#Study_Skills >> #Stay_Focused 🎖 #التركيز هو كلمة السر لفعل أي مَهمّة أو أي شيء متقن عليه القيمة .. لكنه موضوع واسع اخترنا منه فكرة واحدة في غاااية الأهمية لنجاوب على سؤال متكرر ~ شو المشكلة بأني أدرس والموبايل بإيدي والواي فاي شغّال ؟!! 📲 تخيل انت عم تدرس تشريح (الله لا يبليكن 🌝) وغرقان بين الضفيرة العضدية والعضلة الفخذية .. مخك هلأ عم يشتغل بهدا الموضوع بالذات .. وفجأة !! 💥 اجاك إشعار على فيسبوك .. طبعاً فضولك ما بقا يتحمل وفتحت فوراً لتشوف شو جاييك (طلع رفيقك معلق بنوكطة على بوست لأبو عبدو 🙂) وسردت ربع ساعة .. هون انت قطعت فجأة عمل المخ لكن "هون النقطة المهمة" >>> انت بهالحالة طبقت ما يُسمى "Multitasking" أي "تعدّد المهام" بوقت قصير، والمخ ما بينتقل من مهمة لمهمة بشكل سريع و تام وإنما بيبقى فيه بقايا من المهمة السابقة تسمى ^رواسب الانتباه^ .. يعني انت وعم تتصفح نت مخك لسا ما فضي تماماً من التشريح .. انتبهت ورجعت للتشريح .. بكون بدك وقت لتوعى وين كنت وتفوت بالمود مرة تانية و فيه بعقلك رواسب انتباه من الفيس .. وهكذا .. كل ما تنتقل من مهمة لمهمة عم تنقل رواسب الانتباه وتاخد وقت لتركز بالمهمة الحالية، والنتيجة ؟!! عمل ضحل غير متقن .. أفكار ما تركتلها المجال انها تتعمق بذهنك لتنفهم بشكل جيد .. وقت كبير ضائع وجهد مُستنزف بدون داعِ لهدا السبب بنصحك انك ما تفتح الموبايل طوال فترة دراستك حتى بالاستراحات القصيرة لأنك بهالطريقة عم تقضي على تركيزك ! الحل ببساطة، إذا عم تدرس من مصدر ورقي فحاول تتخلى عن الموبايل بوقت دراستك .. إذا عم تشوف فيديوز أو عم تستخدم الموبايل بأي شي إلكتروني فمن الضروري جدّا ً تستخدم برنامج لحظر مواقع التواصل مع إشعاراتها لبينما تخلص دراستك .. وهون بقترح تطبيقات مثل ؛Stay Focused, AppBlock, UBhind 📵 لا توكل التحكم باستخدام وسائل التواصل لإرداتك .. لأن الموضوع للأسف أكبر وأقوى من قوة الإرادة بتمنالكم التوفيق لدراسة فعالة ونتائج تسعدكم بإذن الله 🙏🏻🎊 #إشراقة ~