فڪيف بالزهراء دون علي!! •وڪيف بالعراق دون الحجه🇮🇶💔: •قالَ ﷲ لحب كن فكان علي 🥰 💔🕊️..

مربعه للعليله عليها السلام


(ترهم بكل طور ولحن فزاعي وثكيل)


عفتني شلون بين اربع حياطين
عــليلــه وبس ادير العين بالعين
🏴🏴🏴🏴🏴
عفتني شلون بويه وحملت عني
اون امن المرض مابطلت ونــــي
اريـــد لـــكربــله ويــاك تـاخذني
واركب بالضعن     وي النساوين
🏴🏴🏴🏴🏴
كــلـهــن ركبتهن ماعفت وحــده
بس حملي اشعجب ياوالدي ترده
ليش تروح عني وبابك اتـــسده
عليك امعلمه    وفرگاك مو زين
🏴🏴🏴🏴🏴
علــيك امعلمه وفرگاك يـــاذيني
شلـــون انطاك گلبك يابعد عيني
عــلــيله وبالنزل وحدي تخلـيني
گلت بالدار        بس انتِ تضلين
🏴🏴🏴🏴🏴

بقلم شاعرة اهل البيت ع المله
أم هجران العمارچيه الركابيه✍...


تجدون التكمله في ديوان لبيك ياحُسين (عليه السلام) الجزء الرابع عشر ...

#تراث

آنه  أم البنين و دهري ذبني
حگي لو صِحِت يا حسين يبني
فـگـد الأربـعـة يـهـون .... و حـسـيـن الـسباني
ــــــــــــــــــــــــــــــــــــــ
اتـعبت و سهرت الليالي و اعْلگت شمعة وجودي
حـتـى ربـيـت الـبـنـيـن الأربـعـة البيهم سعودي
مـعـاهـدة بـوصـفـة ربـاهـم اوفـي للزهرة عهودي

بـدمـهـم تـرانـي اتبرعت
للزهرة و للعهد اصدگت
و ظـنـيـت بـحـسين اسْلَمِت
و بحياة حسين زودي

فـگد الأربـعـة ماهدم بيتي
لو بحسين ملزومة ثنيتي
و شلون أصـبـر شلون .... و حـسـين السباني
ــــــــــــــــــــــــــــــــــــــ
صـدگ  سَاهَّرْت الـلـيـالـي و امرَدِتْ روحي برباهم
وصـدگ  صـاروا بـالـفـراسـة سـبـاع ماواحد لواهم
صـدگ خـيَّـم عـالـحـرايـب بـيد أبو الفاضل لواهم

و اذخـرت بـالـدنيا اذخرت 
عيناج صاحوا لو صِحِت
ضـحـيـتـهـم و تـأمَـلِت 
 أشتري حسين بدماهم

فگد الأربعة نَشَّف دموعي 
و على حسين متكسِّرة ضلوعي
و صدر حـسـين مـسحون .... و حسين السباني
ــــــــــــــــــــــــــــــــــــــ
اشلون صفوت مجد من المرتضى الباري اصطفاهم
ونزه من الدنس حجر وكفل من حيدر ولاهم
وطهر الباري حليبي وامزجت روحي ابغذاهم

وغرزت بيهم غانمه
وصارو اسباع الملحمه
ولحسين مهجت فاطمه
كلبي ولساني هداهم

وعن الاربعه لاتنشدوني
وبيهم ياخلك لاتفجعوني
فازو خل يفوزون  .... و حسين السباني
ــــــــــــــــــــــــــــــــــــــ
يـا بِـشِـر مـن تِـصِد عيني لأبو السجاد و جماله
جـانـت تـشـاهـد مـحمـد يـزهـر بـنور الرسالة
آنـة  وصِـيـت الـتِـوَزَّم بـالـعـلـم يـكـفل عياله

و الـكـفـل سبع الگنطره 
 و الضعن لأرض الطف سره
مـاادري بـحسـيـن شـجره 
بـالتَعَهَّد بالكفالة

بـس  يسلم حسين من المنايه 
خله تروح شباني ضحايه
و عـنـهـم لا تـنـشـدون .... و حـسـيـن السباني
ــــــــــــــــــــــــــــــــــــــ
آه  يـا غـربـة عـليل حـسـيـن مـن رد للمدينة
وبِـشِـر ابن حَـذْلَـم يـصيح بـنـايبات الطف علينه
سِـمَـع  صوت أم الـبـنـيـن اتصيح وين حسين وينه

يـا بِـشِـر وضِّـح لـي الخُبَر 
 و أخبرني بحسين اشسدر
نـاداهـا شـبـلـج عـلى النهر 
 قطعوا يساره و يمينه

صـاحت  فدوى لحسين و وجوده 
لو عباس تتقطع زنوده
و الـجفـين لتكون .... و حـسـين السباني
ــــــــــــــــــــــــــــــــــــــ
يا  بِشِر گلي اشـعلينا ديون و استافت الكوفة
يـا بِـشِر صد على متني و لِعِد حال الطفل شوفه
هـذا بن عـينة بـنيني الـعلنهر قطعوا جفوفه

لـوجـان أبـو الـيـمـة عَدِل 
ما دهري يتَّم هالطفل
يـمـكـن عـزيـزي مـنـجتِل
كلبي جان عليه خوفه

و الـحال الطفل ممرود حالي
مِسْهِر و آنة السَهَّرت الليالي
و مـاتـغـمضلي عـيون .... و حـسـين السباني
ــــــــــــــــــــــــــــــــــــــ
يـا بِـشِـر مـتـنام عـيني وشابحة للطف تراها
تـفـتِّـش بمصرع حـسين و مصرع حسين الدهاها
وتصد  نوب عـلى الـشريعة تريد سهم اللي عماها

هـذا  الـطـفـل حـسْ بـهَله
بارض الطفوف مجَتِّله
و دم الـحـسـيـن بـكـربـله
فاض و اتطيب ثراها

طابت  كربله  بدم الشهادة
و آنة حسين خلَّف لي السعادة
أصبر و الصبر عون .... و حسين السباني


المرحوم الحاج
كاظم المنظور الكربلائي
#اللهم_عجل_لوليك_الفرج

قصيده فزاعيه نصف
للامام الحسن المجتبى{{عليه السلام }}

مات المچتبى مسموم
وعياله امخليهه

🔳🔳🔳🔳🔳🔳🔳🔳🔳🔳🔳

سمه وخمدة انفاسه
عالوساده طرح راسه
طاح العلم من ساسه
الزهره اليوم اعزيهه

🔳🔳🔳🔳🔳🔳🔳🔳🔳🔳🔳

عضيده روحه خلصانه
طاح البييت وركانه
ويضل بالكلب نيشانه
ورحي اشلون اهديهه

🔳🔳🔳🔳🔳🔳🔳🔳🔳🔳🔳

يبو محمد يبحر الجود
باب العلم ظل مسدود
وعليك الكلب ممرود
ارسومك وين الاكيهه

🔳🔳🔳🔳🔳🔳🔳🔳🔳🔳🔳

نعزي فاطمه الزهره
وابو ابراهيم والعتره
على مصابه الدمع يجره
عليك ادموع نجريهه

🔳🔳🔳🔳🔳🔳🔳🔳🔳🔳🔳

زينب تنحب الحاله
وگلبهه انكطع دلاله
اليوم انكطعت اماله
وجثته من يواريهه

🔳🔳🔳🔳🔳🔳🔳🔳🔳🔳🔳
يمته االمنتظر يحظر
وياخذ ثار المشكر
كلنا اعليك ما اصبر
وعيالك حزن بيهه

🔳🔳🔳🔳🔳🔳🔳🔳🔳🔳🔳

ام حيدر للحسن تهدي
وغير احسين ما عندي
اريده يحضر ابلحدي
المصابه روحي افديهه

ام حيدر حمزه الطائيه
💞💞💞💞💞💞💞💞💞💞💞💞

الناشر // عالي مقامي
غير مبري الذمه يحذف اسم الناشر

نزله لمسلم ع

بأمكانكم تغيير كلمه (الكوفه) في المستهل الى كلمه (الحومه)
.

ذكرهم ابحامي الحـمه .. يامسلم
والـكـوفـه رويـهـا دمـه .. يامسلم
__

يالله سيفك جـَرده . وعلي عمك جـَسده . الظربته ابروس العده
موصوفه
الناس خلها تفتهم . هـذا مـو واقع حلم . وخـل تجي ليك الزلم
مچتوفه
غربل اجيوش الكفر . بيهم انته اشتنتظر . شـي طبيعي تنتصر
عالكوفه
امـن الـخريطه الغـيها . الناســيه ماضـيها . السيـف يحكـم بـيها
ومعروفه

مـبعوث مـن رب السمه .. يامسلم
والـكـوفـه رويـهـا دمـه .. يامسلم

__

الجــمع خــلي ينــبهر .ليلــهم سويه ظـهر . الرايــده منــك تــفر
خليـــها
ابشـرط تسمـع مايلـي .البچي صوته يعتـلي . حـقـها تتذكر علي
امبچيها
البالشجاعه اتضاهرت . وللنزال اتحظرت . الفاتحه اعليها انقرت
تاليـــها
الله ساتر صاحت . انغـمه اعليها وطاحت . ارواح كثره الراحت
تدريــها

تـدريبك انتـه الخـاتمه .. يامسلم
والـكـوفـه رويـهـا دمـه .. يامسلم

__

من تشيل الرايه . اعليهم احچي احچايه . گلــهم اموصايه
لـَيميني
گلهــم اتــحداكم . اگــدر المــلـگاكـم . جـيـبو جيش اوياكم
يكفيني
اني صح بس واحـد . لكــن الله الـشاهد . فنــه جيش وقائد
يلويني
احسب احچاياتكم . ولو سمعت اصواتكم . اعتقد هاماتكم
تدريني

مخـلوق لجـل الموزمه .. يامسلم
والـكـوفـه رويـهـا دمـه .. يامسلم

__

تره من حـقه النشد . علــي حلال الشدد . يمـته مــن گبره گعد
خبرونه
الكوفه عمك ذكرته . شلون تنـسه شمرته . بيـك شافت صورته
وعيونه
حقها لو سجدت الك . الماسجد يعني هلك . چفك السيف امتلك
يدرونه
الملگه وي حيدر صعب . شايفـينه بالحرب . للمـفر ماكــو درب
يلگونه

خـلي سمـاهم مظــلمه .. يامسلم
والـكـوفـه رويـهـا دمـه .. يامسلم

__

الكوفه من بيها تهد . كل منافذها تسـد . حـتمــاً الشردت ترد
مكسوره
گلهم ارد انه انتقم . وماكو نـيه للسـلم . الزلـم يــمـك تنصـدم
مذعوره
ايصير يوم الاخره . من تحاصرهم وره . عاد يــبدي القسوره
وبدوره
لا تسامح كل احد . بيدك السيف انوجد . تــره من حقه اللبد
مخطوره

اچفوفك الـهاي امعلمه .. يامسلم
والـكـوفـه رويـهـا دمـه .. يامسلم

__

الجيـش مايگدر ابـد . الك يالچـنك اسـد . انـته يالمـنطي وعـد
لحسينك
الكوفه احـذرها تـره . هـيه غـدرت حيدره . خلي سيفك تنظره
ابچفينك
اعليك والله اتحملت . هواي قاده اتجندلت . اتردلك اهيه فكرت
من دينك
تملك اسـلوب الغـدر . وصـعبه لـمن تنـكسر . تنشمر مـن القـصر
هـا وينك

خو ما سهم بيك انـرمه .. يامسلم
والـكـوفـه رويـهـا دمــه يامسلم
حيدر تركي الكربلائي

💔💔ليلة العاشر ولسان حال العقيله ع👋💔 الليلة ماعندي من الاخبار
كل  الزلم  ويانه  خطار
بالخيمة وگفت علم… زينب تحاجي الحرم
كل الزلم ويانه خطار

زينب توضت بالدمع…. ذابت مثل خيط الشمع…
تفتر عليهم خيمه خيمه
اهنا طفل ميت عطش… وهنانه عريس ونعش
صب الدمع والجفن غيمه
وهنا بنات ابلايه حس.. من العطش يحجن همس
والطف مغبره وكاع هيمه

حدب ضهرهه وكبرت اعوام
زينب حزنه بكبر الخيام
بين عليه الألم.. زينب تحاجي الحرم
كل الزلم ويانه خطار

منهو التودعه ومنهو اعز.. واطشرت مثل الخرز
من البجي اتفطر جفنه
المن تجي وبيمن تمر... بياخيمة زينب تستقر
خيمه اخوهه لو ابنهه
تمشي ويعثرهه الجدم… كلهم اعزاز البلخيم
ومارادت ايزعلون منهه

بين الخيم وادير العيون
ماتحمل اعتاب اليحبون
المن امرهه انحسم… زينب تحاجي الحرم
كل الزلم ويانه خطار
___
زينب صفت كله جرح… واموادع اخوته ملح
وعيونه من السهر حمره
اطفال ذابحه الضمه… شتنطيه بس كاع وسمه
وكلوبه من العطش جمرة
مادام والدكم عدل…. ماتروه طفله ولا طفل
والماي مرهون اعله نحره

غالي الفرات اعليك يحسين
بس تنذبح مايسوه فلسين
الدنيا دونك عدم.. زينب تحاجي الحرم
كل الزلم ويانه خطار
___
بالخيمة ذبلان الورد… لانده ولانسمة برد
وعبد الله مات من البواجي
لاعدنه ماي ولادمع… والطفل صعبة يقتنع
لايحجي حته اكعد واحاجي
جانت رقية بجانبي… كتله باجر ننسبي
من هسه ذبيه التراجي

يبن امي كتلني بناتك
شنهي السبي اعله امدللاتك
الليلة حيلي انهدم.. زينب تحاجي الحرم
كل الزلم ويانه خطار
___
يحسين انشدك لو رحت… باجر ومن مهرك طحت
وين امشي وعيالك چبيره
لا  تخلوني  محيره… بين الغرب واني مره
تالي العمر اصبح اسيره
باجر يطيحون اخوتي… والشمر يحدي بناكتي
ويسبيني من ديره لديره

گبل الصبح خل نطلع براي
من ينذبح من يبقه وياي
هسه نتباره الذمم.. زينب تحاجي الحرم
كل الزلم ويانه خطار
__
من عاينت وجه الصبح… زينب مشت روح وجرح
تعبانه مدري شلون صاحت
افزعلي ياضنوة علي.. انته الجبتني وكافلي
ويم خيمة العباس طاحت
ليش انسبي عكب الخدر… ياريت لاطال العمر
مثل امي ماتت واستراحت

باجر نذل وندنگ الراس
كلشي يصير اخلاف عباس
ومتاني عينك سهم… زينب تحاجي الحرم
كل الزلم ويانه خطار
__

الشاعر حيدر الخفاجي

قصيدة [يعبد الله دللول]

الرادود : حيدر البياتي
الشاعر : مصطفى العيساوي


يعبد الله يعبد الله دللول

ذبحني، تمنيت السهم گبلك ذبحني
فجعني، سهمك يالـولد يمة فجعني
عفتني ،آنه ومهدك الخـالي عفتني
أخذني، گلت للموت گـبل ابني أخذني
بقيت لوحدي يايمة شتگول ..
يعبد الله يعبد الله دللول

----

دلالي، مذبوح بسهم شفتة دلالي
يغالي، عسه ميتة گبل يومك يغالي
بقالي، مهد مابي ولد خالي بقالي
يحالي، عليه يبچي الصخر بعدك يحالي
آنه العندي ولد يا ناس مچتول ..
يعبد الله يعبد الله دللول

----

گلتلك، نوم العافيـة يمـة گلتلك
ذبحتك، أبد مو يومهـا يبني ذبحتك
صحتلك، هاك أشرب دمـع عيني صحتلك
عرفتك، بعـد ماترجـع لأمـك عرفتك
يمغمض عيونك ياحلو الطول ..
يعبد الله يعبد الله دللول

----

تديرة، راسك بالذبح ألمن تديرة
عشيرة، أبوك الوحـدة وماله عشيرة
زغيرة، أدري برگبتك يمة زغيرة
چبيرة، عليك سهامهم كلش چبيرة
يمن ذباح نحـرك ريته مشلول ..
يعبد الله يعبد الله دللول

----

شگلهم، اذا سألوني عبد الله شگلهم
أگلهم، اشم بگـماطـك ويرجـع اگلهم
سهمهم، اطول من جسم ابني سهمهم
أخذهم، عشيرة والعطش مني أخذهم
وأضل بكربله لاقوة لا حول ..
يعبد الله يعبد الله دللول

----

أتاني، اهز مهدك يعبد الله واتاني
زماني، أخذ مني الولد غفله زماني
عماني، فگدك روّح عيوني وعماني
خذاني، وكتي للسبي بعدك خذاني
آنه الراحت سبيه وانتَ بالچول ..
يعبد الله يعبد الله دللول

-

يعبدالله دللول مكتوبه

يم حميده امشنه ننصب فاتحه
وهاي اول خيمه بالطف طايحه
ــــــــــــــــــــــــــــــــــــــ
امشنه علويات نتگابل سوه
نلطم اوياهه ونگللهه الگوه
طاح ابوهه من قصر عالي وهوه
واليتيم اعليه تلوگ النايحه
ــــــــــــــــــــــــــــــــــــــ
خل نحسسهه ابحنان العاشته
الچان في ابصيفهه ودفو الشته
مات أبوهه ومحضرت بجنازته
لاهي ميته اوياه ولاهي الرايحه
ــــــــــــــــــــــــــــــــــــــ
يم حميده امشنه خنصب الدمع
وداير الحلقه نسوي ونجتمع
حلوه لـمتنه مثل لمة شمع
ونلطم اعله الجثته بالدم سابحه
ــــــــــــــــــــــــــــــــــــــ
وين ابوي اتصيح چاوين الحلم
عمه خبريني إذا عندچ علم
من حضّني احسين حـسيت بيتم
وگلبي يوجعني بقه امن البارحه
ــــــــــــــــــــــــــــــــــــــ
اتدنن وگعدن حولهه بهالمصاب
زينب التقره ويلطمن بانتحاب
آه يامسلمنه يازين الشباب
يالامعدل يالچلمتك مالحه
ــــــــــــــــــــــــــــــــــــــ
طيحوك أمن القصر طيحة سمه
اتلگتك امنه اكيداً فاطمه
وضمد اجروحك علي حامي الحمه
وظلت اعيون التحبهم شابحه

محمد الجماسي

#اللهم_عجل_لوليك_الفرج

كصرت كل السوالف
وكتبت روحي قصيدة
وما مش ابن آدم فهمني