قناة ابو محمد الاسدي

#نعي مفجع

بهداي  يا شمس  الظهيره
منين  اجيب الفي  وديره
لحسين    ولبدر   العشيره

حر الشمس يحرگ بالمتون
والرمل  تارس ذيج العيون
اصيحن  عليكم ما  تكعدون

محتاره اشدن يا جرح بيك
يبن امي دكعد من احاجيك
باجر  شلون  امشي وخليك

عطشان   خال الولد   شفته
ومن    الذبح    لا     معرفته

يفداه   عمري  انه  وخواتي
لكعد        وفييله     بعباتي
انه   رايحه  موش  برضاتي

لأحد خدام الحسين عليه السلام

#اللهم_عجل_لوليك_الفرج

#نعي

مولاتي أم البنين صلوات الله عليها


الفـاگـد احيود
ألـمَـن تـعـش الـفـاگـد احـيـود

بهدومهه السود
تگضي العمـر بهدومه الـسـود

احزانهه اتزود
بيهه التضل احزانهه اتزود

ويـردهـم اردود
ويـن البخت ويرهم اردود

حـافـر بالخدود
ضـل الـدمـع حـافـر بالخـدود

ما ضنن ايـعـود
راح الـشـمـل ما ضنن ايـعـود

والـگـلـب ممـرود
ازرع أمـل والـگـلـب ممـرود

يرتـاح ويـهـود
اشلون الفـگـد يـرتـاح ويـهـود

دمعاتهه اشهود
اعيوني بسهر دمعاتهه اشهود

يارب يـمـعـبـود
اخـذ الـعـمــر يارب يـمـعبـود

✍خادم ام البنين ع
الشاعر رعد الجريخي

#اللهم_عجل_لوليك_الفرج