#jas_shayırlar_dóretiwshiliginen JÍR DÁRYA Jır bulaq, jır bulaqjan-aw, jır bulaq, Meniń jırshıl júregime túr qulaq, Asıǵaman suwsınıńa qanıwǵa, Sarqıramaday shıńdaǵı quldırap. Jır kóli, aylanaman o jır kólin, Aydınında sezim jatır, júr kóriń, Men balıqshı, saldım ilham qarmaǵın, Bos qaytıwı balıqshıǵa – bul ólim! Jır dárya, tuwlaǵan tolqın jır dárya, Jaǵısları árman tolı nur dárya, Túsip kettim iyrimine muzanıń, Járdemge shıǵarıp alar kim bar ya. Dawıl terbep shaypatılar jır teńiz, Teńiz benen nekelestik birge biz. Asaw tolqın aq besikti shayqaydı, Pal uyqıda jatır Lira bópemiz. Jır okean, tuńǵıyıq jır okean, Tereńińe shuńǵıyıq, júr, okean, Akulalar irikpeń meni, ótinish, Yosh marjanǵa tolıp shıqsın taqıyam. Qosıǵım qádirlim, sulıwım óziń, Jazda saya, qısta jılıwım óziń, Ásirlerden soń da dawam eterseń, Júregimniń soǵıp turıwın óziń. Namangan — Nókis – Xalqabad, noyabr, dekabr, 2024. I.Yusupov atındaǵı dóretiwshilik mektebi dógerek basshısı Allayar Darmenov 📱 Website |📱 Telegram | 📱 Instagram |📱 YouTube |📱 Facebook