كنت فاكر إن مقياس الصحبة إني أدخل في حياة اللي قدامي بزيادة.. دلوقتي بقيت شايف مقدار الصحبة هو إني أكون جمب صديقي في أي وقت بس أسيب مساحة مساحة لحياته الخاصة.. ولحياتي انا كمان.. مساحة لتجديد اختياره للصداقة.. مساحة عشان كل حد يبقى عنده وقت أكتر يكتشف فيه نفسه. واكتشفت إن ده مش بيقل الود .. اللي بيقل الود هو التدخل ف خصوصيات بزيادة مع صاحبي حتى لو المعادلة صعبة.. بس المعادلة الأنجح في الصداقات الإنسانية إنك تكون أول واحد موجود وقت الحاجة.. بس في نفس الوقت تكون أول واحد يحترم المساحة الشخصية للشخص اللي قدامك.🌿
يمكن معنديش مميزات كتير ، ولا حاجة اتحسد عليها ، بس فعلًا عندي الحِنية اللي تخليني اعذرك مهما كنت مزعلني ، ومستحيل اشيل ليك عداء أو كره ، تخليني أكون مليش في جو الصراعات اللي هو ازي ده نجح ، وازي ده وصل؟.. تخليني اخاف على مشاعر اللي قدامي حتى من مجرد كلمة ، تخليني دايمًا أكون سايب باب مفتوح لأي حد حب يبعد ويمشي لو احتاجني يلاقيني بدون عتاب ومقدمات .. آه بزعل بس مش بشيل .. بعاتب بس مش بمشي ، زعلي منك حاجة ، وإنك تحتاجني حاجة تانية خالص.. وحقيقي بحمد ربنا عليها جدًا لأني مهما الناس قالوا مينفعش تكون كدة بحِس إني مميز فعلًا بحِس باختلافي في زمن القسوة فالمعاملة ، وعدم تقدير مشاعر الناس ، والتنمر بقى شيء عادي وبنهاهههه معاك يعم مالك قفوش كدة. طبيعتك الطف بكتير مما أنت متخيل ؛ فتش في نفسك هتلاقي ميزتك ، هتلاقي إنك مميز رغم إنك طبيعي .. 🤍
صباح الخير حاجه لطيفة أوي لما تلاقي شخص مكمل معاك رغم مشاكلك أو ضغوطاتك الـ كُل يوم بتزيد مبتقلش، بتلاقيه واقف جنبك يحسسك بأمان وبِـ إن الحاجه أو المشكلة الـ أنت فيها مهما طولت هتقدرو تعدوها وتحلوها سوا، هو مش بيشوف عيوبك مميزات، هو بيحاول بكل الطرق يخلي عيوبك بالنسبه للكل مميزات، بجد اي حد عندُه شخص زي دا فحياته يشكر ربنا ان فِـ حد جنبُه فوقت زي دا وبيفهمُه❤️