اشوف القهوه شصار عليها صمود : ولدك متسلط عليها كل ما اشوفه يطقها عبير : شسوي يختي تعبت والله اقول له اختك لا تطقها اختك لا تاخد العابها بس .. ام ماجد : هههههه بنتك ما هي قليله شر بعد عبير بضحكة : والله كلهم يا خاله الله يصلحهم بس .. في مجلس الرجال .. محمد كان شايل فهد الصغير ولد " نواف " : ماشاء الله .. الله يرزقك بره وانا اخوك نواف : امين يارب مشعل وهو يشوف ماجد داخل ومعه محمد : كان المجلس صار حضانه ؟ محمد بضحكة : اسكت لا اجيب سعود ومريم و اعلمك كيف الحضانه مشعل بضحكة : لالا امس الا ولدك يكافي لو جا انا ب اطلع و اترك المجلس له معاذ : ترا ما نرضى على سعود مشعل : وانا سبيّت ؟ معاذ : لا الله يطول بعمرك ما قلت شي ! مشعل بضحكة : ههههه نواف : نشوف بكرا ولدك ولا بنتك مشعل : عاد عياليّ غير ماجد : اوله و ليش غير ان شاء الله نواف بسخرية : عشان ابوهم درس ٨ سنوات بـ امريكا و ضحكو الشباب .. مشعل بضحكة : ههههه متى تتركون هالذبه خلاص ب اصير أب .. نواف : ما نتركها ابداً في مجلس الحريم ام يوسف كانت تسولف مع ام ماجد بصوت مسموع .. عبير كانت بتدخل بس لما سمعت الطاري وقفت لاشعورياً .. ام يوسف : اخطبي له و حطيه قدام الامر الواقع .. ام ماجد : ودي والله .. ام يوسف : والله انه كاسر خاطري .. توه شباب و صغير و الف بنت تتمناه ام ماجد : والله اني اقوله خلاص تزوج و اصابع ايدينك مو سوى و اقرب مثال شف اخوك ماجد الحمدلله ما ارتاح ولا استقر الا بعد ما تزوج .. ام يوسف : اي والله . . الله يهديه يارب بس انتي كلميه و اقنعيه وقولي له ما يصير كذا يعني لا هم الي راجعين لبعض ولا هم الي متزوجين ومستقرين ام ماجد : ان شاء الله .. الحمدلله هالحين كلن متزوج و مستقر ومرتاح وهو ياقلبي قلبه .. يا يشتغل يا طالع حتى ما نشوفه .. وماجد ما هو عاجبه حاله يقول والله ما كان كذا .. و بالعكس كان اخف نفس فينا رغم عصبيته الزايده هالحين يا كافي ما ينكلم ابداً ام يوسف : سوي الي عليك و ان شاء الله الله يسخر له بنت الحلال الي تسعده .. في بيت باسل .. نزلت البخور وكانت تبي تطلع .. باسل مسك يدها : ما في امل تغيرين رايك وتروحين؟ روان : والله باسل ما لي خاطر باسل : طيب نطلع نتعشى ؟ روان : لالا عزيمة ابوك اولى روح تونس معهم وانا ب اجلس شوي اشوف المسلسل و انام باسل تنهد : طيب الي يريحك .. بس ترا بكرا عازمك على العشاء لا تتعذرين لان ما اقبل ولا عذر ! روان استحت لانها دايم تتجاهله و تحاول تبعد عنه : ان شاء الله يصير خير . . بالمزرعـة .. عبير جلست بأقرب غرفه وهي منهاره ! نزلت دموعها لاشعورياً ! بيزوجون محمد ! لا مستحيل ! ليش مستحيل ، تستهبلين ؟ شهالتناقض ! اكيد حتى الرجال هالحين عافك و عاف الزواج كله ! معقوله خالتي تخطب له وتحطه قدام الامر الواقع ؟ لالا مستحيل ازعجتها فكرة ان محمد يتزوج و يعيش حياته مع بنت غيرها .. ازعجتها فكرة ان حنانه و دلاله لعياله الي من اول شهر الى الان ! بتشاركهم فيه وحده ! والاهم من كل هذا .. ! وحده بتحب محمد و يبي يحبها .. ! بعد العشاء .. الأغلب استاذن للنوم .. عبير كان ودها تنام .. و ترتاح بس عيالها صاحين .. ف مضطره تجلس معهم .. دانة : يلا ماما هتان يلا هتان : زين ماما بس شوي دانة : شوفي الوقت مره تأخرتو ! نامو وبكرا وعد تكملو هتان : ان شاء الله . . دانة : رند اتكلم ؟ رند نزلته : طيب ماما طيب دانة : هتان شوفي لي اخوك محمد رند : مع عمي خالد دانة : زين ، يلا معاي للغرفه انتو بعدين ارجع اخذه .. في مجلس الرجال .. برضو الاغلب انسحب للنوم .. وكان فيه محمد و خالد و معاذ و عزام و عمر .. وكانو يسولفون مره بالشغل ومره بالسفر .. قاطع عليهم اتصال جوال محمد .. محمد : اوه خالد : شفيك محمد : قلت له ابد انا اكلمك ونسيت خالد : شغل ؟ محمد : اي خالد : عادي .. الواحد ينسى شيسوي محمد تنهد : وهذا الصدق والله و طلع برا المجلس ورد عليه وكان يتناقش معه على شغل .. ومن غير ما يحس كان يمشي و يدور .. و لمّح ولده سعود طلع يركض و شافها واقفه تناديه .. ومن غير ما يحس كان يمشي و يدور .. و لمّح ولده سعود طلع يركض و شافها واقفه تناديه .. حاول يختصر المكالمه و يقفل .. و اتجهه لسعود .. سعود لما شاف ابوه اتجهه له بضحكة .. محمد شاله و بضحكة : ليش ما ترد على ماما سعود : ابي اللعب محمد : وهذا وقت لعب ؟ شوف مريم و محمد و فهد و هتان كلهم نايمين و اتجهه فيه قريب للباب .. عبير حست بتوتر فضيع رغم انها دايم تسمع صوته و تلمحه .. بس بعد كلام خالتها كانت منزعجة جداً .. محمد : يالله اسمع كلام ماما .. واللبس بجامتك و نام الأن