🧠 3 dekabr kuni, Ijtimoiy himoya milliy agentligi rahbariyati Chexiya Respublikasining Favqulodda va Muxtor Elchisi Lyubomir Frebort bilan uchrashuv o'tkazdi. 🇺🇿🇨🇿 Uchrashuv davomida tomonlar O'zbekiston va Chexiya o'rtasida ijtimoiy himoya sohasidagi ikki tomonlama hamkorlik istiqbollarini muhokama qildilar. Agentlik rahbariyati aholining ehtiyojmand qatlamlarini qo'llab-quvvatlashga qaratilgan keng qamrovli islohotlarni amalga oshirish bo'yicha tajriba bilan o'rtoqlashdi. Uchrashuvda alohida e'tibor "Inson" markazlari va ijtimoiy xodimlar faoliyatiga qaratildi, ular ayollar va bolalar huquqlarini ta'minlash, murakkab hayotiy vaziyatlarni yengib o'tishda yordam ko'rsatishda katta hissa qo'shmoqda. 👥Jumladan, ayollar va bolalarga nisbatan zo'ravonlikka qarshi kurash, ularning ijtimoiy va iqtisodiy mustaqilligini ta'minlashga qaratilgan keng ko'lamli islohotlarning natijalari ta'kidlandi. So'nggi paytlarda ushbu sohada sezilarli yutuqlarga erishildi, bu esa kelgusi taraqqiyot uchun mustahkam asos yaratmoqda. ✅ Elchi Lyubomir Frebort ayollar va bolalarni himoya qilish masalalari Chexiya Respublikasi uchun ham ustuvor ekanligini ta'kidladi. U tajriba almashish va ayollar hamda bolalarni jamiyat hayotiga integratsiya qilishga qaratilgan qo'shma tashabbuslarni rivojlantirishda yordam berishga tayyorligini bildirdi. Shuningdek, ijtimoiy xodimlar va psixologlar malakasini oshirish bo'yicha Chexiyaning muvaffaqiyatli amaliyotidan foydalangan holda o'quv dasturlarini tashkil etish taklifi berildi. 🤝 Ushbu uchrashuv ikki davlat o'rtasidagi hamkorlikni mustahkamlash yo'lida muhim qadam bo'ldi. Muloqotda muhokama qilingan tashabbuslar ijtimoiy himoya sohasida ilg'or xalqaro yechimlarni joriy etish uchun asos yaratadi va dolzarb ijtimoiy muammolarni hal etishda samarali yondashuvlarni topishga yordam beradi. 📝 telegram    💻 instagram   📝 facebook   🐧 xcom 🎞 youtube     🎖 ihma.uz