متعودة اعليج... يمه يمه تسمعيني احاجيج... يمه يمه بعدني اصغيرة عمر وينّي وين الهجر يمه.....يمه ————————— يمه لتهجرين بنتج صغيرة هي ع الفگد رحتي انتِ وطاح فوگي البيت كله والعمد شنهي يسوه يمه بيتج دون حجيج يا سند فكي عينج وكولي زينب يمه يمج للأبد *فرگتنه تاذيج.... يمه يمه * *تسمعيني احاجيج... يمه يمه* ——————————— عگب عينج يمه اني أعيش عمري بالهجر يالحبيبه جاوبيني مالي حيل اعله القهر اصيح ابصوتي ييمه ويه اذان الفجر بلكي تگومين ليه وعطرج بروحي يمر * اتوسلت بيچ يمه يمه* *تسمعيني احاجيج... يمه يمه* ——————————— نظري لحالي يزهره وشوفي بنتج صابرة بده عمري والمصايب عليه انه ماطرة وانشلع گلبي ييمه بالوصية الطاهرة من حجيتي بموت اخوتي وحسين يبقى اعله الثرة *گلتيلي اوصيچ ...يمه يمه* *تسمعيني احاجيج ... يمه يمه* ——————————— يمه زهره أنه بعدج بقيت مهمومة كلب امحيره يمه بخوتي بگيت بس نوح وتعب فرگتج يمه عمتني أه يافراگ المحب ابد موسهله عليه فراگ ام گلب العذب *بدمعاتي اصد ليچ .... يمه يمه * *تسمعيني احاجيج... يمه يمه * ——————————— تمت بعون الزهراء(ع) بقلم خادمات الحُسين (ع) -زينب الفياض -ضمياء -العلوية ام عباس البطاط تحت اشراف تجمع خادمات الذبيح #فاطمة_الزهراء #قصائد #ماجورين https://t.center/huusin_313 ———————————