قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

📥كلمات ادخلها في قاموسك: 1 - لست أقل قدرة من أحد .. 2 - أنا أصنع الظروف بدلاً من التقيد بها : اضغط على الكتابة الزرقاء واحصل على أجمل المنشورات التحفيزية💗

يعني معقوله قنوات الفسق والفجور اعداد اعضائها بالملايين... وقناة القرآن ما تجاوز ال 12K
هذا اكبر دليل على ان اهل الدنيا اضعاف اضعاف اهل الاخرة
على العموم ان ادعوا اهل الاخرة فقط للانضمام الى قناتي على الرابط التالي👇🏽👇🏽
https://t.me/Tdper/7644

ملأ محمد الحسيني

ملأ محمد الحسيني

ملأ محمد الحسيني

نعي للزهراء
……
شحال الفاگد امه بهاي الايام
ويعاين يشوف البيت خالي
هذا فراشج وهاي التصاوير
تسولف عالحصلي والجرالي
ييمه وداعتج خلصت الدموع
وظلت شاهده الحالي الليالي
صار البيت اظلم عگب عيناج
ضحكتج دوم تفتر اعله بالي
اصيح احاه يمه بتالي الليل
تعالي يم حسن يمه تعالي
گبل جان شحلات الگعده وياج
هسه الوحدي وبالظيم حالي
…… ..
يمه ماينجهب صار
خلافج البيت اليوم ماينجهب صار
يمه مرينه خطار
ابداعت ليالي ارباج مرينه خطار
يمه ياحال الزغار
الظلو يتامه شحال الزغار
يمه مانهوه هالدار
المنج خلت مانهوه هالدار
…… ..
علي الحاج الصبيحاوي


#اللهم_عجل_لوليك_الفرج

صحت يامؤمن اعله العدل خَلاَّك
وانحب ياگلب لو راح خِلاَّك
أمِينَك ياحزب مكسور خَلاَّك
وانكسرت اوياك المرجعيه

مامِتعوِّد الدَلاَّل عالرَّاح
على اليسوه نطگ الراح عالراح
حزب الله يون واينوح عالراح
وكل شيعة علي انهظمت سويه

وحگ البيهه سوط العِدَه وشام
وبچت وانحنت فوگ الراس وشام
چن انعاد طف كربله والشام
واتيتِّمت عدنه اشچم رقيه

أهل امصاب كل طيب عَزَّانه
وخدمتنه ومراثينه عِزَّه إلنه
لبو صالح يضل دايم عَزانه
ونضل ندعي الضهور إبن الزچيه

سيد علي الموسوي

نعي للزهراء عليها السلام



مشتاكه لامي انشدت عنها
يسوالف امي الماكو منها
واحبن اديها  واشمنها

➖➖➖➖➖➖➖➖
➖➖➖➖➖➖➖➖

اكلها ييمه مااجيتي
ماكلتي خل اكعد ابيتي
واشوف الولد واشوف بنتي
اشتاكلج وتصب دمعتي

➖➖➖➖➖➖➖➖
➖➖➖➖➖➖➖➖

مري علينه ولو بلطيف
ويه الغيوم ومطرة الصيف
بعدتي علينه يمه ياحيف

➖➖➖➖➖➖➖➖
➖➖➖➖➖➖➖➖

تحن البنية اليوم لمها
لان غيرها محد يظمها
والوالده تحس بألمها

➖➖➖➖➖➖➖➖
➖➖➖➖➖➖➖➖

يمه المنيه جتج ابساع
ورحلتي عنه ونمتي بلكاع
مالحكينه اعليج بوادع

➖➖➖➖➖➖➖➖
➖➖➖➖➖➖➖➖

ردي عليّ يمي الحنينة
وكلبي هل الظال بونينه
ولو بلحم مري علينه
واجنه ابعازتج لاتتركينه

➖➖➖➖➖➖➖➖
➖➖➖➖➖➖➖➖

اشلونج يابعد عمري اشلونج
بعدج حلو لوخرب لونج 
فدوى اروح يمه لعيونج

➖➖➖➖➖➖➖➖
➖➖➖➖➖➖➖➖

انه ابعازت حنان الوالده امي
تجيني وتشاركني بهمي
على افراكج يمه العين لعمي

➖➖➖➖➖➖➖➖
➖➖➖➖➖➖➖➖

ظلعج يوجعج يابعد ظلعي
وعليج ماينشف يدمعي
للبيت يمه اليوم سرعي

➖➖➖➖➖➖➖➖
➖➖➖➖➖➖➖➖

نص الليل وانتي بس اتصلين
لجيرانج ييمه كمتي تدعين
هنا يالزاجيه ويم كلب الحنين

➖➖➖➖➖➖➖➖
➖➖➖➖➖➖➖➖

بقلم الحجية ام احمد الأماره
بنت عم الشاعرة ام علي الامارة
غير مبري الذمه اليحذف الأسم وينسب الكلام له

قصيدة للسيدة زينب ع ((زينب السلطانه))كأني بنسوة من الشام جعلن يتسألن من هذه الأمرأه واذا بأمرأة من نسوة الهواشم
قالت ...

هاي اخت الوفي _ زينب السلطانه
اخوها ابكربله ضل يرج ميدانه
❥❥❥❥ـــــــــــــ❁❁ـــــــــــــ❥❥❥
هاي اخت الوفي سلطانه صيحوها
شيخة وهاشمية ماتعرفوها
بت حيدر الماگدروا يذلوها

((ومهيوبه // زينب سلطانه))
❥❥❥❥ـــــــــــــ❁❁ـــــــــــــ❥❥
بت اسباع هاي وينحلف بيها
يدگون التحيه ابطاري اهاليها
چلمة شيخه كلش لايگه اعليها

((المعدوله // ماطخت هامه ))
❥❥❥❥ـــــــــــــ❁❁ـــــــــــــ❥❥❥
ماطخت الهامه اخت كافلها
طبت للقصر سكتت تره كلها
زلم امشوربه يخافون من ضلها

((يسموها // عباس الثاني))
❥❥❥❥ـــــــــــــ❁❁ـــــــــــــ❥❥❥
مثل عباس هيبه وترهب الحره
زينب من حچت هزت تره قصره
خلته يزيد يموت من قهره

((اخت الهيبه // ماگدروا ليها))
❥❥❥❥ـــــــــــــ❁❁ـــــــــــــ❥❥❥
ماگدرولها اخت الوفي هايه
يوم الطاح جفه شالت الرايه
سلطانه وعفيفه وبيها الكفايه

رباط ...
(( بس الزينب تحله // چلمة سلطانه))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

تعبانه بويه اهوايه تعبانه
تدري انجويت اهنانه وهنانه
لتكلي بويه شلوني      سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه

مجروحه من فرگاك مجروحه
ويابويه راسك عالي ما الوحه
غيمه الدمع بعيوني       وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار

تدري شكثر بالصوط ضربوني
من صوطه بويه راحن امتوني
ابجي شكثر خلوني     وسووها زرگه امتوني
* 
ليش سلابي يبويه ما رعاني
حيل جر ترجيتي مني وعذباني
گمت اصيح ودمي ظل يجري من اذاني
گتله بت حسين انه وشتماني

وآنه صحت لو عندك بنيه
جا ما خذت من عندي ترجيه
لمن رحت هضموني       وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه

عماتي وينك گامن ايصيحن
وكلهن سوه لوجرهن ايطيحن
وانه شكثر جروني     وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه

آنه عله زينب دمعي يتجاره
ازرك متنها وبينه محتاره
الزينب تغير لوني     وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك

جابولي راسك بويه جابولي
هذا ابوج حسين كلولي
وعليه متت شافوني     وسووها زرگه امتوني
***
تمت
ميثم العمري

شوط كربلائي
(خجلان السهم)
خجلان السهم خجلان من طب بصدر مولاي
نادى بصوت ياغمان مـجـروح الـنـبـي وياي
خجلان بحسرته اينوح
شوفوا حسين هالمطروح
خجلان السهم خجلان
///////////////////////////////////////////
كبر وبعلاة الصوت شلون احسين بيه يموت
هذا ابن النبي الهادي جدة يسبح اوبالـحــوت
ابن القاتل ابـسـيـفـيـن ابن القاتل الــطـاغوت
دمة السايح ابمحراب
درب حسين للأطياب
والسجاد يمه ايـنـوح
شوفوا حسين هالمطروح
خجلان السهم خجلان
///////////////////////////////////////////
طبيت ابصدر دافي من أيدك يبن كاهل
ولكيت الجبد غافي هذا الأمـر موعـادل
حزنت زينب أكبالي وانة ابكلبة هالداخل
شنهو العذر يم سجاد
شنهو العذر للـمـيعاد
وحسين بظلم مذبوح
شوفوا حسين هالمطروح
خجلان السهم خجلان
///////////////////////////////////////////
خجلان السهم ياناس وانتو ابلاعقل لاراي
طبيتوا بدرب أرجاس هذا حسين يطلب ماي
عطشان اوكع عالكاع طايح جتل مو بالداي
حظروا العذر للمحمود
باجر محكمة وشـهـود
باليسرة اكتاب اومشروح
شوفوا حسين هالمطروح
خجلان السهم خجلان
///////////////////////////////////////////
ريت ايدك يبن كاهل شل بصقر مثواها
توديني الصدر مختار وانت الداري معناها
ماعندي عذر باجر يـم الزهرة يـــم طه
لو ينشد علي الكرار
شنهي العذر للمختار
باجر عذري ما مسموح
شوفوا حسين هالمطروح
خجلان السهم خجلان
///////////////////////////////////////////
هذا الخبر والعندي باجر عذري للمهدي
خملان وقذفني القوس وحسين الصرخ جبدي
بيدك حرملة الكافر صرت وبالكلب وحدي
شدعي اعليك ياملعون
حزّنت السما والكون
جبد الزهرة هالمقروح
شوفوا حسين هالمطروح
خجلان السهم خجلان
///////////////////////////////////////////
الخادم ابو علاء العزاوي

✨خدمة محبي باسم الكربلائي تقدم :
📜 قصـــــیدة : عجل الله فرجك
✒للشاعر : سيد عبدالخالق المحن

عجل الله فرجك عجل الله
عجل الله فرجك عجل الله
🔮🔮🔮🔮🔮🔮
حـيـاتـي خـلصتها بانتظارك
ظلام ومنتظر يطلع نهارك
يغايب  يا وكت ترجع لدارك
بجيت آنا وبجه الثار اعله ثارك
سـيفــك  ينـادي إلك عجل الله
🔮🔮🔮🔮🔮🔮
يـغايب  لو تجي وتنظر دمعنه
وحقك يكسر الخاطر وضعنه
بدينه لجيتك نشعل شمعنه
بجينه عليك والشامت سمعنه
ياحبيبي شأخرك عجل الله فرجك
🔮🔮🔮🔮🔮🔮
تجـيني يالغبت عن عيني يمته
دعاء الندبه أبداً ماتركته
يـغـايـب والصبر وياك أخذته
تره النوم بغيابك ماعرفته
عالفـراق اشصبرك عجل الله فرجك
🔮🔮🔮🔮🔮🔮
عـذولـي  لازلت أسمع كلامه
يقلي مايجي ويشهر حسامه
دعيت  الله  ترد لينه بسلامه
حسبنه اشجم علامه ويا علامه
يـاعـلامـه اتـأملـك عـجل الله فرجك
🔮🔮🔮🔮🔮🔮
تجيني ومن تجيني اتشوف حالي
جريج وتلجم جروحي الليالي
وحقك  ماغبت دوم اعله بالي
تعال خل اسولف لك ياغالي
بالحـسـيـن توسلك عجل الله فرجك
🔮🔮🔮🔮🔮🔮
#اللهم_عجل_لوليك_الفرج
◇◈◇⇩..تابعونا..⇩◇◈🌹تجمع أحباب الزهراء عليها السلام

نعي بحق الخال
🌹🌹🌹🌹🌹🌹
صبح ييمه شايل الخال
لاودعانه ولاحجه وگال
يا هل يناشد عگبه عالحال
والله كلف يوم الخوال
🌹🌹🌹🌹🌹🌹🌹
ببيوتهم يامه گعدنه
وعلئ صدورهم اشگد لعبنه
هسه الوكت عنهم بعدنه
🌹🌹🌹🌹🌹🌹🌹
يالخال من رحتو بطيتوا
وبالمگبره شو عاشريتوا
شلتو فرد شيله ومشيتوا
ولبيوتكم ماعاوديتوا
🌹🌹🌹🌹🌹🌹🌹
يايمه ثاري الخال والد
ينشد عليه وعالولد
محد عگب عينه نشد
🌹🌹🌹🌹🌹🌹🌹
ازغار جنه ودللونه
ويامه گعدنه وسامرونه
جاليش هسه فارگونه
🌹🌹🌹🌹🌹🌹🌹
شمالك يوكتي اوياي ميال
اخذت الذي ينشد عه الحال
صرت احسد العندها خوال
🌹🌹🌹🌹🌹🌹🌹
لوصاحلي وكعديت يمه
ينزال من الكلب همه
راح البعد ينشد ييمه
🌹🌹🌹🌹🌹🌹🌹
ياجلمة الخالي شحلاها
والخال من كلبه حجاها
جفاني والخوله نساها
🌺🌺🌺🌺🌺🌺

للشاعره سحر ام كرار الساعدي
كتاب قافلة الاحزان الجزالثاني
غير مبري الذمه من يحذف اسم الشاعر