لصاحب الزمان (عجل الله فرجه الشريف) وينك يابو صالح ضيعت كلها وسيوف التعدت سيفك يذلها *** وينك يابو صالح وانته سيدها وذناب العرب بس سيفك يردها الشيعة اليوم ثكلى تلوج وحدها سل سيفك ياليث الغاب جندلها *** سيف سيفك بعد مابينه صبر وحيل نتكلب على جمر الوجع بالليل بدرب طويل نحتاج الصبر الطويل جابونه بحيل وعقول تقبلها *** جاوبنه بالف حيلة وكضت شبان باسم تحرير دولة وظل حقوق انسان مابين اليشذ بين البقى حيران الف شبهة اعله دينه يريد يسألها *** الف شبهة اعله دينه والحبل جرار البعده اعله العقيدة ذيل عدهم صار المؤمن مُبتلى مابين نار ونار يا نار بصبر لو تشب يحملها *** بيا نار التصبر هم يزت بهم حرب الناعمة حرب القتل والدم ضاكت يابوصالح وانته بيها اعلم ياصوب النصد جمعت جحافلها *** يا صوب النصد وناس تاكل ناس حكها كلوب خلصانه ويشيب الراس خل عينك علينه والوضع حساس الشيعة بشاربك مولاي لحكلها *** شمس الضحى الخالدي https://t.center/hussainmenber