Bosh vazir matbuot kotibi | Bekzod Hidoyatov

Channel

10.4K

subscribers

O’zbekiston Respublikasi Bosh vazirining Matbuot kotibi ——— Ózbekstan Respublikası Bas ministrdiń baspasóz xatkeri ——— Press Secretary of the Prime Minister of the Republic of Uzbekistan

Bosh vazir matbuot kotibi | Bekzod Hidoyatov

Вазирлар Маҳкамасининг тегишли қарори билан Ибрагимов Шухрат Мусожонович Бош вазирнинг ёрдамчиси – Бош вазир қабулхонасининг мудири лавозимига тайинланди. Шу муносабат билан, Ашуров Сарвар Ғаниевич Бош вазирнинг ёрдамчиси – Бош вазир қабулхонасининг мудири лавозимидан озод қилинди.

Ш.Ибрагимов бунга қадар Вазирлар Маҳкамаси котибияти мудирининг ўринбосари — бўлим бошлиғи лавозимида ишлаб келган.

Facebook | Instagram

7.9K views06:56

Bosh vazir matbuot kotibi | Bekzod Hidoyatov

Forwarded from Shavkat Mirziyoyev_press-service

Ўзбекистон Республикаси Президентининг "А.Н. Ариповни Ўзбекистон Республикасининг Бош вазири лавозимига тайинлаш тўғрисида"ги Фармони
—
Указ Президента Республики Узбекистан "О назначении Арипова А.Н. на должность Премьер-министра Республики Узбекистан"

Prezident.uz|Facebook|Instagram|YouTube|X

9.1K views15:02

Bosh vazir matbuot kotibi | Bekzod Hidoyatov

Жорий йилнинг 27 октябрь куни ўтказилган Парламент сайловларига мувофиқ, Олий Мажлис палаталари янги таркибда шакллантирилди.

Ўзбекистон Республикаси Конституциясининг 116-моддаси ва “Ўзбекистон Республикаси Вазирлар Маҳкамаси тўғрисида”ги Қонуннинг 7-моддасида Вазирлар Маҳкамаси Олий Мажлис олдида ўз ваколатларини зиммасидан соқит қилиши белгиланган.

Шу муносабат билан, жорий йилнинг 19 ноябрь куни Вазирлар Маҳкамасининг тегишли қарорига кўра амалдаги Ҳукумат янги сайланган Олий Мажлис олдида ваколатларини зиммасидан соқит қилди.

Ўз навбатида, Ўзбекистон Республикаси Президентининг тегишли Фармонига асосан, амалдаги Вазирлар Маҳкамаси Ҳукумат фаолиятида узвийлик ва узлуксизликни таъминлаш мақсадида янги таркибдаги Вазирлар Маҳкамаси шакллантирилгунига қадар ўз фаолиятини давом эттириб туриши маълум қилинади.

Facebook | Instagram

12.9K viewsedited 10:18

Bosh vazir matbuot kotibi | Bekzod Hidoyatov

Ўзбекистон Республикаси Вазирлар Маҳкамасининг тегишли қарорига асосан Нарзулло Наимович Обломурадов Тошкент давлат аграр университетининг ректори;

Севара Баходировна Шакирова Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги директорининг ўринбосари лавозимига тайинланди.

Facebook | Instagram

9.2K views08:49

Bosh vazir matbuot kotibi | Bekzod Hidoyatov

Бугун, 5 ноябрь куни Шанхай шаҳрида еттинчи Хитой халқаро импорт маҳсулотлари кўргазмасининг расмий очилиш маросими доирасида халқаро иқтисодий форум ўтказилди.

Тадбирда Хитой Халқ Республикаси Давлат кенгаши Бош вазири Ли Цян, Малайзия Бош вазири Анвар Иброҳим, Қозоғистон Бош вазири Олжас Бектенов, Мўғулистон Бош вазири Лувсаннамсрайн Оюун-Эрдене, Сербия Бош вазири Милош Вучевич, Жаҳон савдо ташкилоти бош директори Нгози Оконжо-Ивеала ҳамда (видеомурожаат), БМТнинг Савдо ва тараққиёт бўйича конференцияси (ЮНКТАД) бош котиби Ребека Гринспан (видеомурожаат), Словакия, Озарбайжон, Саудия Арабистони, Покистон, Индонезия, Никарагуа, Танзания сингари жами 182 мамлакатлар ҳамда халқаро ташкилотлар вакиллари иштирок этди.

Форумда Ўзбекистон Республикаси Бош вазири Абдулла Арипов сўзга чиқди.

Форумдан сўнг делегациялар раҳбарлари 73 давлат қатнашаётган кўргазма фаолияти билан танишди.

Facebook | Instagram | Portal

17.1K views11:34

Bosh vazir matbuot kotibi | Bekzod Hidoyatov

Жорий йилнинг 5-10 ноябрь кунлари Хитой Халқ Республикасининг Шанхай шаҳрида еттинчи Хитой халқаро импорт маҳсулотлари кўргазмаси бўлиб ўтади.

Мазкур тадбирда фаҳрий меҳмон мақомида иштирок этиш учун Ўзбекистон Республикаси Бош вазири Абдулла Арипов бошчилигидаги мамлакатимиз ҳукумати делегацияси бугун, 4 ноябрь куни Шанхайга ташриф буюрди.

Ташриф доирасида Хитой Халқ Республикаси Давлат кенгаши Бош вазири Ли Цян билан учрашув ўтказилди.

Facebook | Instagram | Portal

10.4K views12:45

Bosh vazir matbuot kotibi | Bekzod Hidoyatov

Олмалиқ шаҳридаги “Металлург” маданият саройида “Олмалиқ кон-металлургия комбинати” акциядорлик жамияти ташкил топганининг 75 йиллиги муносабати билан байрам тадбири ўтказилди.

Ўзбекистон Республикаси Президенти Шавкат Мирзиёевнинг комбинат жамоасига йўллаган байрам табригини Бош вазир Абдулла Арипов ўқиб эшиттирди.

Куни кеча, Давлатимиз раҳбари юбилей сана муносабати билан ишлаб чиқариш илғорларидан бир гуруҳини мукофотлаш бўйича тегишли Фармонни имзолаган эди.

Тадбирда давлатимизнинг ана шу юксак мукофотларини Президентимиз номидан Бош вазир ўз эгаларига топширди.

Мукофотланган кончи ва металлурглар юксак эътибор учун Давлатимиз раҳбарига ўз миннатдорчилигини билдирди.

Тадбир сўнгида концерт дастури намойиш этилди.

Facebook | Instagram

10.8K views07:53