قناة ابو محمد الاسدي

#نعي

لاچن اگول تخف الجروح
ما مات مثل حسين مذبوح
وظل عاري فوگ الرمضه مطروح
ولا بالحوافر طلعت الروح
وعيال ما عنده سبي تروح
ما عنده اخت عالهزّل تنوح
وبرمح راس اعزيزهه يلوح
تناديه خدري العالي الصروح
راح وبعد ميرد اليروح


✍️ ياسر حسن

#اللهم_عجل_لوليك_الفرج

#نعي

نعي لسان حال الزهراء والحسن العسكري صلوات الله عليهما

إجيتك يالحسن وايدي على ضلعي
عله امصابك أون يبني ويهل دمعي
يم بابك أريد ابهل مسه أنعي
أنحب يوليدي اويه احبابك..مكسوره وكاسرني امصابك

يايمه لونك تنظر اعليه
لا تسألني يبني ليش محنيه
مصايبكم يولدي أثرن بيه
كل يوم انصب مأتم ليكم..وجروحي اتبچيني اعليكم

ماجافيت نوحي ولا أمل منه
كل ليله لواحد أمشي واتعنه
عد راسه أونن ونه من ونه
واعليكم موش اعله اضلوعي..أتحسر واتهل ادموعي

الكل واحد ييمه أگعد اقراله
عله الداسته الخيل وهضمو اعياله
ثلث تيام ضل وحالته حاله
عالشاطي امگطعين اعضيده..وعطشان ومذبوح اوليده

يايمه العزائك جيت منكسره
اويه احبابك أنوح وبالصحن أقره
على زينبكم ابچي وبالگلب حسره
واسمع هالوادم من تنحب..ماننسه امصابچ يازينب

عاشرت الحزن والحزن هملاي
يدمعاتي على الاولاد هملاي
آنه الوالده وكل يوم هملاي
وعليهم كل وكت أنصب عزيه

سيد علي الموسوي

#اللهم_عجل_لوليك_الفرج

#نعي

رجوع الضعن الى المدينة..


ياگلبي إلمن راد گلي
بلا طولهم بالسلف شلي
خالي النِزل وبكربله اهلي
ماهم هلك ياهو اليهلي

ياگلبي ون إبعالي صوتك
راح الگبل يسمع شكوتك
كافي تدگ خل يلفي موتك
لو ضال يم اگبور اخوتك

بعيني دمع وشلون اضمه
مهضومه جيت وآنه حرمه
يالشوفت ابيوت اهلي هضمه
ضويات دور اخواني ضلمه

تلگاني جيتك يا محمد
جيتك خليه اخوان وزود
اليتريس إعله الضعن محد
ضعن الچفافي الخظر اسود

(ماجيتني من صاحو غريبه)

اتلگاني ورچي الحمل عني
محمد افراگ اهلي كتلني
جيت بثكاله وعالي وني
ويانه مارد خال لـ بني

افتر إعله زينبكم دهرها
وبثمنطعش بيرغ دهرها
والله الجفه اهوايه كسرها
ضعفين اجت ليكم عمرها

محمد الربيعي

#اللهم_عجل_لوليك_الفرج

#نعي

يبو فاضل تصیح ابگلب مالوم
لفينه امن اليسر يم گبرك اليوم
شسولفلك يخويه اشسووا الگوم
اعادي و العدو هـيهات يرحم

یخویه اگعد يراعي العلم و الجود
او شوف امتونه امن اسياطهم سود
وشوف امن الحبال اشحال الازنود
بگت لليوم مـنها ينضح الدم

السيد عبد الحسين الشرع

#اللهم_عجل_لوليك_الفرج

#نعي

جلست عند قبر الحسين وتخاطبه

طلعنه بليل خويه ندور عليك
وعثرنه بلجثث من جبنه طاريك

طلعنه بليل وحده دالي الاخره
بشفايف ذابله ورياك مره
وتكسر بلصدر يحسين عبره
كلنه حسين من نوصل نخبره

نكله الماي هذا وجينه نرويك

حرنه حسين خويه شلون نلكاك
جثيره الموته بطف ظاله وياك
ويا جثه النگظهه نكول لا ذاك
گبل مانمشي ردنه حصل دواك

عسه دمع الحزن يبن امي يشفيك

اجيناك بدمع والحسره ولاه
وگلنه حسين هسه هنا ونلكاه
نعرفه المحبس وماهو عله يمناه
والخنصر بعد مسلوب وياه

وعلامتنه صفت هاي العرف بيك

يخويه تعثرت ببني وكلت لا
اعوف حسين زحمه وبقه ويا
اودع حسين وبني بردتي الكا
اذا خاله يظل ماجيب طروا

وكلتله بردتي يوليدي ارد ليك

هواي الموته يمك ظلمه  وندوس
بس طعنات بيها وسلامه الروس
بس جسمك نعرفه سهام متروس
وراس علرمح مبيوع بفلوس

وصلتك بلدمع يبن امي احاجيك


ابو سلام الجابري

#اللهم_عجل_لوليك_الفرج

#نعي

رديتلك والشوف مو ذاك
وسياطهم بمتوني إشراك
ويـة الگبر لو ينفع أشباك
وأشبك لحد ما تـعمى العيون

مدفون والمدفون سباح
گلبي و غيابة لگلبي ذباح
الميت وليها شلون ترتاح
و يا حال عدها اليبقى يا لون

رديت يل بهروشي معلوگ
لا عندي لون وحيلـي مبيوگ
كلها بكتر والضيم بالسوگ
من صارو بظعنك يشتــمون

رديت وأسـمع حچيك وياي
وأسمع بچي يناوبلي مبچاي
گال أنتي زينب گتلة أي زينب هاي
شمسووي بيچ الـنوح يــ أم عوون

رديت بيني وبينك تراب
و شباچ ماكـو لگبرك وباب
خنياب گلبي بنوحة خنياب
ولو فاض دمعــة أيغرگ الكوون



نسألكم الدعاء
أبو سجاد البزوني

#اللهم_عجل_لوليك_الفرج

#نعي

مولاتي العقيلة و مولاي الحسن روحي فداهما

يابعد اخيتك خويه سالم
للموت برسومك علايم
نايم يبعد ام عون نايم
سمك لوه اضهور الهواشم

يبن امي مو كواك كيفك
وسعفه ابهوه من السم رجيفك
گوم أكعد وسدر مضيفك
ريت الهنا خويه حليفك

سَير يكونه الموت لختك
ولا بالطشت تنضر چبدتك
اعله الروح يا مثگل فرگتك
بعدك عدل خويه وفگدتك

بچبدي اندار سَمّك خويه كونه
هينه ولا يحرمونه من اخونه
يالبيك عطر امنه وابونه

كسره بشيخهم هاشم لفتها
وبصواب ابو محمد لوتها
وحسين روحه النوح فتها
مفرع ودم ادموعه كتها

#اللهم_عجل_لوليك_الفرج

#نعي_الامام_الحسن ع
على رواية ان السيده زينب عليها السلام ماتت مسمومه في طريقها الى الشام وكأني بها تقول...

خويه الحسن سمك جرعته
ونفس المصاب وياك شفته
وجبدي مثل جبدك لفظته
بس انه ماهو بصفي الحسين

والسم اثاري يگطع حشاي
حسيت بيك بطيحتك هاي
المسموم خويه همه للماي
يا ماي روحي واوصله منين

واسيتك بسمي يجيدوم
جبدي مثل جبدك غده دموم
والطشت ياهو ياخذه اليوم
وشفت التغطه بساعة البين

خويه اليكطع حشاك هدني
خويه الحسن هالسم بهضني
ما يمي الحسين ويكضني
ولايمي كافل يمسح العين

مكتوب ما يسلم جبدنه
بالسم تكطع يا ضمدنه
وحسين بالهندي چونه
وجبد الكمر صاير وصلتين

سوم الروم ترضاهه يسمها
وهي من العرش اختك يسمها
اليسمك صار يبن امي يسمها
وتشوف مصابك وذيج الرزيه

****
ونسألكم الدعاء والتوفيق
لخادم ال محمد عليهم السلام

الشاعر حيدر كاظم الساري

#نعي

تمنيته حلم واگعد بحلمي
وافز من نومتي والگاك يمي
واشبگنگ واشمن ريحة امي
واگعدنك وامد شليل همي

انا رديتلك بجروح همي
وكل جرح بالگلب يدمي
بس جرح الكتلني وزاد هضمي
عرفوني العده ونادوني باسمي

#اللهم_عجل_لوليك_الفرج

#نعي السيدة رقية روحي فداها
****
فزت من حلمها تريد ابوها
وجابو راس ابوها وسكتوها
التراجي اتكله عكبك سلبوها
وامتوني يبويه ورموها
شمسويه وديه جتفوها
وضلوعك شفتهم رضرضوها

ردتك يالحنين تشوف حالي
عيني الراسك ودمعي يلالي
غربه الشام كلها وعرف مالي
وانه ميسره وما عندي والي

ما ضلت معزه ولا مهابه
وكعدنه اخلاف عينك عالترابه
عكبك ما لفاني النوم بابا
وابد ما تنحمل ذيج الخرابه

امسح دمك وامسح بالتراب
وشكيلك عذابي ودمعي سجاب
وكلك وين عني كل هالغياب
ما طاب الجرح بجفاك ما طاب

علي السجاد صاح بهل المسيه
عمه اعله الطشت ماتت رقيه
وزينب عمتي شبكت عليه
ومن ذاك الحبل دم تجري اديه

الشاعر
تحسين الخفاجي

#اللهم_عجل_لوليك_الفرج

#نعي

يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام

شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام

وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام

ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام

ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام

وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام

بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام

✍️حسين حمدان الدلفي

#اللهم_عجل_لوليك_الفرج

#نعي

كأني بالسان حال العلويات

من خلصت زلمنه صاحو ابصوت
مات حسين سلبوهن خواته

ركبونه ابهزل جي تعرج اتنود
لذالك خوله طاحت من بناته

لأول مره غربه انشوف بالعين
ابن  العم  كبل  ما شايفاته

نشم ريحة شماته ابكل الدروب
وثجيله أهواي جلمات  الشماته

حادينه يوكف النوك بالسوك
 وكبل  ياسوك  احنه الطاباته

تصدنه اعيون جنها امراشك اسهام
الخذن ثلثين جبد الذابحاته

أنعم الله اعله العبايه صارت افراش
ابخرابه الليل كعده بايتاته

كرار ابو مهدي المالكي

#اللهم_عجل_لوليك_الفرج

#نعي

يحسـين گلب الحـره محروگ

واحچايه صرنه ابنص الحلوگ

نتفيّه گــمنه ابيــن هـلنوگ

عليه المــصايـب مانها اتلوگ

وعلــيه دارت دورت الطــوگ

مايــوم جفنـي ابليـل مطبوگ

يگظي ابمصيبه ولچمه الشوگ

وامسه ابخرايب واصبح ابسوگ

وروس الهـواشم ع رمـح فوگ

ويوميه چــفي ابحـبل مشبوگ

راحــو هـلي الطلابـت احگوگ

الخادم علي الحميداوي

#اللهم_عجل_لوليك_الفرج

#نعي للدفنه
*
يعمه اوصيك اريد وبيه حسره
موش حسين تلجم عمه ضهره
بالخيل اشكثر مسحوك صدره
وسع اللحد من تحفرله كبره

يعمه حسين جسمه اسهام متروس
وبصدره الحوافر كامت ادوس
من كد ما حنين ودمعه محبوس
اجه وياي يمشي وجايب الروس


زينب تخاطب السجاد ع عنده ذهاب الى العباس ع
**
يعمه لو رحت يم صاحب الجود
اريدنك يعمه اتبوس الزنود
وتكله تره وفيت العهود
صح مو يمي بس وياي موجود

كله العشره يا عباس متهون
رحت والصوط زورك خويه المتون
اكعد كامو بزينب يعيلون
اشما طكوني ليك ادير العيون

مدري اشلون يا عباس عفتك
دولبني الوكت يمدلل اختك
ابدال الشمر تحدي النوك ردتك
يا عباس كتلني فركتك


ليلى تخاطب السجاد ع
*
سلملي اعله الاكبر كلش اهواي
وكله اشلون يبني اتضيع ارباي
نزله بالكبر يوليدي بهداي
ومن يوم الرحل ما ضايكه الماي

يايمه اشحلات الولد بالبيت
ووليدي يرد للبيت ياريت
وبس اصفك بديه اليوم ضليت
وفك عينه علي الاكبر تمنيت

***
عنده رجوع السجاد ع تتلكاه ليلى ع


صاحت هم سأل يوليدي عني
تره افراك الولد والله كتلني
اشلون ايروح الاكبر هيج مني
بعد طول العمر ما يهده وني


رمله تخاطب السجاد ع
**
سولفله اعله حالي وضيمي كله
وامك ما هدت جسام كله
كمت دربي بغيابه ما اندله
مدري اشماني وضليت عدله


بهداي الولد لو نزليته
تره كلبي انمرد من ودعيته
من حكي الولد لو عاتبيته
مدري اشلون جاسم فاركيته


رمله تخاطب السجاد ع عنده رجوعه من دفن القاسم

تكله ابني وثمر كلبي اشلونه
اخاف اتغير امن الشمس لونه
كونه يرد صحت للدار كونه
واكبار العشيره يحنونه

الرباب تخاطب الرضيع ع
**
تكله اعله الولد تبجي الدللول
وعدوك صحت يبني ساكن الجول
وكبر عبدالله هسه اشلونج ايكول
ونيت ونيني رايح ايطول

ييمه اعله الصدر بهداي وسده
تره كلش زغير اوليدي بعده
مامش راس تدري اوليدي عنده
اشلون اتحط عله التربان خده

الرباب تخاطب السجاد ع عنده رجوعه من دفن الرضيع


من ابني تكله بيك ريحه
هلبت يكعد امن الترب صيحه
اشماله الموت شو سوه الريحه
ومثل اوليدي خلاني ذبيحه
***
رقيه تتلكه اخوها السجاد عنده رجوعه من دفن الاجساد
****
صاحت بله ريضلي يخويه
هم كلك اشتاقيت الرقيه
ثلث تيام شو ما مر عليه
يمته ايرد وراوي حته اديه


صايرله اشكثر ما حاجي وياي
وموش اطباع ابوي اعله الكطع هاي
تره منتظره ابوي وضامه الماي
اريد بجفي اشربه نور عيناي
***
الشاعر
تحسين الخفاجي

#اللهم_عجل_لوليك_الفرج

#نعي
•••
النوگ الصاحيه أبهل الدرب مايمشن
النوگ الهزل بطــــــــول الدرب ينعن
مشن وجـــروح فوگ الگاع يتوچــن
تميل أدموعهن وي ميلت المحمل
•••
درب ماينمشي عثره أعله أعثره أنحط
واليعثر يلچـــــــــم وأجروحه تتشلوط
الأطفال آمن الوجع خجلو حتى الشط
أبسيل أدموعهم حتى الحچي أتبلل
•••
مشن والروس هنه أيبارن الدمـــــــعه
بحبل واحــــد وبيهن چـم جـرح ينعه
والتوگع بيهن الكل هـــــــم فرد وگعه
وحرم وأطفال وأنت أبروحك اتخيل
•••
مـن وصلن الكوفه وچـــــم جـرح نده
گلف شدت الحبل چـم عگده عالعگده
وأستهضمت زينب كلش أبوحــــــــده
لان أخيالهــــــه للباب مـــــــــايندل
•••
أميرة الحره چـــــــانت هسه مچتوفه
وتطر زينب السوگ أشمالهـــــه الكوفه
على چــــتف النهـــــــر وهتزن أچفوف
أبوفاضل ترى آية حـــــــزن رتل
•••
خادم أهل البيت،،ع،،
أبوحسين السرگودي...

قناة أئمة البقیع
یوسف الزهراء 💔

#نعي دفن الاجساد الطاهرة

السيده زينب مع مولاي الحسين
روحي فداهما

يخويه حسين كلي شلون لموك
مابدوا اميه عليك وارووك
ثلث تيام وسط الشمس خلوك
جروحك يبسن ومامش اميه

مع العباس روحي فداه

صدك عباس تتركني علئ بختك
بين اجناب اروحن وانه اختك
اعرفك ماترد من ضيمي صحتك
بلكي اتكوم موضربوا رقيه
.
.

مولاتي ليلى مع مولاي الاكبر
روحي فداهما

يبعد امك يماخذ هاي العيون
بلاراسك يلاكبر ليش مدفون
تره امك راح تمشي بذيج الضعون
بين ارجاس واحبال اب أديه
.
.

مولاتي رملة مع مولاي القاسم
روحي فداهما

كبر ابني اعرفه وعندي الجواب
امبين كبر جاسم بي عطر شاب
اكله انهض ييمه بريتي عطاب
دم بجفاك موحنه بديه
.
.

مولاتي الرباب ومولاي الرضيع
روحي فداهما

دللول الكبر عبد الله ذبحوك
اهزن بلكبر حسبالي كاروك
مامفطوم ليش بسهم فطموك
حليبك در يبعد امك عليه

.
.

مولاتي سكينه ومولاي الحسين
روحي فداهما

يبويه شلون جوه الترب تنحط
وانه السوط سوه بظهري الف خط
يركظوني واصيح احسين وافحط
لحد ماماتت الصرخات بيه

مع مولاي العباس روحي فداه

يعمي شلون تدخل هاي بلراس
جوه الكاع تنطم وانت عباس
تره عكبك بقينه ابين الارجاس
وشتموا عمتي وصاحوا سبيه

بشار السامي

#اللهم_عجل_لوليك_الفرج

#نعي #تراث

صاحت يوادي كربله عنك مشينا
بلايه غسل واكفان خلينا ولينا

غصبن عليه سافرت يامهجت حشاي😭
يحسين يالما ضاگ من گبل الذبح ماي
فارگت جسمك ع ثره والراس وياي
فوگ الرمح مشهور يبرده للضعينه

لو خيروني ياخليصي ابگيت وياك
اجلس على گبرك ينور العين وانعاك
لكني لو ضليت من يبره اليتاماك 😭
لو طوح الحادي وحده بهذا الضعينه

وصدت الى المسنات والعبره جريه
وصاحت يراعي المشرعه زينب سبيه
عگب الخدر للشام يردون هديه
يالي جبتني گوم ردني للمدينة

#اللهم_عجل_لوليك_الفرج

#نعي

ابعثرة النوك
جم طيحة طحنة ابعثرة النوك
وعليهن يلوك
صيت الخدر اعليهن ايلوگ
ابطبت السوك
جم موته متنه بطبت السوگ
ياهل الحگوگ
لحكو حرمكم ياهل الحگوگ
وشگو الحلوگ
لعالت علينه شگو. الحلوگ
و جدم محروك
حفاي خوية و جدم محروگ
وبسوط مطگوگ
ازرگ متنه بسوط مطگوگ
وبسرعة يسوگ
حادي الابل ابسرعة يسوگ
وتلچم بالعروگ
هزلة ترى و تلچم بالعروگ
جا ليش مبيوگ
حسين راسك ليش مبيوگ
عطش والنحر جان اول بهدماي
نار الخيمة ضل ياكل بهدماي
السياط الحمرة اشوفنه بهدماي
دمي ودم اخيتي ودم رقية

مشة وحادي الضعن يحسين متنه
وجم موته اعله ضهر النوگ متنه
هذا يصيح ايدي وهذا متنه
حرت وونينهم حط شوغة بيه

كريم الدراجي

#اللهم_عجل_لوليك_الفرج

#نعي #تراث😭😭

لجيم العزه وأصبغ اهدومي
سود اعله أُخوتي او رووس گومي
وحرّم عليّه طيب نومي
يحسين بيش ايفيد لومي
انه الغاليه ورخصت سومي
احمدني عله ثگلة اهمومي
يا ريت يومك بعد يومي

يسور العشيره يا مشيّد
عگبك يبو السجّاد محّد
يخوّف جبيله ابسطرة اليد
كتلني الهظم يحسين لحّد
شنگول منّك هجر يو صد
نحيله الجسم والحيل منهد
أره شامتك أطرب اوعيّد
والهاشمي خايف امشرّد
فلا خلّتك يحسين تنسد
لجيمن عزاكم ولبس أسود
وأنوح ابمناحه جازيه الحد
وأنعه أُخوتي المگصد اومنشد
تموت اوعدوها نام وأبرد

الشاعر المرحوم عبدالامير الفتلاوي

#اللهم_عجل_لوليك_الفرج

#نعي

ون البقه اوحيد
يونن عالاخو ون البقه اوحيد

متوذر الحيد
مو بس منذبح متوذر الحيد

وحدتهن تريد
تشمه بالنحر وحدتهن تريد

مگطوع الوريد
إِحزام الظهر مگطوع الوريد

لو صحله تضميد
نضمده بالگلب لو صحله تضميد

شيسكته ويهيد
گلب الفاكده شيسكته ويهيد

مچتوفة الإيد
اختك باليسر مچتوفة الإيد

غيرك فلا اريد
صاحت يالكمر غيرك فلا اريد

مايرحم الگيد
ياكل باللحم مايرحم الگيد

صارلها تعويد
تلطم عالوجه صارلها تعويد

نيرانها تزيد
لو شتموا علي نيرانها تزيد

وين الاجاويد
واطفي الحزن وين الاجاويد

ماعدهن اعضيد
بس زين الدمع ماعدهن اعضيد

ممشاهن ابعيد
نسوان البخت ممشاهن ابعيد

المجلس ايزيد
يحديهن شمر المجلس ايزيد

لأحد خدام الحسين عليه السلام

#اللهم_عجل_لوليك_الفرج