بسم الله. تعالوا نقرأ أول مشاركة😍🔥💛 طبعا ما حاقول ليك اكتب تم. او اعمل رياكت لو خلصت لا انت حتقراها لنفسك انا ماحستفيد حاجة لمن تعمل رياكت لكن بستفسد لمن تقرأها وترسلها لاهلك واقرب الاقربين ليك عسى الله ان ينفعنا وينفع بنا 💛🌸 1. بتعرف شنو عن فضلها؟! _ انها صلاة الاوابين وانها تعدل ٣٦٠ صدقة وانك لو صليت الضحى بتكفيك قيام الليل عادي..ورد انه الرسول صلى الله عليه وسلم كان بيصليها ٤ ..ركعتين وتشهد وتاني تقوم ركعتين وتشهد وتسلم ..هي أقلاها ركعتين وأكثرها انت ونيتك بس الثابت انه الرسول صلى الله عليه وسلم كان بيصليها اربعاً، والي بيلتزم ببها يابخته . 2.شنو الخلاك تلتزم بيها وما تخليها؟! اممم..انا كنت بشوف حبوبة بتصليها فجربته مره ومرتين البداية كانت ركعتين بس وصراحه كنت بكسل شديد منها الى أن حصلت لي حاجات كتيرة فحياتي واتلخبطت نفسياتي ومشاعري وكنت بقرأ عنها فكنت بصليها وبطلب فيها من الله ما شئت كنت وما زلت اطلب القرب من الله واطلب انه ربنا يحببني فيما يحب ويقربني اليه ودعوات خاصة ربي يجعل لي فيها كل الخير بس..حقيقي الحمدلله وبفصل الله وبفضل شخص عزيز علي كان أكبر مشجع وداعم لي ربنا يجزيه كل الخير ياارب..حالياً صلاة الضحى بعتبرها من الفروض وفعلا سبحان الله منبهي بظبطه الساعه ١٠ والساعة ١٠ و٣٠ وهكذا ..طبعا جا كذا يوم ما صلي فيه الصحى فكنت بحس روحي بعيييدة شديد من ربنا وبكون زهجانة ..وبرضوا السبب اني كان شفت انه كان في حديث بس ما متذكرة انه لو العبد اتقرب من ربنا خطوات ربنا بيتقرب منه خطوات انا بس ما متذكراه فكنت كل مره بتخيل اني مشيت لربنا فتخيل عظمة انه ربنا يقرب ليك يعني عظمة سبحان الله والحمدلله على نعمة الإسلام ،كنت ومازلت بدعي انه ربنا يثبتني ويعيني على طاعته وعبادته والسبب الاكبر لإنك تثبت هو انك تنوي وتدعي ربنا كتتيييير انه يهديك ويقربك ليه ويثبتك. 3.شنو الساعدك تواصل التزامك بيها وما تنساها؟! زي ما ذكرت فوق في الإجابة على السؤال رقم ٢: ١. الصحبة الصالحة كان اقرب لي وكان عون لي بمعنى الكلمة وكان أكبر مشجع وداعم لي . ٢.التفكير في انه ليه الحاجة دي مثلا كان بيداوم عليها الرسول صلى الله عليه وسلم ..ليه ياربي الحاجة دي فضلها قدر شنو لما بحثت وكدا عرفت ليه والحمدلله على نعمة الإسلام. ٣.كل ما تقرب من ربنا كل ما ربنا قرب ليك فتخيل العظمة. ٤. يعني بجد اكبر سبب حقيقي هي الدعوات بإنه ربنا يثبتك ويجعلك خلف صالح ويجعل ذريتك من بعدك كمان صالحة ..وانه تدعي ربنا وتلح عليه انه يجعلك من الاوابين التائبين الراجعين اليه بعد كل ذنب ..وحقيقي والله كل ذنب بتعمله تستغفر ربنا وتعمل بدله عمل صالح كل مره تغلط فبها تمشي تستغفر وتتوب وتعمل عمل صالح (الحسنات يذهبن السئات) ..وكل ما عرفت اكثر عن قيمة الحاجة كل ما هي كبرت جواك ..يعني كل ما عرفت عن صلاة الضحى وفتشت عنها وقريت عنها هتعرف فضلها ، الصلوات الفروض كمان كل ما فتشت وقريت عنها هتلاقي وتسمع حاجات عمرك ما كنت متخيلها. ختاما أدعوا الله انه يجعلنا ويجعلكم من الفائزين برحمته وجناته ورضاه يارب. #يلا_نصلي_الضحى♡