قُنًأُةَ صًوِتٌ أُلَحٌسًيْنً💙🎙

#تراث #نعي

عندما شاهدة نساء بني اسد الاجساد الطاهرة لسادتي روحي فداهم

گصدنه نجيب الماي ونعود
وهناك شفنه بطل ممدود
نايم ويمه امزگ الجود
وعينه اصبيه ابسهم ممرود
ومگطعه اچفوفه من الزنود
ومفضوخ راسه بضربه اعمود
.
وبالمعركه شفنه اعجوبه
عريس واچفوفه مخضوبه
مثل الچفن تفصيل ثوبه
.
وشفنه بعد نور يتلاله
خيال النبي يشبه خياله
جثه ولاچن راس ماله
.
وشفنه طفل متوسد ايده
وشفنه السهم يلمع ابجيده
اثاري السهم خايط وريده
.
وشفنه بطل نايم بكتره
وكثره دمومه صوب نحره
اثاري البطل ايه الكبره
الحسين شمامه الزهره


الشاعر المرحوم
الشيخ محمد سعيد المنصوري
(199)
#اللهم_عجل_لوليك_الفرج

#نعي

جيت ابـث حـزنـي يـشيـخ الـطـايفـه
أنـشـاف طولـي الـگبـل مـحـد شـايفه
راح أروح وروحـي يــمــك عــايـفــه
وهــاي اول مــره أحـسـن خـــايـفــه


گوه جـيتـك خـويـه أگومن طـايحه
خـلـي اودعـك وادري عـنـك رايـحـه
ومو عـليـك أعـلـيّـه اقـره الــفـاتـحـه
الفـرگـه مـره وحيل صعبه وجـارحـه


شـلـون نومـه الليله خـويـه اتـنامـهـه
وزيـنـب أخـتـك نار تچوي اجدامـهـه
آل هــاشـم كـلـهـه صـرعـه أزلامـهـه
وأل أميه الـحـاطـت أعلـه اخيـامـهـه

✍خـادم الـحسيـن ع
الشاعر رعد الجريخي


#اللهم_عجل_لوليك_الفرج

راحة الدارين

اتعب امن الدنيه وانته الراحه
الطير ما يعله بدون اجناحه
ــــــــــــــــــــــــــــــــــــــ
احسين لوعوف المجالس وين اروح
وانه يوميه عله امصابك انوح
امعاشرك عشرة بيارغ عالسطوح
باب گلبي ابمجلسك مفتاحه
ــــــــــــــــــــــــــــــــــــــ
ديره مابيهه لطم نجمه بضباب
ياصلاة امي ودعاهه المستجاب
احسين اريدك من يغطيني التراب
اذنوب عندي وجيتك المسّاحه
ــــــــــــــــــــــــــــــــــــــ
ادموعي خذهه وياك رشها عالخيام
انه بين اهلي وخواتك بالظلام
اوجوه عايلتك صبح بيهن ورام
ابكثر ماسوّن عليك انياحه
ــــــــــــــــــــــــــــــــــــــ
ابنيتي بالاوّل وطلعت ناجحه
وبنتك اتصيح الشمر ماسامحه
ذبح گدامي الصلاه والفاتحه
وابد ماخلاني اشوف الراحه
ــــــــــــــــــــــــــــــــــــــ
احسين عطشان اعله حبك والحنين
حيلي شدّه وارسم بماهيتي عين
انطيني من عندك بصيرة عارفين
احسين شو صارت مخيفه الساحه
ــــــــــــــــــــــــــــــــــــــ
حلوه من اخويدم اسمي اتسجله
واكبر ابحبك واموت ابكربله
وامك الزهره تگلّي ياهله
وحبك اهناك انول ارباحه
ــــــــــــــــــــــــــــــــــــــ
حلوه من ايشوفني المهدي ابعزاء
لابس اسود عالخيم مو للرياء
وراسك المگطوع الامبچي السماء
دوم اذكره والعن بذباحه


محمد الجماسي

#اللهم_عجل_لوليك_الفرج

محرم١٤٤٥هـ

يليوث الوغى الشجعان
مابيكم بعد ظنه
اتفزعون الخيام حسين
ظل الجيش يتدنه
ــ&&&&&&&&&&&&&&&&
يهل الغيره يهل الزود
ماقصرتو  وفيتــــو
لو عدكم الف مو روح
هم جا بيها ضحيتو
مثل ماكحليتو اعيون
شگد اعيون بجيتو
طيبتو جرح بحسين
بس اجروح خليتو

يالجنتوله سلوه اليوم
ظلت سلوته الونه
ـ&&&&&&&&&&&&&&&&&&
لا  اكبـــــــر ولا جســـام
ظل  لحســين واينصره
جان مخوصــــــر بعباس
من طاح انكســــر ظهره
وحده يصيح بين الگوم
ظل ريحانة الزهــــــــره
الف وتسمعمية سيــــف
حدوها الگطع نحــــــره

وابنياته عطشــــــــانات
لو صاحـــــــــن يبجنه
ــ&&&&&&&&&&&&&&&&
يهل الشيم حيهم صاح
مابيكم بعد فزعــــــــه
تدرون الشماته اتگول
ظل ايحشـــم الصرعه
واسهام العده تدرون
وصلت مأزر البضـــعه
جم حافر حديد اندار
لحسين وكســر ضلعه

كل خوفي الفواطم لا
يموتن من يشوفنه
ــ&&&&&&&&&&&&&&&
وصلو للخيم بالنــار
وينه العنها يبعدهم
من انذبح ويهــدون
حاير ياهو اليردهم
لاجف سالم العباس
ولا غيره العده عدهم
مثل السيل وصلو حيل
لينه ومحــــد يصدهم

جثه بجثه شدو الحيل
وردو ازحوفهم عنه
ــ&&&&&&&&&&&&&&&&
عين اعله العيال وعين
صوب اجسادكم تربي
من اتحركت عالصوت
وماگامت كثر عتبـــي
انا مسلّب ومذبـــــوح
زينب گطعت گلبـــــي
من اتگلي محــــد گام
يكثر شيبي وي تعبي

وتلجمني اذا عبـــاس
گالت فزعه ما منه
ــ&&&&&&&&&&&&&&&&&
منكم مااگطعه الياس
حدي الگطعة اوريدي
واگف گوه وابلاحيل
ليكم لوّحت بيـــــــدي
فرحو الملن الشوغات
خويه صاحبي اوليدي
ماافزّع واعاتب كـــون
بظهري واگف اعضيدي

قلت حيلتي من طاح
گبله امگطع اتمنه
ـ&&&&&&&&&&&&&&&&&

علي محسن الزيادي

قصائد محرم (

#اللهم_عجل_لوليك_الفرج

محرم١٤٤٥هـ

الامام الحسين صلوات الله عليه
ينعى اصحابه روحي فداهم

صبحكم الله بالعطش 00 يا اصحابي
كل واحد ايحضر نعش 00 يا اصحابي
ساعه ونمشي كلنه     ويتطشر شملنه
وداع          وداع
ــــــــــــــــــــــــــــــــــــــ
يالرايحين بسفره           كلمن يحضر صدره
ياجون ياعابس 00 واعليكم اترافس 00 خيل المنيه
عمي حبيب اسمعني           يالطيحتك تفجعني
يذبحني فرگاكم00 مااگدر انساكم 00 يهل الحميه

گاعد ابنصكم وآنه مشتاگ
واشلون لوعفتوني
اعزاز اعله گلبي ونار الافراگ
تحرگ سواد اعيوني
اوياكم اريد اتشابگ اشباگ
ياماي وجهي ولوني

خلونه نتشابگ سوه 00 يالوفايه
جيت آنه ادور عالهوه 00 يالوفايه
صحبتكم عظيمه        وفرگتكم هظيمه
وداع          وداع
ــــــــــــــــــــــــــــــــــــــ
ياماي وجه الخيمه       لورشكم اعله الهيمه
يطلع ورد بيهه 00 واعيوني تعميهه00 لحظة هجركم
ساعه وتجي الظهريه       وتتطشر الحنيه
مجبور اودعكم00 واشبع هوه منكم 00 واشتم عطركم

صحباني انتم خوش صحبان
ماكو مثلكم صاحب
الله يجازيكم بالاحسان
سويتو كل الواجب
وكت الملاگه والله شجعان
اتدوسون اكبر شارب

هوستو والطف انخسف 00 يا ابطالي
واحدكم أيعادل سلف 00 يا ابطالي
واصلتو المسيره        والكلمه الاخيره
وداع              وداع
ــــــــــــــــــــــــــــــــــــــ
يا أسلم ويانافع       لا مفر من الواقع
حته ام وهب هايه 00 هم ترفع الرايه 00 وتنصر قضيتي
وإنته برير القاري       ياواحد من انصاري
كلش عذب صوتك 00 لا كن خبر موتك 00 يكسر مشيتي

وأبقه ابهجركم فاگد الراي
وادموعي زخة مطره
مثل الورد وابعازة الماي
والموت بايك عطره
مثل الــملائك چنتو وياي
عشرتكم اجمل عشره

يهل الوجوه الضاحكه 00 الله اوياكم
دگت اطبول المعركه 00 الله اوياكم
الجنه تنتظركم       يالحلوه صوركم
وداع          وداع
ــــــــــــــــــــــــــــــــــــــ
يالغيركم ماعندي    اوداعة محمد جدي
لو طحتو بالحومه 00 واتطول النومه 00 وياكم احچي
يهل الشيم گومولي         بيكم أعدل طولي
رجعولي عافيتي 00 مات الهوه بريتي 00 واعليكم ابچي

آنه الذي حاسبكم اعيون
وبيكم اشوفن دربي
رأسا أشيّب من ترحون
والفرگه توجع گلبي
وياكم احچي وماتردون
وين اليقدّر تعبي

وأتمدد اوياكم واون 00 يهل الغيره
الصاحب عله الصاحب يحن 00 يهل الغيره
ماضلت ضماير         شو بس الخناجر
وداع               وداع
ــــــــــــــــــــــــــــــــــــــ
من هسه احس إبخنگه          ونسمة هوه ماألگه
لو طحتو گدامي 00 تتطشر احلامي 00 وتوگع دمعتي
لو كلكم اتعوفوني           ومحد يقاتل دوني
ينزل مدد لازم  00 والحر يجي نادم 00 يدرك نصرتي

امدنگ يجيني ودمعه بالعين
واعله الجره ايشگ ثوبه
اقبلني يهتف فدوه يحسين
منك اريد التوبه
وآنه الاحسبه امن المحبين
رأساً تطيح اذنوبه

والحُر  يقاتل كالاسد 00 ياسبعيني
واحد يزيد اعله العدد 00 ياسبعيني
والـماالگه مثله        مجبور آنه اگله
وداع                 وداع
ــــــــــــــــــــــــــــــــــــــ
آخر صلاه صلوهه          وارگابهم ضحوهه
الكون انخسف ثلثه 00 والجثه عالجثه 00 منظر يألم
نعم الرجال الهيبه           شيبه تحني بشيبه
والخيل وحشيه 00 الخيل اليزيديه 00 بيهم تهدّم

چن الحوافر بيهن أنياب
وادوسهم متعمده
واحسين عافوه كل الاصحاب
والدمعه تچوي بخده
يلزم گفاه الفارگ احباب
ومثل المطر يتبده

بس طاحو وطاح الضوه 00 من اعيونه
باگتهم الدنيه سوه 00 من اعيونه
والفارگ هواهم         كتبوله بدماهم
وداع          وداع

محمد الجماسي

#اللهم_عجل_لوليك_الفرج

قصائد محرم

#اللهم_عجل_لوليك_الفرج

يـمـه ذكريني مـن تـمـر زفـة شباب
مـن الـعـرس مـحـروم ... حـنتي دم المصاب
شــمــعـة شـبـابـي مـن يـطـفـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
------
بـزغ  من برج المخيم ..... جاسم ونوره يتشعشع
نـاشر جعوده  على متنه .. ومثل طير الجنه يلمع
هـلهلت  رمله وتگله ..... هاك إخذ گلبي المگطع

شـنـهـي يـجـاسم نيتك.... ثاير بجمرة همتك
چنك وفيت برگبتك .. صاح إلي دوفي المرضع

مـن  ثـدي الـنـيـبـه راضـع بصافي الحليب
وبـهـالـشـهـاده صـار إلـي قسمه ونصيب
حــوفـتـي بـدمـي خـل يـفـرشـوهـا
حـنـتـي دمـي .. والـجـفـن ذاري التراب
يـمـه ذكـريـنـي مـن تـمـر زفـة شـباب
ــــــــــــــــــــــــــــــــــــــ
هـلـلـه هـلله شلون فزعه من فزع جاسم لعمه
ضـاگت بـعـيـنـه الوسيعه والوفا يطشه ويلمه
تـنـومـسـت رمله بولدها حنت ضلع الصبر يمه

صاحت  النيه راشده ... وگلب أمك الله يساعده
صـاح  إلـي يـوصي والده... عالوصيه يبيع دمه

أهـلـي  وصـونـي بـالـوفـا يـوم الطفوف
مـن  دم  وريـدي يـصـبح خضاب الچـفوف
هـذي  وصـيـتـي يـالـتـسـمـعـوهـا
حـنـتـي  دمـي.. والچـفـن ذاري الـتراب
يـمـه ذكـريـنـي مـن تـمـر زفـة شـباب
ــــــــــــــــــــــــــــــــــــــ
هـنـا  يـهالغذيت روحك من ثمر روحي وحليبي
مـن نـصـيـبـك هالشهاده واليسر يبني نصيبي
بالجهد بيض لي وجهي يا ضوه عيوني وحبيبي

ناداها  لا يصيبج رعب ... جدميلي لامات الحرب
والـنـايـبات شماتصب ... إدعي والصارم مجيبي

والـوفـا شـانـه يـنـعـدم بـيـه الـوجود
وآنـه  وجـدانـي يـغـتـنـم جـنـة الخلود
نــيـتـي  بـديـوان جـدي كـتـبـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
ــــــــــــــــــــــــــــــــــــــ
ضـمـتـه  بـصـدر المحنه وانطبع رسمه بصدرها
وتـشـم ريـحـانـة جماله وتكف دمعتها بصبرها
وذكـرت  أيـام الرضاعه ولوجت الروح وسهرها

وصاحت شوصاك الحسن.. يا منوتي ونعم المضن
هاك إلبس ثياب الچفن ... يا أمل رمله ويا ذخرها

يـوم الـمـبـارك أصـبـح لـديـنـي شهيد
وافـزع لـعـمـي مـن يـضـل بالطف وحيد
ورمــلـه بـمـصـابـي خـل يـواسـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
ــــــــــــــــــــــــــــــــــــــ
يـمـه  حـاسبني ضميري وشفت مگصود اليريده
والـضـمـيـر يـريـد مني أتخضب بدم العقيده
والـيـريـد  الـغانمات  على الطعن يعرض وريده

صـاحـت الـنيه راشده ... نيتي ويا نيتك واحده
وجاسم سفر عن ساعده .. وسيف ابوه الحسن بيده

صـاح  أنـا بـديـنـي مـلـتزم فرع وأصول
أفـدي وجـدانـي والأجـر عـنـد الـرسول
وامــي الــزهــره خــل يـهـنـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب
ــــــــــــــــــــــــــــــــــــــ
لـزمـت  الـدلال  بـيـد وإيد بيها إلزمت ريعه
ونـادتـه  ودعـك عـنـدي الحسن يمدلل وديعه
الـيـوم چـنك ضيعتني وضعت مني شلون ضيعه

نـاداهـا  يمي  تيتمت ... وبحجر عمي ترعرعت
ربـانـي  ولـيـوم إنـشأت .. ولربايه اليوم ابيعه

دهـري يـتـمـنـي والـتـزم عـمـي برباي
ومـا اعـز عـنـه مـهـجـتي وروحي ودماي
وأمـي بـمـصـابـي خـل يـفـجـعـوهـا
حـنـتـي  دمـي والچـفـن ذاري الـتـراب
يـمـه ذكـريـنـي مـن تـمـر زفـة شـباب



كاظم المنظور الكربلائي

#اللهم_عجل_لوليك_الفرج

(51)

#تراث

لـيـلـى  تـنادي يا مظلوم ... گلي يا شبل حيدر
بـظـلـع أمــك أحـلـــفنك ... عليمن وجهك تغير
ــــــــــــــــــــــــــــــــــــــ
يـحـسـين اللسب گلبـي .. وحالــي تغير لحالك
لـيـش  بأمرك إحتإريت .. وليــش لزمـت دلالك
وبـروحك اشوف تجود .. يابن المصطفى شمالك
منهو الوگـع بين الخيل .. گلـي وإنـدهـش بالك

يـا  عطـشان عالتربان ... طاح إبني علي الأكبر
ــــــــــــــــــــــــــــــــــــــ
يـحـسـيـن الولـد مريود ... شمعه لوالــده وأمـه
وهـالـشـمـعـه  يعلگوهـا ... وگت الشــده والهمه
چنـي الـشـمـعـه طفوها ... وعيوني غدت ظلمه
وچني وليـدي مني راح ... وچنه تخضب بدمه

يـا  عـطـشان عالتربان … طاح إبني علي الأكبـر
ــــــــــــــــــــــــــــــــــــــ
تدريني  إشـكثـر باريت ... وشگد تعبت بــربـاه
ومن ثدي الوفه رضعته ... دمي وإنـمزج بدماه
ذابـت  شـحـمـة عيوني ... من جور السهر وياه
چن سلمته بيد الموت ... وچن سهم المنيه رماه

يـاعـطـشـان عـالتربان… طاح إبني علي الأكبر
ــــــــــــــــــــــــــــــــــــــ
إلك ضرب المهد مــانام .. بگد ماتوسد بحجري
وحدر ضلوعي ضحيته .. وعليه إنكسر ظـهـري
ردتـه  تچويـتي للسيف .. لو دهري بعكس دهري
ربيته  وحسبت حساب .. ينــزل جثتي بگـبري

يـاعـطـشان عـالتربان ... طاح إبني علي الأكبر
ــــــــــــــــــــــــــــــــــــــ
عيني اللي سهرت وياه ... وماغمضت ولا ليله
مـن شـد للمعـاره وراح ... صارت شمعة تضويله
تـمـنـيت الـرماح تصير ... ورود ولبني تزهيله
وحدود  الصوارم كون ... اغصان وچن تفييله

يـاعـطـشـان عـالتربان ... طاح إبني علي الأكبر
ــــــــــــــــــــــــــــــــــــــ
چنـي  فـاجـده ولـيـدي … وچني تگبعت بالهم
وچن بيه إنگطع يحسين … وبعد الشمل ما يلتم
وچن چوچب سعود يغيب … وچن راسي خضيب بدم
وچنـي  بـشـمـعـتك تطفي ... وچن بيتي التهدم

يـاعـطـشان عـالتربان ... طاح إبني علي الأكبر
ــــــــــــــــــــــــــــــــــــــ
گلـبـي  مـن حـدر للكــون .. فگــد روحه أنشرته
وروحي اللي تلفتها عليك .. رداني وبيها حزمته
بـسـم  الله  يـابـو السجاد .. من ودعني حصنته
أمـري وأمـرك الـمـحـتــوم .. بيـد البــاري سلمته

يـاعـطـشان عـالتربان ... طاح إبني علي الأكبر


للشيخ المرحوم
سامي الخفاجي الكربلائي

#اللهم_عجل_لوليك_الفرج

(41)

https://t.center/hkcjhfjoggohcc

#تراث

علي عالي اعله كل عالي علي يالعالي امن الرب
علي مانصّبك منصوب لاچن بالنصّ امنصّب

علي ابساگ العرش نورك علي يالعلّمت جبريل
اسمك نزل بالتوراة وازبور و صحف وانجيل
يا آيه اعله كل آيه شبه شمس الضحه اعله الليل
يالمبدر تمام التم وبسابـع سـمه چـوچـب

يا چوچب خبر مسند اِلك تحت العرش مسند
لولاك انسـله الإسـلام لا عابـد ولا معـبد
لا سارت سفينة نوح لا سد السكندر سـد
وآدم من عصه وأبعد بسمك ياعلي اتگرّب

گرب بسم النبي الهادي او بسمك دهر يتوسّل
يسر السر عِذت موسي او ناصر كل نبي مرسل
عَـصاه انته الصرت ثعبان او كل ساحر سجد واختل
او صبّرته و عبّرته الفرعون اهلكت من طب

فرعون او خسف قارون ياشهب اعله جند ابليس
يا مهر النبي اسليمان يمحضّر عرش بلقيس
يالرافع لإبن مريم عيسي او گبل عيسي ادريس
برد و سلم لبـراهـيم نار البالسـمه تلهـب

برد و سلم ذيچ النار وانته النَصُر بالتابوت
بالجب من عِذت يوسف اوعِذت يونس ابّطن الحوت
انته الفَنه اعله أهل اللات ونته السخط وانته الموت
يمدمّر ثمود اوعاد يانقمه اوعـذاب الصـب

يصب ياصاجعة نمرود فلك اِو كل فلك دوّار
يدُر ياذهـب المـصفّه يـَمر يـمـدمّر الكفّار
حُكم الغيث حُكم الريح حُكم الخلد حُكـم النار
بإذن الله تحت يدّك والكون الّـذي اِمـركّب

كون الركّبه الباري تحت حكـمك يـحامـيها
يابـحر المحـيط و قاف ياراسـي رواسيها
يامِذهِل اويا مِهـول اويا داهـي دواهـيها
سيف الباري المنسل أسد ياسيف المجرّب

السانه و عينه و چفّـه والكل بيدك امسلمه
اذنه السامعه و بابه و آياته و سفط علمه
يعفو الله و كظم غيظه و جوده و رحمته و حلمه
غضب لليغضب اعليها و سيفك للعليها أغضب

غضب طحت اعله جنّ البير ذات العلم منّه الفات
عله افراش النبي منّ نام بالهجره و تولّه و بات
عله متن النبي تركّب بالكعبه و تچسر اللات
او من مثلك يچسر اللات و عله متن النبي يركب

عله متن النـبي تركـب يا مُظـهر عجايـبها
الك طوع الشمس ردّت يحيدر من مغاربها
الباب الحصن من هزّيت اهتزّت كل جوانبها
والسابع سمه اهتزّت السيفك من شطر مرحب

شطرته و لا تهاب الموت واتهزّك هزاهزها
ابن ود وابن معدي گرب وبطال المبارزها
حامي الدخل حامي الجار واتحلّ المعاجزها
سيفك شيّـد الإسـلام لأركان الكـفر خرّب

لأركان الكفر هـدّيـت ومـهـدّم مـساچـنها
الدرس يمدرّس الإسلام مدرستك غبت عنها
اشلون انته الإنس والجن طاحنها ابمواطنها
اشلون ابسيف ابن ملجم حيدر ياعلي امصوب

اشلون ابسيف ابن ملجم حيدر ياعلي اصوابك
كلّ الحزن كلّ النوح والمأتم عله امصابـك
تشوفه امدلّس ابسيفه عله چتلك ابمحرابك
يمنعك صبرك و حلمك و شيبك بالدمه اتخضّب

شيبك بالدمه اتخضّب يمهِدي الضال ياظلها
يـمـدلّل يـتامـاها اويـا مـربـاع أرامـلـها
الغُرب يمعذّي الغربه منته الغُرب عزّ الها
گوضوا العند أهاليكم عزكم يالغُرب غـرّب


المرحوم شيخ عبدألأمير الفتلاوي

#اللهم_عجل_لوليك_الفرج

(42)

https://t.center/hkcjhfjoggohcc

#تراث

اجت ليله العلي الاكبر يويلي و اوچبت عنده
تريد اتشوف اصاويبه وجرح الضـاهده تشده
ــــــــــــــــــــــــــــــــــــــ
تريد اتشوف اصاويبه واجـت ام الولد ليله
وصاحت وين زينب وين بالله وياي تچيله
وعن الشمس خل سكنه تجي ابهمه تفييله

يعماته تعالـــن جــاي
اجعدن هالولـد وياي
بالله وي علي بهداي

اجعدنه وخلني احط خدي على خده
ــــــــــــــــــــــــــــــــــــــ
عماته وخواته الكل صاحن يَم علي الاكبر
روح الولد خلصانه نجعده اشلون مانگـدر
يليله ينتبه خافن وجــروحــه عليه تسعر

گالت صدگ خلنه
نايم لا تجــعــدنه
خـافنچن تلچمنه

الشمس والعطش وجروحه عليه من ينتبه شده
ــــــــــــــــــــــــــــــــــــــ
بالله لا تجــعــدنه وبـعــد لا نايحــه اتنوحه
لما نشوف اصـاويبه او لما انجلب اجـروحه
بي ضنت رجه ويعيش يو لا كوضت روحه

بلچن بي رجه ويعيش
هده من الدهر چا ليش
وانخــاه ويــرد للجيش

الولد ما گالها الله يخلي والده وحده
ــــــــــــــــــــــــــــــــــــــ
حگها بلا فكر تحچي ام الولــد مذهــوله
وكلسا تنشد النسوان هذا ابني علي يولا
وين اهل الرحم تنده گطرة ماي جيبوله

وين البي رحم وينه
بگطرت ماي يلفينه
وليدي سـوربة عينه

وانه امه وصدن ليه عفيه ام الولد جلده
ــــــــــــــــــــــــــــــــــــــ
زينب تحچي وي ليله تگلها يَم علي بسچ
تره اصواب ابن اخوي مچيد ومسني مثل مامسچ
جــريبه الگــوم يا ليله لا لا ينسمع حسـچ

خل نجري الدمع سكته
هــذا يأم علــي الــردته
حــس ما ينسمــع حته

اخوي احسين مايقبل وبي ما يشتفي ضده
ــــــــــــــــــــــــــــــــــــــ
تگلها اشلون اتجلــد يبت المــرتضى ومــن گــال
زين وبعد بيه روح وشوف ابني اعله هذا الحال
شگولن غير هالــواحــد عندي وي الــزلــم رجال

ماني الدهر محني
كفـن يالتــلــومني
ويه الـولــد خلني

أون ولطم على وليدي الذاب من العطش چبده
ــــــــــــــــــــــــــــــــــــــ
وبعد ياعمته تدرين ماعنـدي ولد غيره
واحد ونفگد مني وضلت خاليه الديره
هـم وانه ويلومنّي والله حيرتي حيره

عساني الكربلا لا جيت
ولا بيها انبـنــالــي بيت
راح ابني علي وضليت

اصك الراح فوك الراح اكول الراح شيرده
ــــــــــــــــــــــــــــــــــــــ
زينب شافت الحاله وغدة چنهه اسعفه وبالريح
ولنها يابنات احسين يالله يا خــواتــه اتــصـيح
اريد الدمع من عدچن مثل دم بن اخوي يسيح

وهنه من الخيم هاجن
على ذاك الـولــد داجن
مثل لوجت علي لاجن

وأمه جالت وكالت ما راج الولد برده
ــــــــــــــــــــــــــــــــــــــ
شباب ابين عماته وخـواته وساعة الفرگه
وامــه فــوگهن تنــده انطـن للــولــد حگه
اريد اللطم بالهوسه واريد الصايح بحرگه

هــا يــلــلــه يعمـاته
الولد شم الهوه فاته
أيــا ورد وجــنــاتــه

يزهي چان بخدوده وهسا الخد ذبل ورده



للمرحوم الحاج
مُعين السباك

#اللهم_عجل_لوليك_الفرج

(43)


https://t.center/hkcjhfjoggohcc

#تراث

أهـز  مهدك يـعـبـدالله
وعاين عالمهد خالي .. ..  يبني وثمر دلالي
أهـز   مهـدك   يـعـبـدالله
ـــــــــــــــ
يعبدالله  سهرت برباك
                  ياللي ربـاك هدّمني
يعبدالله جنـت أرجـاك
                 لدهري ولكبر سنّـي
يعبدالله  عگب عيناك
                 دهـري بيك سودنّي

بـسـهـم فـگـدك يـعـبـدالله
اومنـّي  غايب هلالي .. .. يبني وثمر دلالي
أهز      مهدك يـعـبـدالله
ــــــــــــــــــــــــــــــــــــــ
يـعـبدالله  شكثر باراك
                 گلبي وبصعِب حملك
يـعـبدالله  الگلب غذاك
                 وإنت سلــوته بوكتك
يـعـبـدالله شكثر ناغاك
                 يوم بناظـــري شفتك

اگول تـعـود يـعـبـدالله
ودهري  خيب آمالي .. .. يبني وثمر دلالي
أهـز  مــهــدك يـعـبـدالله
ــــــــــــــــــــــــــــــــــــــ
يعبدالله بـعد صـواب
                 گلبـــــي لا تظــن يلتـــم
يعبدالله الگلب لهـّاب
                  عليــك وعيني تهمـل دم
يعبدالله ياريح الهاب
                 يا چوچب ساعدي اليبسم

جفى سعدي  يعبدالله
و ريتك تنظر لحالي .. .. يبني وثمر دلالي
أهز مـهدك يعبدالله
ــــــــــــــــــــــــــــــــــــــ
يـعبدالله ثـدايه عليك
                 درت والگـلــب وجـّـر
سهم  البالنحر ما بيك
                 وسمّـه بالگــلــب أثــر
يعبدالله العطش مض بيك
                 ونيران العطش تسعـر

شيطفـيهـا  يعبـدالله
وانـظـر  شـخصك  گبالي .. ..  يبني وثمر دلالي
أهز      مهدك     يـعـبـدالله
ــــــــــــــــــــــــــــــــــــــ
يعبد الله اشيفيد النوح
                 لو شخصك خضيب الدم
يعبد الله الگلب مجروح
                 وگلبي الفـگــــدك اتجسم
يعبد الله يروح الروح
                 وحيلي ابفــگــــدك اتهـدم

انهدم حيلي يعبد الله
شحال التفگد الغالي .. .. .. يبني وثمر دلالي
أهز      مهدك     يـعـبـدالله


للشاعر المرحوم
الشيخ سعيد الهر الكربلائي

#اللهم_عجل_لوليك_الفرج

(34)


https://t.center/hkcjhfjoggohcc

#تراث

مفروض عالناس   حبك ياعلي 
علاك رب العرش علاك  غصبا عله إعداك 
ــــــــــــــــــــــــــــــــــــــ
يا علي إختارك الباري إبعلمه وإبغامض أسراره
إوصورك من نور ذاته إو بهجتك بهجة أنواره
إو صاغ إلك من لطف ذاته نفس بأحكام إقتداره

الباري مثيله مثلك     إو أمّرك حتـه إعله الملك 
إو سلمك دوران الفلك     إو درت للعالم مداره 
وجدان ألأفلاك     وجودك يا علي 
وإزمامها إتسلم إبيمناك   غصبا عله إعداك 
ــــــــــــــــــــــــــــــــــــــ
يا علي إستصفاك ربك صفوه من عطفه إو وداده
وإنته قنديل ألأحكام اليزهر إبأفق السعاده
وإنته بالسته الجهات إموكل إبنص الإراده

قدرك ربك قدرك     تصوير قدسي صورك
لاهوتي جوهر مصدرك   إو قدس إبحبك عباده 
يكفيك تقديـر       من رب السمه
من إسمه شگ إسمك وسمّـاك   غصبا عله إعداك 
ــــــــــــــــــــــــــــــــــــــ
يا علي هيكلك قدسي إو جوهرة تقديس ذاتك
إمن الخلگ غير إبن عمك ما تسلم درجاتك
وإبمغيب الشمس لمّن ردت لا تقضي صلاتك

والفلك دورانه وگف    إو قرص الشمس رد وإنعطف 
لأمرك وبالطاعه إعترف  إو هاي أسهل معجزاتك
 
ما نعتجب بيك    إو ندري إبقدرتك 
من قدرت ألله إتسير ألأفلاك  غصبا عله إعداك 
ــــــــــــــــــــــــــــــــــــــ
يا علي إبمصباح مدحك نور فاكرتي وشعوري
لو سره إبفضلك لساني علي تتساهل أموري
وآنه أقرلك بالولايه گبل ما قر إبنشوري

يالحبك إبريجي حله    والگلبي منه إتمثله 
سطرين أشـوف إمسجله    وإبمعانيهن سروري 
أول التوحيـد    وإبثاني شطر 
حبك وحبك حمه الـوالاك   غصبا عله إعداك 
ــــــــــــــــــــــــــــــــــــــ
يا علي نشأتك حجه إعله الخلگ من مبتداها
والتخوض إبّحر علمك روج طوفانك علاها
إو ظافرت علم اليضدك غيض ألإبگلبه عماها

غالب عله علمه الجهل  إو ضارب عله عقله الخلل 
إو حي على خير العمل   للتحبك مقتداها 
ميعيجنه اللـوم      عن إولايتك 
وياك دنيه إو آخره إوياك  غصبا عله إعداك 
ــــــــــــــــــــــــــــــــــــــ
يا علي ألإيمان سيفك بالضماير غرز عوده
إو زهت للإسلام روضه وأثمرت روضة سعوده
والثمر يوم الغدير إنعقدت إبإسمك عهوده

إشما كتب باللوح القلم   ترجمه الهادي للأمم 
وإنصبك عالعالم علم   إو ثبت هالدين إبوجوده 
وين اليضاهيك     والعالم صبح
منشغف يا بالحسن بهـواك  غصبا عله إعداك 
ــــــــــــــــــــــــــــــــــــــ
يا علي إثلثميت آيه إتصرح إبفضلك وتشهد
إو آية التبليغ نزلت بيها إنذار المحمد
وأعلن إبخطبته الهادي إو صار إلك بالخطبه مشهد

ما حملته إعيون الحسد  من شافت الحگ إنرصد 
بالتاج والتاج إنعقد    بإسمك إو بالله تأيّد 
وإبراسك التاج       معانيّه حلت
وإنصاغ من جوهرة معناك   غصبا عله إعداك 
ــــــــــــــــــــــــــــــــــــــ
يمن هذا الفضل فضلك نكرته أنذال العرب
مثل ما للبضعه نكرو فدك والحگ إنغصب
يوم هجمو عله الباب إو وجّرو نار الحطب

والوديـعه تكسر ضلعها   إبعصرة الباب تفجر دمعها



المرحوم الحاج
كاظم المنظور الكربلائي

#اللهم_عجل_لوليك_الفرج

(44)

#تراث

«تجليبه»
سجل راية ألأنصار ماضيها
إبتاريخ القياده إو قلم راعيها
* * *
القلم همة حبيب إو كربله القرطاس
وإلدم الحبر والكاتب النوماـس
الرايه إمهلهله إو لو هلهلت لا باس
إبن ظاهر نشرها وإلتزم بيـــــــها
* * *
نشر راية الدين إو صاح يهل الدين
شهادتكم دنت يالبيها موعـــــودين
عهدنه إبكربله من ساعة التكــوين
إو خبطنه أيامنه واليوم صافيــها
* * *
خبطنه أيامنه وإندوّر المكنون
إو عله ردن الوعد ما غمضت إلنه إعيون
يبن ظاهر يهون ألأمر وألله إيهون
نشب النار بالنــــــــــــار إو نطفــــــيها
* * *
نطفي النار بالنار إو نشب النار
إشما راد الفلك يندار خل يندار
بدر وإحنين إلها أنصار وإحنه أنصار
وآثار الحيت هالـــــــــــدين نحييــها
* * *
نحيي آثارهم وإنعيد ذاك الــزود
محمد كوّن الإسلام بالمجهـــــود
إو ريحانة محد هالعصر موجود
وإبوجه الرساله إتشع معانيــــها
* * *
رسالة نور تتشــــعشع إبوجه حسين
بيها إبعـــالم ألأرواح متبلــــــــــغين
إبذممنه طوگ ظلت وإحنه مطلوبين
كون إبكربله للذمــــم نوفيــــــــــها
* * *
كون إبكربله يتخلــــص إلمطــــلوب
الشهاده إنكتبت إو ما ينمحي المكتوب
إو يتهنه الحبيب إبشوفة المحـــــبوب
إو هاي أرواحنه إشتاگت الباريهـــــا


الحاج المرحوم
كاظم منظور الكربلائي
#اللهم_عجل_لوليك_الفرج

(45)

#تراث

يا محله الوداع إبهالمسيه   وإعلـوم المنيه
             بين الفاطمي والفاطميه
ــــــــــــــــــــــــــــــــــــــ
طب خيمة الحره حسين واليها
إو ناده إهنا يزينب
گعد عدها يودعها إو يسليها
إو نار الحزن تلهب
يوصيها إو يسلم أطفاله بديها
والخدر الــــمرتب

ألله إشمصيبه    محبوب إو حبيبه
       من تتحمس إبنار الرزيه
ــــــــــــــــــــــــــــــــــــــ
حـن گلب العقيله إو دوت بيه النار
من جور المصيبه
نادت يبن أبويه ما تگلي إشصار
گلب إختك إبريبه
چن الفلك طرنه إو بالعكس يندار
إو چن إختك غريبه

يبن أمي إشدهـانه    من دهر الجفانه
          شتت هالشمل بالغاضريه
ــــــــــــــــــــــــــــــــــــــ
صد حسين لخته والگلوب إتلوب
وإتغيرت الحاله
إو ناداها الشهاده فصّلتلي ثوب
من نسج الجلاله
إلچ ثـوب اليسر من العهد مكتوب
والخدرچ حلاله

خلينه إنتشارك     إبهالثوب المبارك
     حِلَه الخدرچ وأنه إمفصل عليه
ــــــــــــــــــــــــــــــــــــــ
نادت يبن أبويه بالعهد راضين
بالحگ إو رضينه
لا عزت عليك إرگابنه يحسين
وإنته تعز علينه
تهيأ للشهاده وإحنه متهيئين
نتنطر سبينه

إنتو إعلـه الشهاه      وإحنه إعله السعاده
      نيتنه إو عسن راشده النيه
ــــــــــــــــــــــــــــــــــــــ
لاچن عگب عينك يا ضـــوه عيني
خدر إختك حياته
إو خوفـي إمن الشماته إبسهم ترميني
إو تدري إبماضياته
خليني أرد أموت إوياك خلينــــي
إو لا شوف الشماته

والشـامات إله إسهام    تمضي إبگلب ألأكرام
           أمضه إو أشد من سهم المنيه
ــــــــــــــــــــــــــــــــــــــ
إلك عندي أمانه من أمك الزهره
هاك إسمع المضمون
لخوچ إبكربله إتحبينه إبصدره
إو تسجي ماي العيون
إومن تجدم منيته جدمي مهره
إو خل يجبل عله الكون

هذي كـربله هاي    چيف البصر والراي
        هاك إخذ ألأمانه إمن الزچيه
ــــــــــــــــــــــــــــــــــــــ
وصلتني ألأمـانه يا عقيــــلتنه
إو چنـي إتسلمتها
وإحگوگ الوفه وإشروط خوتنه
بوجودك شفتها
هذي كربله إو هذي شهــادتنه
تشهد وإسمعتها

تثبتلچ إراده    إو تشهدلچ شهاده
     صبرچ نصر دين ألله إو نبينه
ــــــــــــــــــــــــــــــــــــــ
تدنه حسين لخته إو شبگته وإتنوح
والونه ثجيلـه
گبل جرح السهم خلت إبگلبه إجروح
وإتگطع دليلـه
يخويه خل أبّدل إوياك روح إبروح
إو صد إعله العقيله

نـاداها ألأمر صار    إو لو عمت ألأخطار
        عگب أهلچ تلزميلي الثنيه

للشاعر المرحوم
كاظم منظور الكربلائي

#اللهم_عجل_لوليك_الفرج

(46)

#تراث

زينب نادت أم چلثوم     گومي ولا تخلينه
راحو كــل بني عدنان     وبدمـهــم تحنينه
ــــــــــــــــــــــــــــــــــــــ
گومي ولا تخليني وحيــده وخــطــر ممشه الليل
گومي انلملم الاطفــال الشــردت من لفتها الخيل
گومي اندور اعلى احسين راح الحيل وي الحيل 
گومي انــشــوف أهــالــيــنــه البيهم مثلو تمثيل

وسهم البين             صاب حسين
         واحترگت صواوينه
ــــــــــــــــــــــــــــــــــــــ
گلبي وگلبــچ المــجــروح ما تتــلايم اجــروحه
ودمعتي ودمعچ المذروف المصايب نشفت موحه
گوني انشگ سواد الليل گومي انروح فد روحه
للشــاطــي ولعــد عباس چثته اهناك مطروحه

وسهم البين             صاب حسين
         واحترگت صواوينه
ــــــــــــــــــــــــــــــــــــــ
دسمع يا أمــل زينب دسمع يارجــه المــهــمــوم
مسينه بــلا حمـه ولا دار نهبتنه وسبتنه الـگــوم
وسهم الي مــرد عينك مـرد گلب اختك المالــوم
واحنه انشاگف الضربات واحنه انواجه المقسوم

وسهم البين             صاب حسين
         واحترگت صواوينه
ــــــــــــــــــــــــــــــــــــــ
عگب هيبة منازلنه الچـانــت ضـاربه الصوبين
وترفرف عالخـدر رايات منظوره بحمات الدين
وانته الخيمتي عنــوان يا ضـنوة بطـل صفين
ويمينك چانت ويسراك عمد للخيمه وي العين

وسهم البين             صاب حسين
         واحترگت صواوينه
ــــــــــــــــــــــــــــــــــــــ
گومي انشاهد العريس والرمله نسواسيها
رمله ماتبطل النـوح فــگــد جسام ماذيها
وغــريبه ظـلـت بهالــدار لمن راح حاميها
مثــل ضيعة أمانينه ضاعت كــل امنايها

وسهم البين             صاب حسين
         واحترگت صواوينه
ــــــــــــــــــــــــــــــــــــــ
گومي وخل نشوف اشلون حالة ليلة الاكبر
چانت تحسب ألف حسـاب يوم بيوم تتنطر
تعرسه وتفرح بعرسه واخوته تزين المحضر
بعد ما حسّبت لن يوم تشوفه ابكربله مطبر

وسهم البين             صاب حسين
         واحترگت صواوينه
ــــــــــــــــــــــــــــــــــــــ
گــومــي ولا تخليني وحــيـده ومــا الـيــه امعين
ونين اسمع واريـد اعــرف مصــدر هالونين منين
اضن هاي الرباب اتريد ترضع طفل اخوي حسين
اظــن درن ثــدايــاهــا وتعــنــت يـم ابنها الحين

وسهم البين             صاب حسين
         واحترگت صواوينه
ــــــــــــــــــــــــــــــــــــــ
مثل حزنچ حزن گلبي أو ونينج زيد ونيني
بعد بيمن أشـد اِگــواي وانتي هــالـتشوفني
البيابي ما يعينني وششوفن لو عمت عيني
يزينب ركـد مني الحيل والواجب تعذريني

وسهم البين             صاب حسين
         واحترگت صواوينه


الشاعر
عزيز الگلگاوي الكربلائي

#اللهم_عجل_لوليك_الفرج

(47)

هله هله احسين وينه بالسيوف امگطعينه

وگفت اعله التل تنادي او ونت بونه ثجيله
هله هله احسين وينه بالسيوف امگطعينه

وين اخوي احسين مرمي رايده بحالي اشتكيله
هله هله احسين وينه بالسيوف امگطعينه

سلبو عگبه خواته وطلعت اتحشم اسكينه
هله هله احسين وينه بالسيوف امگطعينه

حسين حسين حسين حسين


من تعنه المهر ليه يصهل اينادي الضليمه
هله هله احسين وينه بالسيوف امگطعينه

بالصبر حشمت روحي وگلبي شديته بعزيمه
هله هله احسين وينه بالسيوف امگطعينه

جيت وي المهر اصرخ وين طايح يبو الشيمه
هله هله احسين وينه بالسيوف امگطعينه

مادريت اخلاف عينك حرگو اخيمنه علينه
هله هله احسين وينه بالسيوف امگطعينه

حسين حسين حسين حسين


وين ضي عيني وعزيزي وين ابن حامي الحميه
هله هله احسين وينه بالسيوف امگطعينه

وين ريحانة الهادي ومهرت الزهره الزچيه
هله هله احسين وينه بالسيوف امگطعينه

ولا بگت خيمه التلمنه ولا حمه بهاي المسيه
هله هله احسين وينه بالسيوف امگطعينه

هله هله شلون وليه من عگب عينه انولينه
هله هله احسين وينه بالسيوف امگطعينه

حسين حسين حسين حسين


وآه يا حال الفواطم حال ما شفنه مثيله
هله هله احسين وينه بالسيوف امگطعينه

هاي بويه تصيح سكنه وهاي يبني تصيح ليله
هله هله احسين وينه بالسيوف امگطعينه

والرباب ايدر لبنهه شما طفل سمعت عويله
هله هله احسين وينه بالسيوف امگطعينه

والعليل الله واكبر صاب دلالي بونينه
هله هله احسين وينه بالسيوف امگطعينه

حسين حسين حسين حسين


للحشر ماننسه يوميه ويا محب ننسه حبيبه
هله هله احسين وينه بالسيوف امگطعينه

وبالحشر لو ناشدونه نصيح ابو اليمه ولينه
هله هله احسين وينه بالسيوف امگطعينه

حسين حسين حسين حسين


الشاعر
أياد كاظم الكربلائي

#اللهم_عجل_لوليك_الفرج

(48)

#تراث


مولاتي زينب وسكينة
على جسد سيدي ومولاي ابا عبد الله ع

سكنه يعمه خل نجعده
             او مابيني او بينچ نسنده
بلچن يفك علينه او ننشده
             ياجــــرح مــاذيــه اومضهده 
خاطر نداويه او نشده
             وانخبره علينه اشصار واسده
تلگها يعمه شلون اجعده
             او سهم الــذي واگــع ابچبــده
اثاري الخــرز ظهره تعده
             لا چــن اهـــوه اعلى هـالمــده
نگله الحرم صارت ابشده
             والخـيــل لــگــدت فرد لـگــده
اوكلها السلبنه مستــعــده
             انــچــــان لنه عــــدل بـــعــده
بس يسمع اتحرچه الموده
             ويــگـــوم لينـه اويحمي حــده
وانچان ميت وحگ جده
             شوفي اشنــلاگي بعد فــگــده
گامت تندها او تشچي عنده
             ولن الشمــر سيفه امـــجـــرده
دفعها او گضه اويه حسين گصده
             اوردت يــويلي اشـــلــون رده


المرحوم السيد
عبد الحسين الشرع


#اللهم_عجل_لوليك_الفرج

(49)

وين الفاجده الشبان وين الضايگه اللوعه
هاي ام جاسم العريس بالعريس مفجوعه
ـــــ
وين الفاجـــــده الشبــان خــل وياي تتعنه
لأم جاسم نريد نروح نساعــدها على الونه
ونرد الحوفة العريس ونجيم بحوفته حنه

ونلگه ام الشباب اتجـول
على بنها العگـل مذهـول
وتتنعه على الولد وتكول

يشمامة المن سباح هرش الچبد مگطوعه
ـــــ
لگينه ام الشباب اتجول وگمنه نجول وياها
ام وفاجــــده اعله النــوح مايحتاج ننخاها
اولگينه شمعت العـريس مطفيه او علگناها

وشــدينه الطم والنـــوح
ابحرگه والگلب مجــروح
ومن شفنه الولد مطروح

شفنه چثه العريس أسهام ونبل مزروعه
ـــــ
بين الطـــــم والصـايح وبين الدمـعـه والحسره
اجتهن عمت العــريس زينب شـــــابچه العشره
ولگت شمع العرس داوي وصاحت لاچن ابعبره

شنهي الشــمـع وي البين
احنه وعرس جاسم وين
لايسمع اخــــوي احسين

ومن يسمع يجي بهمه ويطفي الشمع بدموعه
ـــــ
بالله الشمع طفنه نريد اعله الولد نلطم
انه عمته وامــه وهـــــاي اموجله وتهم
للطف جيت ماظنيت اليه البين متـولم

وثبت بالدلـيــل اســهــام
وهد حيلي بعرس جسام
آيا بـــــدر ســعــدي التام

راح وصورته ضلت وسط احشاي مطبوعه
ـــــ
من ايدي بن اخـويه راح راح الچــان الي ونسه
حسبت احساب ظني خاب عمته وتفرح بعرسه
راح العرس من جسام وضلت حــســرته بنفسه

ويا حسرت بني هــاشم
المفجرعه بعرس جاسم
مبــارك عــالــثــره نـايم

وعمك يبن اخوي عليك نار وسرت بضلوعه
ـــــ
يومك يبن اخوي يوم هد حيلي ولوه جيدي
وامــك بالخيام تصيح راح الــولــد من ايدي
اريــدن موتتي ويـــــاك ياعـــــريس يوليدي

يجاسم شوف حال امك
تــلــوج وجــاعــده يمك
تخضـب راسها بــدمــك

حكها ام الولد عنها حچاية العتب مرفوعه
ـــــ
هاي امك يجاسم هــاي بيك الدهر دوهنها
سهرت ربت اوتعبت وخاب من الربه ضنها
تصيح ارباي اريد ارباي گلي اشتعتذر منها

تصيح ارباي اريد ارباي
منـك يا ضـــــوه عيناي
يجاسم مو مروّه هـــاي

تروح وضلت اعله امك دواهي الحزن مجموعه

للشاعر المرحوم
معين السباك

#اللهم_عجل_لوليك_الفرج

(30)

زيـنـب  من الخيمه طلعت بيديها
جـود ونخت راعي العلم واليها
لـن گمـر هـاشـم عونچ يناديها
وبچفـه الـرايـه الـمـنـشوره
ــــــــــــــــــــــــــــــــــــــ
نـادت يـبـن مير النحل يمشكر
مشحون  وادي  كربلا من العسكر
مـدري  شـتريد الگوم هالتتكاثر
جـيـمـان  الـكـوفه الغداره
ــــــــــــــــــــــــــــــــــــــ
نـاداهـا يـختي لا تهمچ هالگوم
مـازال انـا الـمتكفلچ والملزوم
وانـه بـن عودچ بالحرايب معلوم
وبـيـوم الـكـون يـعـرفوني
ــــــــــــــــــــــــــــــــــــــ
نـادت فـلا هاب الخطر بوجودك
مـامـون  گلبي يابن ابويه بزودك
ادريـك  حاوي  المرجله من عودك
يـاسـور الـمـانـع يـا هـيبه
ــــــــــــــــــــــــــــــــــــــ
ادريـك راضـع مـن ثدايه النيبه
والـحـرب لـو گل وكثر ماتهيبه
لاچن  اخـبـرنـك  خبر يا هيبه
مـن عگب الـزهـره الـمظلومه
ــــــــــــــــــــــــــــــــــــــ
عـودك  نده عمك بدمع سچاب
عد لي انساب العرب يابن الأطياب
واخطب لي من عدهم زچية أنساب
ومـعـرب  أصـلـك يـا عينه
ــــــــــــــــــــــــــــــــــــ


للمرحوم الشاعر
كاظم المنظور الكربلائي

#اللهم_عجل_لوليك_الفرج

(31)

نعي للاكبر ع

الماي يبني امنين اجيبه
او گلبي مثل گلبك لهيبه
يبني مواعيــدك جريبه
يبدر التنوّه اعله مغيبه
ياگصــوره المعرس ابشيبه
خواتك و عمّاتك ابريبه
يرضيك لن زينب سليبه
عــدام العمر يــرفع الغيبه
سَـدَّر مهتمّ ابظهر النجيبه
او شال الكتيبه اعله الكتيبه
سوّه مثل حيدر ضريبه
ــــــــــــــــــــــــــــــــــــــ
گومي تلگّي ابنچ يليله
شدّي اجروحه و هلهليله
لامة حرب شايل ثجيله
ومن العطش ذايب دليله
وحسين أشوفه يتچّيله
راح الذي راسي يشيله
ــــــــــــــــــــــــــــــــــــــ
يبني علي فتشة العين
يبني الصواب الچاتلك وين
آنه والدك عد راسك احسين
او علي حالته شنهي بعد وين
ينازع و عنّك سكّته البين
بچه و ودّعه ابشمّة الخدّين
ــــــــــــــــــــــــــــــــــــــ
ياعلي يبني انّوب ذلّيت
والموت ياخذني تمنّيت
عمود الوسط يالشايل البيت
يبني بعد عندي اشخلّيت
آنه بيش اجيت و بيش ردّيت
ياواحدي للحيل هدّيت
او ظهري انحنه ولشوفي اعميت
عساني لهاي الدار لاجيت
ــــــــــــــــــــــــــــــــــــــ
المرحوم
عبدالامير الفتلاوي

#اللهم_عجل_لوليك_الفرج

(40)