اكتشفت نظريّة جديدة.. هاد يا سَادة يا كِرام أوقات أنا وماشية بالطريق بقطف ياسمينة وباكلها ف أوقات بتكون مُرّة وأوقات حلوة مع أنّه من نفس الزريعة ونفس المكان ف اكتشفت أنّه طعمة الياسمِينة بتحدّدها نَفسيتي.. لما بكون مبسوطة بتكُون حلوة ولما بكون زعلانه بتكون مرّة والسبب يَعود لأنّه هي ببدايتها بتكون حلوة بعدين بتمَرمِر ف لمّا بكون مبسوطة بستمتِع بطَعم الحِلو يلي فيها.. ولما بكون زعلانة بنكّد ع حالي وبقول حتّى بالوَرد مالي حظ طلعِت مرّة وشُكرًا .