge dictionary) someone who speaks that language as their first language rather than having learned it as a foreign language (Collins dictionary) a person who speaks a language as their first language and has not learned it as a foreign language (Oxford dictionary) Demak, "til egasi" - shu tilda tili chiqqan, tilni ona tili sifatida oʻrgangan shaxs. Masalan, men rus yoki ingliz tilida qanchalik ravon gapirmay yoki yozmay, rus yoki ingliz tili "egasi" hisoblana olmaganimdek, fransuz, misrlik yoki myanmalik ham "ingliz tili egasi" hisoblana olmaydi. Ular fransuz, arab yoki burma tili egasi boʻlishi mumkin.