في بيت باسل و روان 💗 اليوم يجمعهم حب و مولود ما بعد طلع على هالدنيا .. كانت حامل بشهرها الخامس .. باسل على ثقله و عمره الا انه كان طاير من الفرحة ! و يداريها بكل ما فيه .. ومو مستوعب ان بعد كم شهر بيصير اب ! ندم على يوم ضاع من عمره وهي قدامه بس مو عارف قدرها .. ! روان كانت مبسوطة و مرتاحة و اخيراً قدرت تتخطى موقف ابوها من كم سنة .. الي هز ثقتها بنفسها كثير .. باسل كان دايماً يحاول ما يجيب طاري ل ابوها او ذاك اليوم . . عشان ما يجرحها .. اما بيت ام فهد 💗 فهد كان سعيد مع زوجته .. و كان عندهم طفلهم الاول " يزيد " و عايش مع امه بنفس البيت .. اما شهد .. كانت متزوجة لكن دايماً في خلافات مستمره مع اهل زوجها .. وما كانت مرتاحة ابداً ! مو عشان شي محدد ! بس لانها من داخل مو راضيه عن حياتها ولا حاولت تنسى و تتأقلم كانت شاقيه عمرها بمشاكل مع خوات زوجها و زواجات اخوانه .. وكانها تفرغ كل الضغوطات ! وما كانت تدري انها جالسه تضر نفسها بس ! الناس عايشه و مبسوطة .. مشعل و ابتسام و الحب الصادق الي تغلب على كل الظروف 💗 نواف و لمى و حب الطفولة الي جمعهم من سنين 💗 و ختاماً مع ام ماجد .. الي عانت بحياتها كثيره ولا شافت الراحة الا بعد سنين .. كان عندها امل كبير و ثقه ان ربي بيحسن الأوضاع مهما طالت المسافات . . وكانت تنام وهي تدعي و تصحى وكلها امل وبعد سنين طويله ربي كتب لها ترجع لعيالها .. ترجع لهم بكامل حنانها و حبها وهم بكل ما فيهم يتجنبون الماضي ولا يجيبون طاريه قدامها لان ما كانت تجمعهم ذكريات ابداً ! و عايشين اليوم بـ استقرار نفسي و طمئنينه وقريب منها ❤️ النهاية الحمدلله أنهيت روايتي الثامنة ❤️ ٢٥ / محرم / ١٤٤١ هـ 💕 طالت شوي و أعتذر على هالشي .. لكن صارت ظروف بسيطة بالأجازة .. و أيام الدوامات كنت جداً مشغوله 💕 لكن الحمدلله اليوم قدرت أختمها .. ان شاء الله يارب تكون أعجبتكم جميعاً تعبت فيها جداً و كانت من اقرب الروايات لقلبي .. احياناً اجلس ساعات متواصله اكتب فيها كنت فعلاً احب بعض الشخصيات و فعلاً كنت احاول اجسدها بكل ما فيني بالكلام و الظروف ❤️ وحاولت تكون بشي من واقعنا .. و ظروفنا مو شي من الخيال ابداً .. وحاولت أذكر نهاية كل الشخصيات بشكل مبسط و واضح 💕.. و طبعاً أحب فقرة علي و انتظرها من اول بارت ! الي هـي : رايكم بالروايـة 😍 ؟ ــــــــــــــــــــــــــــــــــــــــــــــــــــــــــــــــــ 📣| https://t.center/+QeK2RuLXdGPVWJtl ​[🙇] انتظرونا في رواية جديدة بإذن الله تعالى