شالت عني امي عليها الگلب مكسور راحت وسفه مني نامت وسط الگبور :::::::::::::: شالت عني امي عافتني الحنينه عليها ايزيد كليوم دلالي ونينه وسفه الغاليه امي ماتسمع حچينه ضيعناها ياويل والها الگلب مفطور :::::::::::::: ضيعنه الحنيه امنه من ادينه گلبي ليل ونهار ماهايد ونينه عليج القلب عطاب يلرحتي من ادينه ترى من رحلت امي ماضل بيت معمور :::::::::::::: شالت وسفه امنه مافكرت بيه بعد عينچ ييمه من ينشد عليه شو ماگالت اشلون اعوفنهه لبنيه اضلن دوم انعاچ وعليچ الگلب مجمور :::::::::::::: گلبي أنكسر يمه حال الضيم حالي مشيتي انتِ ومشه وياج كل عزي ودلالي بعد حضنچ ييمه بس الهم صفالي دنيانه انطفت يوم شلتي وانطفه النور :::::::::::::: من الدنيا انطفه النور من غابت الزهره اعليها انحب واون حيل وبنص گلبي عبره راحت مني وضليت بس اجذب الحسره شالت امي وحسيت طاح العمد والسور :::::::::::::::::::::::::::::::::: تمت بعون الزهراء(ع) بقلم خادمات الحُسين (ع) - حوراء الكناني -ام مهدي الفرطوسية -ام سيف الزيداويه -ام حسن تحت إشراف تجمع خادمات الذبيح #فاطمة_الزهراء #ماجورين #قصائد https://t.center/huusin_313