قُنًأُةَ صًوِتٌ أُلَحٌسًيْنً💙🎙

القصيدة: جينه ننشد كربلاء
✒الشاعر: المرحوم الملا زاير
المناسبة : أربعينية الإمام الحسين
🍃🍃🍃🍃🍃🍃🍃🍃🍃🍃🍃
جينه ننشد كربلا مضيعينها
بيها زينب گالوا ميسرينها
▪▪▪▪▪
يسروها ولا لها واحد فزع
شال حادي ضعونها بساع وگطع
جينه ننشد وين ابو فاضل وگع
ما تدلوني الشريعه وينها
▪▪▪▪▪
بس اشوفه والعتب مني يزول
وادري ابو فاضل على النخوه يجود
عذره حگه يگول مگطوع الزنود
وحال ملك الموت بينه وبينها
▪▪▪▪▪
جينه ننشد كربلا عليها العتب
تگول هاي رجال وتدور الغلب
حرمه زينب بيش مطلوبه بذنب
فوگ چتل حسين ومسلبينها
▪▪▪▪▪
ارد انشدچ كربلا عن النزيل
شلون ضعن الحرم شال بلا دليل
إمچان گلتيلي يعاونها العليل
بالمرض مشدوه وينه و وينها
▪▪▪▪▪
ارد انشدچ هم صدگ بالشام عيد
وحطوا بطشت الذهب راس الشهيد
ومن نشد زينب بديوانه يزيد
گاعده لو واگفه مخلينها
▪▪▪▪▪
جينه ننشد عالعليل من انوله
فوگ ضعف المرض هالبلوى إبتله
ليش ما غاصت باهلها كربله
من گطع بالسيف راس حسينها
▪▪▪▪▪
جينه ننشد كربلا وزين العباد
الروس شالوها وبگت بس الأجساد
شلون جسمك سيدي من المرض ذاد
ما حصل واحد حظى بتجفينها
▪▪▪▪▪
جينه ننشد كربلا عن العيال
شلون گلي بلا ولي هالضعن شال
خلوا السبعين من غير الأطفال
مذبحه ويلي ولا مسجينها
▪▪▪▪▪
جينه  ننشد كربلا والدمع زاد
بيها أميه گظت بحسين المراد
كربلا عليها بچت سبع الشداد
وين شيعتها شسبب ناسينها
▪▪▪▪▪
🍃🍃🍃🍃🍃🍃🍃🍃🍃🍃



اللهم صل على محمد وآل محمد



https://t.center/hkcjhfjoggohcc

لسان حال السیده زینب ع تخاطب الامام السجاد ع
💔💔💔
المآسي بگلبي تنهش
شلهه منه
وقواجسمی زماني
شلهه منه
اعلی راس احسین
اختک شلهه منه
سکن ونها و اظن
ماتت رقیه

(سیدناصرالموسوي)

👑في رحاب السلطان👑

اجيتك يالرضا تدفعني لامال
من اقصى الارض گاطع مسافات.......

فقير وجيت ادگ بابك يابو الجود
وطحت بمضيفك اليشطر كرامات.......

شفت الناس منك تمشي بسرور
يگولون الرضا انطانه المرادات......

اجيتك والگلب تمليه الهموم
ذنوبي اثگال وامحمل خطيئات......

هالكني الحزن واصروف الايام
حوائج صعبه عندي وكود حسرات......

شفت ماكو اليظم اسرار بالناس
واجيت احچيهه الك ياطيب الذات.......

مذله الطلبه لوچانت من الناس
لچن يمك عزيز العنده حاجات......

جريت ادموع عوزي ابًّاب المراد
وعليه شاهده اعيون المنارات......

ردت اقسم لچن بيش اقسم اعليك
اشو كلهن مصايبكم عظيمات......

ابظلع فاطم اخافن هذا ياذيك
اذن خل آخذك.   للغاضريات.......

احلفك بالرضيع النحره مذبوح؟
لوعباس واچفوفه الگطيعات؟.......

لونحر الحسين وسهم الفًّاد
وصدره الرضرضته الاعوجيات؟.......

لواقسم عليك ابطفلة احسين؟
لو بالخدٍّر. الراحن سبيات؟.........

لاماحلًّفك ماريدن آذيك
يمن كلك لطف يابو العطائات.......

يقين ادري تردني وبيدي المراد
لأن ماخاب كلمن جاك هيهات.......
لأن ماخاب كلمن جاك هيهات.......
(سيدناصرالموسوي )
🌷🌷🌷🌷🌷🌷




https://t.center/hkcjhfjoggohcc

لسان حال السیده زینب علیها السلام
💔💔💔
یلایم گلبي ماتـــدري
شلَم بي
غمیج الجرح ویأدي
شلِم بي
رحت لحـــسین الم
جسمه شلم بی
وذر شفته اعلی طول
الغاضریه
(سیدناصرالموسوی)

لسان حال السیده زینب ع تخاطب اخاها محمد ابن الحنفیه ع
💔💔💔
لیالی الشوم یمحمد
لمتنه
وجری اعلینه الأسی
وشتت لمتنه
ابن اخوک الحبل
من متنی لمتنه
یساری اخــــذونا
لولاد الدعیه

(سیدناصر الموسوی)

قصيده للمسير جبل الصبر نحو بلاد الشام*





الهظم يرسم آلم
وانه بلرضعان الم
آه يناكه محملي
آنه زينب بت علي
آه يناكه..آه يناكه
آنه ونتي والدرب يكلف علينا
آنه وضعوني غصب شدوها ادينه
احنه خدر آل النبي تالي انسبينه
نحجي سكته من الشماته وما بجينه

شيمتي ضل علثره
والضلاع اموذره
والامر اصبح جلي
آنه زينب بت علي
آه يناكه..آه يناكه
✍طالبه الزهراء
**
إنه مهضومه غصب وياج اروحن
كون اضل  بكربله ياناكه اموتن
جيت وي اهل الحزم وشلون اعودن
امشي وبسدي خواتي هم يلوذن

الامر ماهو سهل
الجسم منهن نحل
منين اجيب اخوان الي
انه زينب بت علي
اه يناكه.  اه يناكه
✍حوراء بنت الكوت
========
الدرب كلش وعر صعبه المسافه
اليحدي بينا بلا رحم ابلا مخافه
ونتي هزله وجن سنينج بس عجافه
بالي ضل يحسب عبي الخدر وعفافه
وحده الوحده بجن

صوتهن همس الحجن
بالعمر بعده شلي
آنه زينب بت علي
آه يناكه..آه يناكه
✍طالبه الزهراء
https://t.center/hkcjhfjoggohcc

‏مقطع صوتي من يا بقيه الله

نعي للحسين عليه السلام يوم السابع
=======


سبع تيام مرن علي يحسين

چنهن  عمر  ياخوي  يحنين

مرن  عليه  وچنهن  سنين

.........😭

مرن  عليه  بحزن  وبنوح

يوم العفتني بگلب مجروح

وعفتك على التربان مطروح


..........😭

انه ابودي اسويلك ثوابات

ونصب عزه اسوي اقرايات

اعذرني تراني ابين شمات

..........😭

سبع تيام ونته بعيد عني

عفتني بهظم  يلرحت مني

ماحسبت  خويه  تذبني

...........😭

گوه  يخويه  فارگيتك

ومن  العذب  ماشربيتك

لو تنشره بروحي شريتك

..........😭

اسبوع الولي وخالي امچانه

وبس الحرم محد ويانه

كل الخلگ خويه حزانه

..........😭

وسفه اخوي الترب غاطيه

تحت الثرى وغيير معانيه

والراح مني وين الاگيه

عميه على الخوان عيني


=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

ـــــــــــــــــــــــــــــــــــــــــــــــــــــــــــــــ
انشر تؤجر📌
https://t.center/hkcjhfjoggohcc

بيش المّــك ... عندي بس هاي العبايه الساترتني
وين اضمك ... خاف لو غطيك بيها تشوف متني
شلون ألمك وأنت كل وصله بكتر
وبيش اشيلك وانـه هد حليلي الشمر
كون اراويك السياط الكاتلتني
ــــــــــــــــــــــــــــــــــــــ
جيت ونده وين اخوي الدلل اختـه ارد اسولفله علـى الضيم الجرعتــــه
وين وجهه اوين مكَفـاه ماعرفتــه لاعبــات الخيــل ميـدان اعلـى جثتــه
كل شي مابي ينعرف بلكَـوه شفته بس عرفته حسين من عطره وشبكَته
عمت عيني مكَطع وصاير وذر
شمــالهــم ماخلــو لجسمك اثــر
ريتـهــــا ويــاك الحــوافــر وذرتنـــي
ــــــــــــــــــــــــــــــــــــــ
شلون ألمك وأنت كل وصله بنويه
ومخاذات ضلوعك خيول ال اميـه
منيـن مـــا اشيلنــك اطيــح منـديــه
بلّــه كَلــي شلــون اراويـك لرقيــه
نيمتهــا وجيتــك ومـاتـــدري بيـــه وهســــه يمكـن طلعت ادور عليــه
الدمع شكَ خدودها الجانت ورد
وسكتتهــا بجلمـة الهلبت يــــرد
يــــابعــــد كَلبــي ابنـاتك حيرتنــــي
ــــــــــــــــــــــــــــــــــــــ
شيبت راسي شكثر تنشدنــي عنك
ويـــن مااوديهــا تشتــم ريحـه منـك
شرد اكَلها الخيل بالطف طشرنك
ومـدري يـاصوب بحوافرهن خـذك
حتـى يــم خيمتهـا يمكـن وصلنّك
جنه نسمع صوتهن من رضرضنك
تنشــد شمــا ينكسـر منـك ضلــع
عمه ليش منسمع الصوت انوجع
وشيبــت راس الكَـلب مــن نــاشدتـنــي
ــــــــــــــــــــــــــــــــــــــ
خويـه بنتك كَلبت الدنيــا ابحـزنهـا
فات وكت المغرب وفكَدت حظنها



الشاعر رائد الناشي

#تراث #نعي

عندما شاهدة نساء بني اسد الاجساد الطاهرة لسادتي روحي فداهم

گصدنه نجيب الماي ونعود
وهناك شفنه بطل ممدود
نايم ويمه امزگ الجود
وعينه اصبيه ابسهم ممرود
ومگطعه اچفوفه من الزنود
ومفضوخ راسه بضربه اعمود
.
وبالمعركه شفنه اعجوبه
عريس واچفوفه مخضوبه
مثل الچفن تفصيل ثوبه
.
وشفنه بعد نور يتلاله
خيال النبي يشبه خياله
جثه ولاچن راس ماله
.
وشفنه طفل متوسد ايده
وشفنه السهم يلمع ابجيده
اثاري السهم خايط وريده
.
وشفنه بطل نايم بكتره
وكثره دمومه صوب نحره
اثاري البطل ايه الكبره
الحسين شمامه الزهره


الشاعر المرحوم
الشيخ محمد سعيد المنصوري
(199)
#اللهم_عجل_لوليك_الفرج

لبيك ياحسين ع
*{غريب من دونك}*

حسين وعيونك
غريب من دونك
هواي..غلاي..مناي..ضواي..حسين

اغيب تفگدني
اروح وتردني
قريب..مجيب..حبيب..عجيب..حسين


١/قرآن اشواگي وعشگي حسين المبين
يمحلي  الدنيه  ابعيني   ولون  السنين
اشهد  أن  ماكو  حبيب  إيشبهك  حنين

والعالم بدونك سراب
والكون ابغيابك خراب
وسنين اليعوفك تراب

سلام على صبرك
وحيد واشكثرك
مدود..ودود..وجود..خلود..حسين

ربيت على جودك
اعيش على مودك
اطوف..اشوف..عطوف..رؤوف..حسين


٢/سلطاني حسيني وحاكم گلبي الوحيد
ماعيش  ابكيفي ابكيفك اعيشن اريد
لو موت ابحبك  اموت واصبح شهيد

عودني ابغرامك اهيم
واحرگني ابودادك هشيم
مو هسه عشگتك قديم

هويت واتغزل
حبيب ماينمل
بديع  وديع   شفيع   سميع حسين

وعيت على خيرك
حرام حب غيرك
كريم..حميم..عليم..نديم..حسين


٣/لميت احلامي وشوفي وروحي ابجفاك
على  ناگة  دمعي  امهاجر  للطف  وراك
امغمض  واندلك   حافظ  ريحت  هواك

صحراء وخيامك خضار
بالظلمه  واشوفك  نهار
مو  بالسر  احبك   جهار

اجيك متوسل
عليك متوكل
فداك حمال رضالك علاك حسين


سرور غامرني
عطوف ساحرني
جمال..دلال..وصال..جلال..حسين


٤/اطرق على باب اجفونك وانته الحنون
افتحلي  اعيونك   واذن لي  بالجنون
انه لو ما انته اوياي انه معدم اكون

كلشي ابلا وجودك فناء
وبقربك   لگينه  البقاء
يحسين انته ثامن سماء

انوح لجروحك
اسير عد روحك
بكاء..دعاء..رثاء..رجاء..حسين


ربيع بسنينك
اموت على دينك
امير..مجير..كبير..بصير..حسين

*الشاعر الموفق علي عويز الشويلي*

رابط قصيدة "غريب من دونك ➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكنان
➖➖➖➖➖➖➖➖➖➖➖➖➖
القناة الرسمية للملا عمار الكناني عل