#Study_Skills & امتحانات موود 📚🤯 كل يم بأجّل الدراسة لبعدين، غمضت عيني فتحت عين لاقيت حالي بال "بعدين" "(( كيف بستغلّ الوقت البقيان أقصى استغلال لحقق أفضل نتائج ممكنة؟؟ 🤩👌🏻 إشراقة جابتلكم 3 شغلات لازم يراعيها الطالب بهالوقت من السنة ليحقق إنتاجية أعلى بإذن الله 📈 1 - التهم الضفدع ! هي الجملة مشهورة بعالم الإنتاجية، والمقصود منها لا تؤجّل المهمة الصعبة لآخر اليوم، وإنما ابدأ فيها، لانه طاقة الإنسان بتكون بأعلى مستوياتها وش الصبح أو ببداية الجلسة الدراسية، ومنحنى الطاقة بينحدر خلال التقدم باليوم .. ففي حال أجلت المهمة الصعبة لآخر اليوم، قياساً مع طاقتك المنخفضة رح تحسّ انه الصعوبة تضاعفت، بينماا إذا جاهدت نفسك وأنجزتها ببداية النهار رح تعطيك دافع لإنجاز بقية المهمات 💪🏻 2 - تجنب المشتتات! شفت لما تفتح على موبايلك تطبيقات كتير كيف بعلّق وما بقا يتجاوب معك، هيك بصير بعقولنا تماماً لما نعمل أكتر من شغلة مع بعض .. المشتتات بتوزّع تركيزك وطاقتك على أكتر من عمل ف إنتاجيتك بتنخفض وبتحتاج لطاقة أعلى لاستعادة التركيز .. بينما إذا ركزت على عمل واحد (الدراسة بحالتنا) بتحتاج لطاقة أقلّ وبالتالي بتقدر تدرس لفترة أطول (لانه ما في طاقة مهجورة عالطريق). 3 - لا تنسَ نصيبَك من المتعة 🤹🏻‍♀️ من المُجدي جدا تحدد ضمن الخطة اليومية تبعك نشاط أو أي عمل بتحبه وبتحس انه بيعطيك دافع وطاقة .. ممكن يكون هالشي مشي، رياضة، فيديو ترفيهي، قعدة مع أهلك، تلوين، أي شيء .. بالنسبة الي من أكتر الأشياء يلي بتجدد طاقتي مُطلقاً وبعتبرها مكافأة، هيي مقاطع الدكتور أحمد عبد المنعم وفيديوهات الإنتاجية .. حطولنا بالتعليقات مجدّدات الطاقة تبعكن لنستفيد 🤩 إشراقة بتتمنالكم عطلة فحص لطيفة ومُنتِجة 🌷 #إشراقة ~