هوسات للقاسم ابن الحسن بنزلة مربوعه ~~~~ هذا ابن الحسن وين اليزفونه وين أهله وعمامه مايحظرونه وصحبانه تجي الليله ويفرحونه تحظر للمعرس... كون خوانه ويزفوه بالفرحه.. يصحبانه ((يامحله زفه وي احبابه)) ➖➖➖➖➖➖➖ محروم العرس والزفه ياجسام نصبنالك مئاتم والدمع سجام حكك يالشباب نذكرك بكل عام (لجلك يالمعرس... نلطم الهامه) (لاحظرو إخوته.. وجملة أعمامه) ((يايومك يصعب عالساده)) ➖➖➖➖➖➖➖ صعب يومك يجاسم يهد ركن الحيل يمحروم الهوى والعرس يالصنديل علكنه شموع عرسك والدمع تسيل (ياشبل الحسن .. امك نعزيها ) (وبمصابك اليلة احنه نواسيها ) (للقاسم مأتم سوينه)) العلويه ✍️ ام علي الموسوي ➖➖➖➖➖➖ نعازي امك يجاسم نلطم وياها نحيله وبلمخيم تهل عيناها غزاها البين غزوه وخذ ضنواها (يامحله اليالي. البين هدماها وامك ناحله. يالولد خلاها (لتخليها //يوحيدامك) ➖➖➖➖➖ تخلي امك غريبه يالولد وتنوح تشوف هدوم عرسك والشمع مطروح تصيح الفرح ماتم والگلب مجروح ورادت بيك تفرح. // يلولد يمه وليش تنام. // بالتربان تتغمه (يالعرسك ماتم بالحومه) ➖➖➖➖➖ ماتم العرس لا حظرت الوليان بس عمك نحيل من العطش خلصان واحد عل شريعه مگطعه الذرعان (وللطف يالولد//راحو يزفونه وباجر بالثره//جاسم يدفنونه (ماتنساه امك يوم الطف) ام منتظر لأسدي ----------------- تمت بعون الله بأقلام خادمات الحسين العلويه ام علي الموسوي و ام منتظر الاسدي في تجمع خادمات الذبيح غير مبري الذمه من ينسب له الكلام https://t.center/huusin_313 ➖➖➖➖➖➖➖➖