Ikki yarim soatga choʻzilgan uchrashuv Bugun Aniq va ijtimoiy fanlar universiteti rahbariyati taklifiga koʻra, universitetda “Salomatlik ijtimoiy psixologiyasi muammolari” mavzusida maʼruza qilib berdim. Anjumanda salomatlik psixologiyasi, ilm-fanni jamiyatda tutgan oʻrni, yoshlarni bilimga boʻlgan qiziqishi, kitobxonlik darajasini oshirish kabi masalalarda gaplashdik. Oilada bola tarbiyasiga oid savolar juda koʻp boʻldi. Odamlarning bir-birlariga boʻlgan munosabati, ota-onalar va farzandlar oʻrtasidagi ziddiyatli holatlarning sabablari, nimaga borib taqalishi va ularning yechimlari haqida fikr almashdik. Savollardan oʻzim ham xursand boʻldim. Qarangki, bir soatga moʻljallangan uchrashuv 2.5 soatga choʻzilib ketdi. Instagram | Facebook | Telegram |YouTube |asab.uz