#جوالك_كنز 💰 مساء الخير وإن شاء الله طاعتكم مقبولة 💭🍃🤍🤍 بتصير كتير مع طالب الطب انه مو جاية على باله يدرس، وبنفس الوقت حابب تبقى ذاكرته الطبيّة والسريريّة نشيطة 🏄🏻‍♀️ وكحلّ لهي المشكلة اجتكم إشراقة اليوم بالتطبيق التاني لمنصة Amboss الطبيّة الخارقة وهو تطبيق Amboss Qbank 🤩🔥🔥 بعد ما تسجّل دخول عالتطبيق رح تنقّي وعلى كيفك نوع الMCQ يلي حابب تمارسهم يومياً، اختبارات على كيفي! كيف؟ 🤯 🩺 التطبيق بحطّلك خيارات متعددة بتحدد من خلالها: • نوع الامتحان يلي بدك تجهّز له (متل امتحانات المعادلة الأمريكية مثلاً) • الجهاز يلي حابب تُتقن معلوماته (عصبية، باطنة دم، قلبية .. إلخ) • مكان الأعراض يلي حابب الاختبارات تركز عليها (بدك أعراض الرأس والعنق ولا البطن ولا ولا .. ولا كلهن سوا) • المجال يلي بدك ياه (تشريح، كيميا حيوية، ولا طب باطني، جراحة، أطفال .. ) • صعوبة الأسئلة • عدد الأسئلة يلي بدك تعملها يومياً وتفااصيل تانية تخيّلوا! 🤯 يعني حرفيّاً انت بتتقن الشي يلي حابب تتقنه بالتحدييد 👌🏻 خلصنا ميزات التطبيق؟ لسا 😌 📝 صمّمت الاختبار يلي بدك ياه، وقلت يلا بسم الله لنجرب .. فتحت على أول سؤال: رح تطلعلك مسألة سريرية، قد يكون معها قيم مخبرية أو صورة أو أي بيانات داعمة حسب الحالة .. وتحتها 5 خيارات لما بتنقر على خَيار منهن إذا كان صح رح يتلوّن بالأخضر وإذا غلط بالأحمر .. ورح يطلع تحته ملاحظات بتقلك ليش هالخَيار صح أو غلط .. بقلب الملاحظات فيه مصطلحات تحتها خطّ لانها مصطلحات مهمّة، في حال نقرت على واحد منها رح تطلعلك نافذة منبثقة تذكرك بالمعلومات يلي بتخصّه مع خيار الانتقال لبرنامج Amboss knowledge للتفصيل عنه أكتر .. وبنفس الوقت بحطّلك هايلايت عالجُمل الهامّة والمفتاحية بالحالة الأساسية، بالإضافة لملاحظة لشدّ الانتباه .. وهيك بتخلص الحالة وانت فهمان وعرفان كل تفصيلة بتخصّها 😎🤏🏻 مو بس انك حليت وشكيت بالجواب وبالصدفة طلع صح! 🙃🙌🏻🙌🏻 📝 بآخر كل session رح تلاقي تحليل لهي الجلسة: أديش أخدت معك وقت، نسبة الأسئلة يلي حليتها صح، وهكذا .. بصراحة نظام تعليمي ولا أروع! إذا حابب تجرّب حمّل التطبيق من هون 👇🏻 استثمر جوالك 📲 إشراقة ~