#جوالك_كنز 💰 مراحب 👋🏻 كلنا بنحبّ الألعاب صح؟ 🎮 بس شو رأيك إذا كانت اللعبة هالمرّة بتعلمك معاني مفردات القرآن الكريم، ومع كامل ميزات الألعاب الاعتيادية! 🤩🔥 التطبيق يلي معنا اليوم هو تطبيق #غريب المُقدَّم من مركز تفسير للدراسات القرآنية لتعليم غريب القرآن الكريم ولكلّ الأعمار .. التطبيق فكرته كتير مُبتكرة وفيها إبداع، وتخديم لحبّنا للألعاب بصالح العلم النافع .. 🪂 تعريف سريع: أول ما تفتح التطبيق وبعد ما تدخل بياناتك واسمك، رح يخيّرك بين ٣ مستويات: مبتدئ، متوسط، محترف؛ وعلى أساسهن بحددلك عدد الكلمات يلي لازم تتعلمها كل يوم .. بالصفحة الرئيسية رح تلاقي تصنيفات على عدد وأسماء سور القرآن الكريم، بتنقّي سورة ف بيطلعلك ٣ شغلات: • فيديوهات شرح معاني المفردات على يوتيوب، التابعة لبرنامج غريب القرآن يلي بقدمه من سنين د. عبد الرحمن الشهري .. كل فيديو دقيقتين أو تلاتة بيشرح فيه معنى مفردة قرآنية واحدة. • إشارة استفهام، بقلبها فيه معاني المفردات لتتعلمهم كخطوة أولى، إذا بتحبّ. • مفردات السورة مقسّمة لعدّة مراحل، كل مرحلة بتختبرك بعدد يسير من المفردات على شكل اختيار من متعدّد .. يعني بحطّلك المفردة، وبحطلك خيارات وانت بدك تختار المعنى الصحيح .. والوقت محدود! ⏳ >> لما تنجح بالمرحلة بيفتح لك المرحلة يلي بعدها >> وما فيك تنتقل من سورة لسورة ليكون معك عدد محدّد من المفاتيح = النقاط يلي جمعتها 🤾‍♀️ 🪂 بالتطبيق رح تلاقي مستويات وتحدّيات بتشجعك تتعلم عدد أكبر من المفردات القرآنية، وكماان رح يكون الك مستوى بين باقي مستخدمي التطبيق .. تصدّر يا ريّس 😎✌🏻 🪂 كل ما أنهيت مفردات جزء، رح تحصل على شهادة إلكترونية قابلة للطباعة من مركز تفسير 📜 🏆 التطبيق فكرته جديدة ومُبتكرة، بأي مكان وأي وقت وحتى لو مالك مركّز رح تقدر تتعلم معاني مفردات القرآن الكريم بطريقة سهلة جداً وشيقة ✨ جيب رفقاتك واعمل تحدّي معهم عالتطبيق، وحمله من هون 👇🏻🔥🔥 استثمر جوّالك 📲 إشراقة ~